بىلتىر 430,7 مىڭ ادام جالپى سوماسى 52,3 ملرد تەڭگەگە بالا تۋعاندا بەرىلەتىن بىرجولعى جاردەماقىنى العان. ءبىر جاسقا تولعانعا دەيىنگى بالا كۇتىمىنە بايلانىستى اي سايىنعى جاردەماقىنى 2020 جىلى ورتا ەسەپپەن 120,9 مىڭ ادام الىپتى. ولارعا 31,7 ملرد تەڭگە تولەنگەن.
«التىن القا», «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان, I جانە II دارەجەلى «انا داڭقى» وردەندەرىمەن ماراپاتتالعان كوپبالالى انالارعا بەرىلەتىن اي سايىنعى جاردەماقى 49,1 ملرد تەڭگەنى قۇراپ, 232,3 مىڭ ايەل قامتىلعان. ءتورت جانە ودان دا كوپ كامەلەتكە تولماعان بالالارى بار كوپبالالى وتباسىلارعا بەرىلەتىن جاردەماقىنى (236,2 ملرد تەڭگە) 2020 جىلى 428 290 مىڭ وتباسى العان.
2021 جىلعا بالالى وتباسىلاردى الەۋمەتتىك قولداۋعا 755,4 ملرد تەڭگە, ونىڭ ىشىندە بيۋدجەتتەن 501,7 ملرد تەڭگە جانە ماسق-تان 253,7 ملرد تەڭگە قاراستىرىلعان.
