رۋحانيات • 04 ناۋرىز، 2021

باس ءمۇفتي: ەلىمىزدەگى مەشىتتەر قازاقى ستيلدە بولۋى ءتيىس

29 رەت كورسەتىلدى

ەلوردادا باس ءمۇفتي ناۋرىزباي قاجى تاعان ۇلىنىڭ توراعالىعىمەن قازاقستان مۇسىلماندارى ءدىني باسقارماسى جانىنان قۇرىلعان قازاقى ستيلدەگى مەشىت قۇرىلىسى بويىنشا جۇمىس توبىنىڭ العاشقى ءماجىلىسى ءوتتى، دەپ حابارلايدى Egemen.kz

جيىنعا قمدب توراعاسىنىڭ ورىنباسارى، نايب ءمۇفتي ەرشات اعىباي ۇلى، اپپارات باسشىسى عىلىمبەك جادىگەر ۇلى جانە جۇمىس توبىنىڭ مۇشەلەرى قاتىستى.

الدىمەن ءسوز العان باس ءمۇفتي ناۋرىزباي قاجى تاعان ۇلى: «مەشىت تۇرعىزۋدا ءار حالىق ءوزىنىڭ ساۋلەت ونەرى مەن ءداستۇرىن ەسكەرىپ، ۇلتتىق ناقىشىن كورسەتۋگە تىرىسقان. سوندىقتان ەلىمىزدەگى مەشىتتەردىڭ دە ءوزىنىڭ قازاقى ءستيلى بولۋى ءتيىس. سەبەبى بۇل مەشىتتەر عاسىرلار بويى ۇرپاقتان-ۇرپاققا امانات بولىپ، حالىق يگىلىگىنە قىزمەت ەتەدى» دەپ اتاپ ءوتتى.

بەلگىلى ساۋلەتشى، مەملەكەتتىك سىيلىقتىڭ يەگەرى ساعىندىق جانبولاتوۆ ءدىني باسقارمانىڭ قولعا الىپ وتىرعان جوباسىن قولدايتىنىن ايتا كەلىپ، ارنايى جۇمىس توبىن قۇرۋدى ۇسىندى. جۇمىس توبىنا ساۋلەتشىلەر بىرلىك ەرەجەپوۆ، ەسىمبەت قاپاباەۆ، قانات قۇرعانوۆتى، ەسەنعالي احمەتوۆتى جانە ءمۇفتيات ماماندارىن قوسۋدى ۇسىندى.

سونداي-اق جيىن بارىسىندا قازاقى ستيلدەگى مەشىت جوباسى مەن ماكەتىن بەكىتۋ، مەشىت قۇرىلىسىنا قاتىستى كەمشىلىكتەردى بولدىرماۋ ءۇشىن ينجەنەرلىك جۇمىستاردى جەتىلدىرۋ، «قازاقستان رەسپۋبليكاسىنداعى ساۋلەت، قالا قۇرىلىسى جانە قۇرىلىس قىزمەتى تۋرالى» زاڭىنا مەشىت قۇرىلىسى بويىنشا باپ نەمەسە تارماق ەنگىزۋ سەكىلدى ماسەلەلەر قارالدى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار