«جۇمىس ساپارى كەزىندە جاعالاۋى قايتا جوندەۋدەن ءوتىپ, ماڭايى اباتتاندىرىلىپ جاتقان ەسەنتاي, تىكساي, جاربۇلاق وزەندەرىندەگى جۇمىس بارىسىن كورىپ قايتتىم. گيدروتەحنيكالىق قۇرىلىستى قوسا العاندا, وزەن ارنالارى رەتكە كەلتىرىلمەك. جاعالاۋلار گابيونمەن نىعايتىلىپ, قاراۋسىز قالعان ۋچاسكەلەردە جاياۋ جۇرگىنشىلەرگە ارنالعان جولى بار جاڭا قوعامدىق كەڭىستىك قۇرىلادى. جۇرۋگە ىڭعايلى جول جابىندىسى توسەلىپ, قويىلاتىن ورىندىقتاردىڭ تابيعي ماتەريالدان بولۋىنا ءمان بەردىم», دەپ جازدى ب. ساعىنتاەۆ.
سونداي-اق ول ۇلكەن الماتى مەن اقساي وزەندەرى باسسەيندەرىندەگى بوگەتتەردىڭ قۇرىلىس الاڭدارىن قاراپ شىقتى.
«بۇل وزەندەردىڭ باسسەيندەرىندە, تاۋلاردا قاۋىپتى ءۇش مورەنالىق كول بار. قۇرىلىس جۇمىستارى كەزىندە قوزعالىسقا شەكتەۋ قويىلۋى مۇمكىن. جاسىل ەكونوميكا باسقارماسىنا جۇرتشىلىقپەن بىرلەسىپ, ءماجبۇرلى تۇردە كەسىلگەن جاسىل جەلەكتىڭ ورنىنا وتەمدىك نەگىزدە ەگىلەتىن جۇمىستاردى باقىلاۋدى تاپسىردىم», دەلىنگەن جازبادا.
