30 جىلدان استام ۋاقىتتان بەرى رۋدنىي قالاسىندا «رۋدنىي قالالىق مۇگەدەكتەردىڭ ەرىكتى قوعامى» قب جۇمىس ىستەپ كەلەدى. ول مۇگەدەكتىگى بار ادامداردى بىرىكتىرەدى, ولارعا جۇمىس تابۋعا جانە ومىردە ءوز ورنىن تابۋعا كومەكتەسەدى, باسقاشا ايتقاندا مۇمكىندىكتەرى شەكتەۋلى ادامداردى ءىس جۇزىندە ينتەگراتسيالاۋ جانە وڭالتۋ پروتسەسىن جۇزەگە اسىرادى.
2019 جىلى «رقمەق» قب «Samruk-Kazyna Trust» الەۋمەتتىك جوبالاردى دامىتۋ قورىنىڭ «ارەكەت» جوباسىنىڭ گرانتىن جەڭىپ الىپ, وزىنە-ءوزى قىزمەت كورسەتۋ تقكس ارنالعان قوسىمشا ءۇي-جايىن سالىپ, جابدىقتادى, وسىلايشا ونىڭ جۇمىسىن كەڭەيتتى.
ء«بىز اۆتوكولىكتەردى جوندەۋ بويىنشا كەشەندى سەرۆيستىڭ اقىلى قىزمەتتەرىن كورسەتەمىز, وعان شينومونتاج راسىمدەرى, تەڭگەرىمدەۋ, ءجۇرىس بولىگىن جوندەۋ كىرەدى. بۇدان باسقا, ءبىز اۆتوكولىك يەلەرىنە اۆتوكولىكتى ءوز بەتىنشە جوندەۋگە ارنالعان جابدىعى بار تقكس ءۇي-جايلارىن جالعا بەرەمىز», دەيدى بىرلەستىك توراعاسى ساناش ەششانوۆ.
كەۇ ەرەكشە قاجەتتىلىكتەرى بار 8 ادامدى مونتاجداۋ جانە اۆتوجوندەۋ تسەحىندا ءبىلىم مەن جۇمىس داعدىلارىنا ۇيرەتتى جانە ولاردى قولدانىستاعى وزىنە-ءوزى قىزمەت كورسەتۋ تقكس-نا جۇمىسقا ورنالاستىردى.
مىسالى, يۋري ۆينوگرادوۆ ستانتسيادا ديسپەتچەر بولىپ جۇمىس ىستەيدى. ءيۋريدىڭ ءبىلىمى تەحنيكالىق, بىراق ماشينالار بويىنشا ەمەس. كەڭەس زامانىندا ول وندىرىستە جاراقات الىپ, سودان بەرى مۇگەدەكتىگى بار. مۇندا ونىڭ مىندەتىنە تقكس كليەنتتەرىن جازۋ, قۇرالداردى بەرۋ, جوندەۋگە كومەكتەسۋ كىرەدى.
«تقكس-دا جۇمىس ىستەۋ مۇمكىندىگى تەك جالاقى تولەنگەندىكتەن عانا قۇندى ەمەس. مەن ءۇشىن ءوزىمدى كەرەك سەزىنۋ ماڭىزدى», دەيدى يۋري.
«ارەكەت» جوباسىنىڭ ارقاسىندا «رقمەق» قب ءوز ايماعىندا الەۋمەتتىك كاسىپكەرلىك مادەنيەتىن دامىتا باستادى, ايماقتاعىلار بۇعان دەيىن مۇنداي ۇعىم تۋرالى ەستىگەن, بىراق بەلسەندى قولدانۋعا باتىلى جەتپەگەن.
جوبا ءساتتى جۇزەگە اسقان يدەيالاردىڭ بىرىنە اينالدى. ونىڭ اۆتورلارى وزدەرىن ۇلگى ەتىپ, اينالاداعىلارعا الەۋمەتتىك جوبا پايدا اكەلىپ قانا قويماي, قوعامدىق ۇيىمعا قارجىلىق تۇراقتىلىقتى تابۋعا مۇمكىندىك بەرەتىنىن دالەلدەدى.
«رۋدنىيداعى وزىنە-ءوزى قىزمەت كورسەتۋ تقكس جوباسى - الەۋمەتتىك كاسىپكەرلىكتىڭ جاقسى ۇلگىسى. ءبىر جاعىنان, ەرەكشە قاجەتتىلىكتەرى بار ادامداردى جۇمىسقا ورنالاستىرۋ سياقتى الەۋمەتتىك ماسەلە شەشىلۋدە. ەكىنشى جاعىنان, ۇيىم جالاقى كوزىن تاپتى, سونىڭ ارقاسىندا ول ءوز قىزمەتكەرلەرىن جالاقىمەن قامتاماسىز ەتەدى, كوممۋنالدىق شىعىنداردى تولەيدى جانە باسقا جوبالاردى باستاي الادى. ۇشىنشىدەن, رۋدنىي قالاسىنىڭ تۇرعىندارى تقكس قىزمەتتەرىن الەۋمەتتىك باعامەن الادى, سوندىقتان جوبا حالىق اراسىندا ۇلكەن تانىمالدىلىققا يە بولدى», دەپ ءتۇسىندىردى «Samruk-Kazyna Trust» قورىنىڭ رەسمي وكىلى ميراس ىرگەباەۆ.
جوبا ەرەكشە قاجەتتىلىكتەرى بار ادامداردى جۇمىسقا ورنالاستىرۋ ارقىلى قوعامعا الەۋمەتتەندىرۋگە ءسوزسىز اسەر ەتتى. سونىمەن قاتار, وسى جوبانىڭ ارقاسىندا ەرەكشە قاجەتتىلىكتەرى بار ادامداردى جۇمىسپەن قامتۋ ماسەلەلەرىن شەشۋ جولدارى تۋرالى قوعامنىڭ حاباردارلىعى ارتادى.
«رقمەق» قب العا قويعان جوسپارلارى كوپ. بىراق ەڭ باستى ماقسات – توقتاماۋ جانە ەشتەڭەگە قاراماستان وسى ءىستى جالعاستىرۋ, مۇگەدەكتىگى بار ادامداردى بىرىكتىرۋ جانە وزگەلەرگە ۇلگى بولىپ, ءبارى دە مۇمكىن ەكەنىن دالەلدەۋ.
