بيزنەس • 03 ناۋرىز، 2021

الماتىدا «چۋپا-قۇرت» ءونىمى نارىققا شىقتى

85 رەت كورسەتىلدى

بۇگىن الماتى قالاسىندا «Asyl Tas Holding» كومپانياسى جاڭا وتاندىق ءونىمدى كوپشىلىككە تانىستىردى، دەپ حابارلايدى Egemen.kz

«Asyl Tas Holding» كومپانياسى كادىمگى مايلى قۇرتتى نارىققا شىعاردى. اسىرەسە، مۇنداي ونىمدەر بالالار ءۇشىن ناعىز دارۋمەن.

«بۇلاي شىعارۋداعى ءبىرىنشى ماقسات – بالالاردى قىزىقتىرۋ. دۇكەنگە بارساق، تاتتىلەردىڭ بارىنە حيميالىق قوسپا قوسىلادى. وكىنىشكە قاراي، ونىڭ ورنىنا بالاما جوق. مىنە، ءبىز وسى ءونىم ارقىلى سول تاتتىلەردىڭ ورنىن باسساق دەيمىز. ەكىنشى، تاياقشامەن ۇلكەن ادامدار جەسە دە، ىڭعايلى. اتا-بابامىزدىڭ ۇلتتىق ءدامىن جاڭا زامانعا ساي جاڭعىرتىپ، كرەاتيۆتى فورماتتا ويلاپ شىعاردىق» دەيدى ءوندىرۋشى توپ وكىلى.

قۇرت ەكى ءتۇرلى قوراپتا شىعادى. بىرەۋىنىڭ سىرتىندا «اسىل تاسىمىزدىڭ» قاسيەتى جايىندا ءۇش تىلدە اقپارات بار. ابايدىڭ «جەتىنشى قاراسوزى» دە ءۇش تىلدە جازىلعان. 

«اشارشىلىق، زۇلمات جىلدارىندا حالىققا تالعاجاۋ بولعان تاعامنىڭ قادىرىن جەتە ءتۇسىنىپ ءجۇرمىز بە؟ بۇگىندە نارىقتا قۇرتتىڭ ءتۇر-ءتۇرى بار. تالعامعا، دامىنە قاراپ تاڭداي بەر. بىراق ناعىز تابيعي ءدامى بار قۇرتتى اڭسايسىز با؟ ءوز باسىم شەتەلگە «مىناۋ قازاقتىڭ ءدامى» دەپ قۇرت اپارعىم كەلەدى. وسى رەتتە سەرىكتەستەرىممەن بىرىگىپ، «Asyl Tas Holding» ءوندىرىس كومپانياسىن اشۋدى ءجون كوردىك. «Asyl Tas Holding» تابيعي تازا، ەشبىر قوسپاسىز، سەرتيفيكاتتالعان، پاتەنتتەلگەن ءارى فورماسى ەرەسەكتەردى دە، بالالاردى دا قىزىقتىراتىن جاڭا قۇرت ءتۇرىن ۇسىنادى. سونىمەن قاتار، شەتەلگە شىققاندا قازاق حالقىنىڭ اتىنان بازارلىق رەتىندە ۇسىناتىن قۇرت ءتۇرىن شىعاردىق. مۇندا حاكىم ابايدىڭ ادامزاتقا قاتىستى ايتقان قارا ءسوزى، قۇرتتىڭ قازاق تاريحىنداعى ماڭىزى دا جازىلعان. شەتەلدىك دوستارىڭىز، ارىپتەس، سەرىكتەستەر قازاقتىڭ ءدامىن تاتىپ، تاريحىمەن وسىلايشا تانىسا الادى. ۇلتتىق ءونىمدى قايتا جاڭعىرتىپ، ۇلتتىق برەندتى ناسيحاتتاۋ – ءاربىرىمىزدىڭ قولىمىزدا. قۇرت – ءبىزدىڭ اسىل تاسىمىز. ۇلتتىق ءونىم شەتەلدىك ونىمنەن كەم تۇسپەيتىنىن دالەلدەيىك!»، – دەيدى بەلگىلى اكتەر راحمان ومار.

وتاندىق ءونىمنىڭ تۇساۋكەسەرىندە ءسوز العان بەلگىلى اكتەر دوسقان جولجاقسىنوۆ: «قازاق جاۋگەرشىلىك زاماندا مالتا سورىپ، اش وزەگىن الدەندىرگەن. ءارى تاماق، ءارى ءشولدى باساتىن بۇل ءونىم تالايدى اشتان دا الىپ قالدى. ەندى ونى ءوز ءونىمىمىز رەتىندە شىعارۋ ۇلكەن ەڭبەك. سوندىقتان قۇرتتى «اسىل تاس» دەپ اتاۋ بەكەر ەمەس»، دەپ ايتتى.

 
سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار