«بيىلدىڭ وزىندە ايەلدەر كاسىپكەرلىگىن دامىتۋ بويىنشا 17 ورتالىق اشىلىپ, جۇمىس ىستەي باستايدى, ياعني ەلىمىزدىڭ ءار وڭىرىندە ءبىر-ءبىر ورتالىق بولادى», دەدى مينيستر.
ورتالىقتاردىڭ اشىلۋى قر ۇەم, «اتامەكەن» ۇكپ جانە قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا اراسىنداعى ايەلدەر كاسىپكەرلىگىن دامىتۋ بويىنشا ارىپتەستىك جانە ىنتىماقتاستىق تۋرالى قول قويىلعان كەلىسىم شەڭبەرىندە كوزدەلىپ وتىر.
ايتا كەتۋ كەرەك, بيزنەستى قولداۋ جونىندەگى مەملەكەتتىك باعدارلامالار مونيتورينگىنىڭ دەرەكتەرى بويىنشا مەملەكەتتەن قارجىلاي قولداۋ الاتىن كاسىپكەر ايەلدەردىڭ ۇلەسى شامامەن 32%-ءتى قۇرايدى. بۇل جەڭىلدەتىلگەن بانكتىك كرەديتتەۋ جانە گرانتتار بەرۋ. قارجىلاي ەمەس قولداۋ جوبالارىنىڭ جارتىسىنا جۋىعى (45%) – ايەل-كاسىپكەرلەردىڭ قاتىسۋىمەن ىسكە اسىرىلادى. ۇلتتىق ەكونوميكا مينيسترلىگى مەن ەققدب اراسىنداعى ىنتىماقتاستىق شەڭبەرىندە 300-گە جۋىق كاسىپكەر ايەل جەرگىلىكتى كونسۋلتانتتاردان كونسۋلتاتسيالىق كومەك الدى, 35,4 ملرد تەڭگە سوماسىندا 21,8 مىڭ كرەديت بەرىلدى.
