«انا ءولىمى بولعانى راس. بۇل الماتىداعى 5-پەرزەنتحانادا 2 ناۋرىزدا بولعان. قازىر تەرگەۋ جۇرگىزىلىپ جاتىر. سوت-مەديتسينالىق ساراپتاماسىن كۇتىپ وتىرمىز. انا ولىمىنە قاتىستى پروبلەما اۋرۋحانا باسشىلىعى تاراپىنان كەتكەن قاتەلىكتەن, ۇيىمداستىرۋ جۇمىستارىنا سالعىرت قاراۋدان بولسا قوعامدىق دەنساۋلىق باسقارماسى اتالعان فاكتىنى نازاردان تىس قالدىرمايدى, قاتاڭ شارا قولداناتىن بولادى», دەدى لاۋرا مىرزاعالي.
سونداي-اق ول جەمقورلىق تۋرالى اقپارات تۇسپەگەنىن ايتادى.
«ەگەر تەرگەۋ بارىسىندا انىقتالسا ءبىز ءوز تاراپىمىزدان شارا قولدانامىز. وزدەرىڭىز بىلەسىزدەر شەشىلەتىن, الدىن الۋعا بولاتىن, بولمايتىن جاعدايلار بولادى. سول سەبەپتى بارلىق جاعدايدى باقىلاۋدا ۇستايمىز», دەدى ول.
