رۋحانيات • 03 ناۋرىز، 2021

حالىق ىقىلاسىنا بولەنگەن - ءان حاديشا

43 رەت كورسەتىلدى

ءشامشى قالداياقوۆتىڭ «وتىرارداعى توي» ءانى شىرقالعاندا اۋەلى حاديشا شالاباەۆا ەسكە تۇسەتىنى انىق. تالايدى انىمەن تامساندىرىپ، قازاق ءانىن بيىكتە شارىقتاتقان ءانشىنىڭ بۇگىندە شىعارماشىلىعىندا قانداي جاڭالىق بار؟ سارالاپ كورەيىك.

ەڭبەك جولىن 1992 جىلدان باستاپ وقمپۋ-دە «ەسترادا – ۆوكال» ۇيىرمەسىنىڭ جەتەكشىسى قىزمەتىنەن باستاعان ءانشى بۇگىندە «شىمكەنت قالالىق مادەنيەت ءۇيى» كونتسەرتتىك ۇيىمى» مكقك مەكەمەسىندە ءارتىس بولىپ جۇمىس اتقارۋدا. سول باياعى كيەلى ساحنا، اۋەلەگەن اندەر، حالىق ىقىلاسى. حاديشانى تانىمال ەتكەن «وتىرارداعى توي» ءانى جايلى سۇراعانىمىزدا:

«مەن ءوزىم تۇركىستان وبلىسى، وتىرار اۋدانى، ءشاۋىلدىردىڭ تۋماسىمىن. ءبىر كۇنى اۋىلعا ءشامشى اعا كەلدى دەگەن اڭگىمە تارادى. ول كەزدە ءشامشى قالداياقوۆتىڭ كىم ەكەنىن دە تانىمايمىن. مەكتەپتى ەندى بىتىرگەن جاسپىن، بالامىن ءالى. ناعاشىم جاقسىلىق ءابۋوۆ مەكتەپ ديرەكتورى بولاتىن. مەنى شاقىرىپ الىپ ءبىر ءاندى نوتاعا ءتۇسىرىپ حوردا ايتىپ شىعۋىمدى تاپسىردى. ءاندى حوردان بولەك جەكە ءوزىم قايتا ورىنداپ شىقتىم. ءانىمدى تىڭداعان ءشامشى اعا، «وسى ءان سەنىڭ ءانىڭ قالقام-اي» دەدى. سول كەزدەرى اعانىڭ اۋىرپ مازاسىزدانىپ جۇرگەن ۋاقىتى ەكەن. سوڭعى رەت بارعانىمدا اۋرۋحانادا «وتىرارداعى توي» ءانىن ماعان ۇيرەتتى. بۇل ءان مەنىڭ ماڭدايىما بىتكەن، مەنى حاديشا ەتكەن عۇمىرلى ءان بولدى. «وتىرارداعى توي» ءانى ارقىلى قازاق ەلىنە تانىمال بولدىم»، دەپ اڭگىمەلەپ بەردى.

انشىلىك ونەردى بويىنا تۇمار ەتكەن حاديشا شالاباەۆا 2006 جىلى قازاقستان رەسپۋبليكاسىنىڭ مادەنيەت قايراتكەرى اتاعىنا يە بولدى. سونداي-اق ءبىرشاما بايقاۋلاردىڭ جەڭىمپازى. بۇگىندە شىمكەنت قالاسىنداعى ء«شامشى» اللەياسىندا جۇلدىزدار قاتارىندا ەسىمى جازۋلى.

حاديشا شالاباەۆانىڭ «وتىرارداعى توي» اندەرىنەن بولەك ەل اۋزىندا جۇرگەن كوپتەگەن اندەرى شىرقالىپ ءجۇر.

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار