ەكونوميكا • 03 ناۋرىز، 2021

بەس جىلدا اگروسەكتورعا 4 ترلن تەڭگە تارتىلادى

15 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا اگروونەركاسىپ كەشەنىن دامىتۋدىڭ جانە ينۆەستيتسيالىق جوبالاردى ىسكە اسىرۋدىڭ نەگىزگى باعىتتارى قارالدى.

اۋىل شارۋاشىلىعىندا جۇمىسشىلار تابىسى
2 ەسە ۇلعايماق

اوك دامىتۋدىڭ جاڭا تاسىلدەرى تۋرالى اۋىل شارۋاشىلىعى ءمينيسترى ساپارحان وماروۆ، نەگىزگى الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ تۋرالى ساۋدا جانە ينتەگراتسيا ءمينيسترى باقىت سۇلتانوۆ، وڭىرلەردە اۋىل شارۋاشىلىعىن دامىتۋ تۋرالى سولتۇستىك قازاقستان وبلىسىنىڭ اكىمى قۇمار اقساقالوۆ، الماتى وبلى­سىنىڭ اكىمى اماندىق باتالوۆ، اقتوبە وبلىسىنىڭ اكىمى وڭداسىن ورازالين، شىعىس قازاقستان وبلىسىنىڭ اكىمى دانيال احمەتوۆ باياندادى.

اۋىل شارۋاشىلىعى ءمينيسترى س.وماروۆ 2020 جىلدىڭ قورىتىندىسى بويىنشا اگروونەركاسىپ كەشەنى سالاسىندا ءىس جۇزىندە بارلىق ماكروكورسەتكىشتەر بويىنشا وڭعا باسۋ بايقالعانىن ايتتى. جالپى، اۋىل شارۋاشىلىعى ءونىمىنىڭ كولەمى 5،6%-عا ارتىپ، 6،3 ترلن تەڭگەنى قۇرادى. بۇل – ەۋرازيالىق ەكونوميكالىق وداق ەلدەرى اراسىنداعى ەڭ ۇلكەن ءوسىم.

اگروونەركاسىپ كەشەنىن ودان ءارى دامىتۋ ماقساتىندا مىناداي مىندەتتەر قويىلدى: ىشكى نارىقتى 80%-دان استام دەڭگەيدە ازىق-ت ۇلىك تاۋارلارىمەن مولىقتىرۋ; 1 ملن اۋىل تۇرعىنىنىڭ تابىسىن تۇراقتى ارتتىرۋ; ەڭبەك ونىم­دىلىگىن 2،5 ەسەگە ارتتىرۋ; وڭدەلگەن ءونىم ەكسپورتىن 2 ەسەگە ۇلعايتۋ. ىشكى نارىق­تى ازىق-ت ۇلىك تاۋارلارىمەن مولىق­تىرۋ جونىندەگى مىندەتتى شەشۋ ءۇشىن مينيسترلىك قىسقارتىلاتىن يمپورت تۇرلەرىن ايقىندادى. بۇل – قۇس ەتى، شۇ­جىق ونىمدەرى، ىرىمشىك پەن سۇزبە، الما، قانت جانە بالىق.

بۇگىندە الداعى ءۇش جىلعا ارنالعان باعىتتاردىڭ ارقايسىسى بويىنشا ين­ۆەس­تيتسيالىق جوبالاردىڭ ناقتى پۋلى ايقىندالدى. اۋىل شارۋاشىلىعى ءمي­نيسترى ءمالىم ەتكەندەي، قازىر وزىمىزدە وندىرىلەتىن قۇس ەتىنىڭ كولەمى ىشكى نارىق قاجەتتىلىگىنىڭ 58%-ىن عانا جابادى. ونى تولىقتىرۋ ءۇشىن قۇس ەتىن ءوندىرۋ قۋاتىن قوسىمشا 171 مىڭ تونناعا ارتتىرۋ قاجەت. بىلتىر قۋاتى 94 مىڭ توننا بولاتىن
8 قۇس فابريكاسى ىسكە قوسىلدى. «الداعى ءۇش جىلدا جالپى قۋاتى 191 مىڭ توننا بولاتىن 11 قۇس فابريكاسىن پايدالانۋعا بەرۋ جوسپارلانۋدا. بۇل جوبالاردى ءۇش جىل ىشىندە ىسكە قوسۋ قۇس ەتى بويىنشا قاجەتتىلىكتى تولىق كولەمدە وتەۋگە مۇمكىندىك بەرەدى»، دەدى س.وماروۆ.

ىشكى نارىق وتانىمىزدا وندىرىلەتىن شۇجىق ونىمىمەن 62%-عا قامتاماسىز ەتىلگەن. تولىقتاي مولىقتىرۋ قۋاتى 77،8 مىڭ توننا بولاتىن 6 ەت كومبيناتىن ىسكە قوسۋ، سونداي-اق اينالىم قار­جىلارىن ارتتىرۋ جانە فەرمەرلەردى مالدى سويۋعا وتكىزۋگە ىنتالاندىرۋ ەسەبىنەن قامتاماسىز ەتىلەتىن بولادى. ء«سۇت ونىمدەرى يمپورتىنىڭ جالپى كولە­مى ءسۇت شيكىزاتىنا قايتا ەسەپتەگەندە شامامەن 500 مىڭ توننانى قۇرايدى. مو­لىقتىرۋ ماسەلەسى ونەركاسىپتىك تاۋارلى ءسۇت فەرمالارىنىڭ قۋاتىن كەڭەيتۋ جانە وتاندىق ءسۇت زاۋىتتارىن جەتە جۇكتەۋ ەسەبىنەن شەشىلمەك. سوندىقتان جىل سايىن 35 ونەركاسىپتىك تاۋارلى ءسۇت فەرماسىن ىسكە قوسۋ جوسپارلانىپ وتىر. بۇل رەتتە وتكەن جىلى جالپى قۋاتى 98 مىڭ توننا بولاتىن 48 تاۋارلى ءسۇت فەرماسى ىسكە قوسىلدى، ونىڭ 17-ءسى – ونەركاسىپتىك تاۋارلى ءسۇت فەرمالارى»، دەدى س.وماروۆ. 

بۇگىنگى تاڭدا المانى جالپى تۇتىنۋ كولەمى 344،3 مىڭ توننانى، يمپورت 144 مىڭ توننانى قۇرايدى. ىشكى نارىقتى 6،6 مىڭ گا الاڭدا جاڭا قارقىندى باقتار سالۋ ەسەبىنەن مولىقتىرۋ بولجانىپ وتىر. ۆەدومستۆو باسشىسى اتاپ وتكەندەي، جاڭا باقتار وتىرعىزۋدى نەگىزگى باق وسىرەتىن وڭىرلەر: الماتى، جامبىل، تۇركىستان وبلىستارىندا جانە شىمكەنت قالاسىندا شوعىرلاندىرۋ ۇسىنىلادى. «جىل سايىنعى باق وتىرعىزۋ كولەمى ورتا ەسەپپەن 2 مىڭ گا بولادى، بۇل تولىق جەمىس بەرۋگە بىرتىندەپ شىعا وتىرىپ، الماعا دەگەن تاپشىلىقتى جويىپ، 2024 جىلى ءوزىمىزدى تولىقتاي قامتاماسىز ەتۋگە مۇمكىندىك بەرەدى»، دەپ ناقتىلادى س.وماروۆ.

قازىرگى ۋاقىتتا ەلىمىزدە وندىرىلەتىن قانت تاپشىلىعى 240 مىڭ توننانى نەمەسە قاجەتتىلىكتىڭ جارتىسىنان كوبىن قۇرايدى. ىشكى نارىقتى مولىقتىرۋ الماتى وبلىسىنداعى قانت زاۋىتىن جاڭعىرتۋ، سونداي-اق جامبىل وبلىسىندا قۋاتى 150 مىڭ توننالىق جاڭا قانت زاۋىتىن سالۋ ارقىلى جۇرگىزىلمەك. ءمينيستردىڭ ايتۋىنشا، قوسىمشا 175 مىڭ توننا قانت ءوندىرۋ ەسەبىنەن قانت تاپشىلىعىن شەشىپ، 80% قامتاماسىز ەتۋ كولەمىنە شىعۋ جوس­پارلانۋدا.

بالىق ونىمدەرىمەن قامتاماسىز ەتۋ 60،8%-دى قۇرايدى. ىشكى نارىقتى مولىقتىرۋ ءۇشىن 13،5 مىڭ توننا بالىق وندىرەتىن 8 جوبا ىسكە قوسىلادى. بۇل قامتاماسىز ەتۋ كولەمىن 100%-عا دەيىن جەتكىزۋگە مۇمكىندىك بەرەدى. «جالپى، رەس­پۋبليكا بويىنشا بەس جىل ىشىندە 380 ينۆەستيتسيالىق جوبانى ىسكە اسىرۋ جوس­پارلانىپ وتىر، ونىڭ 65%-دان استامىن يمپورتتى الماستىرۋ اياسىنداعى جوبالار قۇرايدى»، دەدى س.وماروۆ.

جالپى، جىل سايىن ورتا ەسەپپەن 75-80 جوبانى ىسكە قوسۋ جوسپارلانىپ وتىر. مينيسترلىك جوبالارىنىڭ پۋلى وبلىس اكىمدىكتەرىنىڭ پىسىقتاۋى ناتيجەسىندە كەڭەيتىلەدى. 

جوبالار مەملەكەت باسشىسىنىڭ 7 ءىرى ەكوجۇيە قۇرۋ تاپسىرماسىنىڭ اجىراماس بولىگى، ونىڭ شەڭبەرىندە ءداندى جانە مايلى داقىلداردى، جەمىستەر مەن كوكونىستەردى، قانتتى، ەت پەن ءسۇتتى ءوندىرۋ مەن وڭدەۋ ەكوجۇيەلەرى جوسپارلانۋدا. ماسەلەن، وسىمدىك شارۋاشىلىعىندا زاكىرلىك BioOperations جشس كاسىپورنىمەن سولتۇستىك قازاقستان وبلىسىندا استىق ءوندىرۋ جانە وڭدەۋ جونىندەگى ەكوجۇيە قۇرىلۋدا. مينيستر اتاپ وتكەندەي، كووپەراتسيا قاعيداتى بويىنشا ەكوجۇيە استىقتى تەرەڭدەتىپ وڭدەيتىن زاۋىتتى، قۇراماجەم زاۋىتىن، قۇس كەشەنىن، تاۋارلى ءسۇت فەرماسىن جانە وسى كاسىپورىنداردى اۋىل شارۋاشىلىعى شيكىزاتىمەن قامتاماسىز ەتەتىن اۋىل شارۋاشىلىعى وندىرۋشىلەرىن بىرىكتىرەدى. وسىنداي ەكوجۇيەلەردى ەلدىڭ بارلىق وڭىرىندە ءوز ەرەكشەلىكتەرىن ەسكەرە وتىرىپ قۇرۋ جوسپارلانۋدا.

سونىمەن قاتار اۋىلدا شاعىن نەسيە بەرۋ جالعاسادى. بىلتىر بۇل ماقسات­تارعا 43،2 ملرد تەڭگە باعىتتالدى، بۇل 11 مىڭنان استام ميكروكرەديت بەرۋگە مۇم­كىندىك بەردى، ونىڭ 60%-ىن ستارتاپ-جوبا­لار قۇرايدى. باعدارلامانى ىسكە اسىرۋ اۋىلدا 11 مىڭ تۇراقتى جۇمىس ورنىن قۇرۋعا مۇمكىندىك بەردى. «الداعى بەس جىلدا 250 ملرد تەڭگە سوماسىنا 50 مىڭ شاعىن نەسيە بەرۋ جوسپارلانىپ وتىر»، دەدى سالا باسشىسى.

ەڭبەك ونىمدىلىگىن ارتتىرۋ ماق­ساتىندا اگروونەركاسىپ كەشەنىن مەملە­كەتتىك قول­داۋدىڭ تيىمدىلىگىن قامتاماسىز ەتۋ بو­يىنشا جۇمىس جۇرگىزىلۋدە. بۇل ءۇشىن وتكەن جىلى مينيسترلىك سۋبسيديالاۋ تەتىكتەرىن قايتا قارادى. سونداي-اق شاعىن جانە ورتا فەرمەرلەردىڭ سۋب­سيديالاۋعا قول جەت­كىزۋ شەكتەرى وزگەرتىلدى. مەملەكەتتىك قول­داۋدىڭ تيىم­دىلىگىن ارتتىرۋ ءۇشىن اعىم­­داعى جىلدان باستاپ بيزنەس ءۇشىن قارسى مىندەتتەمەلەر كەزەڭ-كەزەڭىمەن ەنگىزىلەدى.

سونىمەن قاتار بازالىق سۋبسيديا­لار بويىنشا سۋبسيديالاۋ كولەمىن ۇل­عاي­تۋ ەسەبىنەن 2025 جىلعا قاراي اۋىل شا­رۋاشىلىعى تەحنيكاسىن جاڭارتۋ دەڭگەيىن 4%-دان 6%-عا دەيىن; مينەرالدى تىڭايتقىشتاردى قولدانۋ عىلىمي نەگىزدەلگەن نورمانىڭ 21%-ىنان 30%-عا دەيىن; IV رەپرودۋكتسياعا دەيىنگى جوعارى ساپالى تۇقىمداردى ەنگىزۋ دەڭگەيىن 93%-دان 97%-عا دەيىن جەتكىزۋ جوسپارلانۋدا.

جۇرگىزىلىپ جاتقان جۇمىس 2023 جىلدىڭ سوڭىنا قاراي يمپورتقا تاۋەل­دىلىك ماسەلەلەرىن شەشىپ، ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋگە مۇمكىندىك بەرەدى. بۇل رەتتە باسىمدىق ينفلياتسياعا اسەر ەتەتىن ازىق-ت ۇلىك تاۋارلارىنا بەرىلەتىن بولادى.

س.وماروۆ اتاپ وتكەندەي، مەملەكەت باسشىسىنىڭ تاپسىرماسىن ورىنداۋ ءۇشىن قازىرگى ۋاقىتتا كەلەسى بەس جىلعا ارنالعان جاڭا اگروونەركاسىپتىك كەشەندى دامىتۋ جونىندەگى ۇلتتىق جوبانى اگروبيزنەس، عىلىم وكىلدەرى تالقىلاۋدا. جو­عارىدا اتالعان بارلىق شارالار اگرو­ونەركاسىپتىك كەشەندى دامىتۋ جونىندەگى ۇلتتىق جوباعا ەنگىزىلەتىن بولادى.

ءوز كەزەگىندە ساۋدا جانە ينتەگراتسيا ءمينيسترى ب.سۇلتانوۆ ازىق-ت ۇلىك قاۋىپ­سىزدىگى ارگوونەركاسىپ كەشەنىن دامىتۋ ءىسى الەۋمەتتىك كوڭىل كۇيگە اسەر ەتەتىنىن اتاپ ءوتتى. 23 اقپانداعى جاعداي بويىنشا الەۋمەتتىك ماڭىزى بار ازىق-ت ۇلىك تاۋارلارى باعالارىنىڭ ءوسۋى 2،4% دەڭگەيىندە تىركەلدى. بارىنەن بۇرىن يمپورتقا تاۋەلدى ونىمدەردىڭ، جوعارى ەكسپورتتىق سۇرانىسى بار تاۋارلاردىڭ، سونداي-اق ماۋسىمارالىق كەزەڭدە ءداستۇرلى تۇردە قىمباتتايتىن كوكونىستەردىڭ باعالارى ءوسىم كورسەتتى. ونىڭ جالپى وسىمگە قوسقان ۇلەسى 2 پايىزدىق تارماقتى قۇرادى.

ازىق-ت ۇلىك بالانسى مەن باعانىڭ وزگەرۋىن تالداۋ كەلەسى جاعدايدى كورسەتەدى. بىرىنشىدەن، ازىق-ت ۇلىك تاۋارلارىنىڭ باعاسى ءوندىرىس پەن تۇتىنۋدىڭ تەڭگەرىمىنە عانا ەمەس، سونداي-اق يمپورتتالاتىن جانە ەكسپورتقا جىبەرىلەتىن ءونىمنىڭ ۇلەسىنە دە بايلانىستى. مۇنداي اعىندار سىرتقى نارىقتاردىڭ باعالارىن ىشكى ساۋداعا اكەپ سوقتىرادى. «ەكىنشىدەن، تۇراقتاندىرۋ قورلارىنىڭ كولەمى جەتكىلىكتى ەمەس، ياعني 3،7 ملرد تەڭگەگە 25،4 مىڭ توننا قالىپتاستىرىلعان. ونىڭ ينتەرۆەنتسياسى جالپى تۇتىنۋدىڭ 0،2%-نان 1،4%-ىنا دەيىن قۇرايدى. بۇل ءىس جۇزىندە باعاعا ءتيىستى اسەر ەتپەيدى. تۇراقتاندىرۋ قورلارىنىڭ وزدەرى دە ءتيىمدى قالىپتاسپايدى. مىسالى، اقتوبە وبلىسىندا 2020 جىلى قانتتىڭ، قاراقۇمىق جارماسىنىڭ، كۇنباعىس مايىنىڭ جانە جۇمىرتقانىڭ باعاسى ەداۋىر ءوستى. بۇل رەتتە، جىل ىشىندە قورعا با­عانىڭ شامالى ءوسۋى بايقالعان كوك­و­نىستەر ساتىپ الىندى»، دەپ ءتۇسىندىردى ب.سۇلتانوۆ.

ۇشىنشىدەن، نارىقتىق قۇرالدار ءوزىنىڭ تيىمدىلىگىن كورسەتتى. بۇل فورۆاردتىق ساتىپ الۋ جانە «اينالىم سحەماسى». ساۋدا جانە ينتەگراتسيا ءمينيسترىنىڭ ايتۋىنشا، بۇگىنگى تاڭدا جەرگىلىكتى بيۋدجەتتەردەن 21،9 ملرد تەڭگە ءبولىندى. «مەحانيزم ءتيىمدى، دەگەنمەن نارىققا ايتارلىقتاي اسەر ەتۋ ءۇشىن قارجىلاندىرۋدى كەڭەيتۋ قاجەت. وتاندىق وندىرۋشىلەرمەن كەلىسىم­شارتتاردى «قولىمەن باسقارۋ» رەجىمىندە جۇرگىزە وتىرىپ، جەلىلەرگە ارزانداتىلعان كرەديتتەردى 50 ملرد تەڭگەگە دەيىن ۇلعايتۋ كەرەك»، دەدى ب.سۇلتانوۆ.

ماسەلەنى ۇكىمەت باسشىسى اسقار مامين قورىتىندىلادى. «اوك دامىتۋ، ونىڭ ىشىندە ىشكى نارىقتى وتاندىق ازىق-ت ۇلىكپەن تولىقتىرۋ – ۇكىمەتتىڭ ستراتەگيالىق مىندەتى. بۇۇ جانىنداعى ازىق-ت ۇلىك ۇيىمىنىڭ بولجامى بو­يىنشا، ەلىمىزدىڭ الەمدىك ازىق-ت ۇلىك حاب­تارىنىڭ بىرىنە اينالۋعا ناقتى مۇمكىندىگى بار»، دەدى ول.

پرەمەر-مينيستر Nur Otan پارتيا­سىنىڭ سايلاۋالدى باعدارلاماسىندا اۋىل شارۋاشىلىعى ونىمدەرىن (ەت، ءسۇت، استىق، مايلى داقىلدار، جەمىستەر، كوكونىستەر مەن قانت) ءوندىرۋ جانە قايتا وڭدەۋ، سۋبسيديالاۋ جۇيەسىن رەفورمالاۋ، اۋىلدا كووپەراتسيانى ىنتالاندىرۋ، سونداي-اق ۆەتەرينارلىق جانە فيتوسانيتارلىق قىزمەتتەر مەن اگرارلىق عىلىمدى ودان ءارى دامىتۋ بويىنشا 7 ءىرى ەكوجۇيەنى قۇرۋ جونىندە مىندەتتەر قويىلعانىن اتاپ ءوتتى. اتالعان شارالاردى ىسكە اسىرۋ ناتيجەسىندە 2025 جىلعا قاراي اوك-تە ەڭبەك ونىمدىلىگىن 2،5 ەسە ارتتىرۋ جانە ءونىم ەكسپورتىن 2 ەسە ۇلعايتۋ جوسپارلانىپ وتىر، ونىڭ 70%-ى قايتا وڭدەلۋى ءتيىس.

اۋىل شارۋاشىلىعى ونىمدەرىنىڭ جالپى كولەمى 1،3 ەسەگە ارتادى. بۇل رەتتە 2023 جىلعا قاراي ىشكى نارىقتى نەگىزگى الەۋمەتتىك ماڭىزى بار ازىق-ت ۇلىك تا­ۋارلارى بويىنشا وتاندىق ونىممەن 100% تولىقتىرۋ قامتاماسىز ەتىلەدى. «اكىم­دەر ازىق-ت ۇلىكتىڭ نەگىزگى تۇرلەرىنە باعانى تۇراقتاندىرۋعا باقىلاۋدى كۇشەي­تىپ، وڭىرلەردە تۇراقتاندىرۋ قورلارىن قالىپتاستىرۋ تاسىلدەرىن قايتا قاراۋى، ازىق-ت ۇلىكتى فورۆاردتىق ساتىپ الۋ تەتىكتەرىن نەعۇرلىم كەڭىنەن پايدالانۋعا نازار اۋدارۋى قاجەت. ماسەلەن، مۇنداي جۇمىستار شىعىس قازاقستان، اقمولا جانە قىزىلوردا وبلىستارىندا جاقسى جولعا قويىلعان. بۇل وڭىرلەردە باعا­لاردىڭ ەڭ تومەنگى ءوسۋى بايقالادى. ءبىزدىڭ نەگىزگى ماقساتىمىز – ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋ. جالپى، اگروونەركاسىپتىك كەشەننىڭ دامۋ الەۋەتى وتە جوعارى»، دەدى ا.مامين.

العا قويىلعان اۋقىمدى مىندەتتەردى ىسكە اسىرۋ ءۇشىن كەزەڭ-كەزەڭىمەن جالپى سوماسى 4 ترلن تەڭگەدەن اساتىن 400-گە جۋىق ينۆەستيتسيالىق جوبانى (جىل سايىن 70-80 جوبا) ىسكە اسىرۋ جوسپارلانىپ وتىر. بۇل اوك سالالارىنداعى ەڭبەك ونىمدىلىگىن ارتتىرۋعا جانە
اۋىلدا 500 مىڭعا دەيىن جاڭا جۇمىس ورنىن اشۋعا مۇمكىندىك بەرەدى. وسى رەتتە اۋىل شارۋاشىلىعى مينيسترلىگىنە ءبىلىم جانە عىلىم مينيسترلىگىمەن بىرلەسىپ اگ­رارلىق عىلىم مەن ءبىلىمدى دامىتۋ باعدارلاماسىن ازىرلەۋ، اگرارلىق جوو تۇلەكتەرىن جۇمىسقا ورنالاستىرۋ، سونداي-اق اوك سۋبەكتىلەرىن ءبىلىم بەرۋ جۇيەسىمەن قامتۋ بويىنشا ۇسىنىستار ەنگىزۋ تاپسىرىلدى.

 

مەديتسينالىق-سانيتارلىق العاشقى كومەكتى دامىتۋ

ۇكىمەت وتىرىسىندا مەديتسينالىق-سانيتارلىق العاشقى كومەكتى (مساك) دامىتۋ جونىندەگى شارالار قارال­دى. بۇل جونىندە دەنساۋلىق ساقتاۋ ءمينيسترى الەكسەي تسوي، باتىس قازاقستان وبلى­سىنىڭ اكىمى عالي ەسقاليەۆ، اتىراۋ وبلىسىنىڭ اكىمى ماحامبەت دوسمۇ­حامبەتوۆ، قىزىلوردا وبلىسىنىڭ اكىمى گۇلشارا ابدىقالىقوۆا باياندادى.

«مەملەكەت باسشىسى قاسىم-جومارت توقاەۆ حالىققا ارناعان جول­داۋىندا ۇكىمەتكە مەديتسينالىق العاشقى كومەكتى ۇيىمداستىرۋدىڭ تاسىلدەرىن تۇبەگەيلى قايتا قاراۋدى تاپسىردى. حالىق­تىڭ باسىم كوپشىلىگىنە، اسىرەسە اۋىلدى جەرلەردە موبيلدىلىك پەن قولجە­تىمدىلىك اسا قاجەت. بۇل مىندەتتەر Nur Otan پارتياسىنىڭ سايلاۋالدى باعدار­لاماسىن ورىنداۋ جونىندەگى جول كارتاسىندا بەلگىلەنگەن»، دەدى ا.مامين بۇل ماسەلە تۋرالى.

پرەمەر-مينيستر اقمولا، سولتۇستىك قازاقستان جانە شىعىس قازاقستان وبلىس­تارىنداعى امبۋلاتورلىق-ەمحانالىق نىسانداردى تەحنيكالىق جابدىقتاۋ دەڭگەيىنىڭ تومەندىگى مەن عيماراتتاردىڭ توزۋىن اتاپ ءوتتى. ۇكىمەت باسشىسى جاس مە­ديتسينا قىزمەتكەرلەرىن اۋىلدارعا جۇ­مىسقا بەلسەندى تارتۋ جانە الەۋمەتتىك قول­داۋ قاجەتتىگىن اتاپ ءوتتى. مىسال رەتىندە قوستاناي، سولتۇستىك قازاقستان جانە اتى­راۋ وبلىستارىنداعى وسىنداي جۇ­مىس­تىڭ وڭ تاجىريبەسىن كەلتىردى. «2025 جىل­دىڭ سوڭىنا دەيىن 487 وبەكتىنى سالۋ جوس­­پارلانعان. سونىمەن قاتار 600-دەن اس­­تام العاشقى مەديتسينالىق كومەك كور­سە­تۋ وبەكتىلەرىن كۇردەلى جوندەۋدەن و­ت­كى­زۋ قاجەت. قابىلدانىپ جاتقان شارا­لار، اسى­رە­سە، اۋىلدىق ەلدى مەكەندەردى ال­عاش­قى مە­­دي­تسينالىق كومەكپەن قامتۋدى ەداۋ­ىر كە­ڭەيتۋگە مۇمكىندىك بەرەدى»، دەدى ا.ما­مين.

ۇكىمەت باسشىسى وڭىرلەردىڭ اكىم­دەرىنە ءبىر اي مەرزىمدە دەنساۋلىق ساقتاۋ مينيسترلىگىنە جولدار مەن ەلدى مەكەندەر بويىنشا بولىنگەن العاشقى دەنساۋلىق ساقتاۋ نىساندارىنىڭ ينفرا­قۇرىلىمىن دامىتۋدىڭ جول كارتا­سىن ازىرلەپ، جولداۋ­دى تاپسىردى. اكىم­دىكتەرگە دەنساۋلىق ساقتاۋ مينيستر­لىگىمەن بىرلەسىپ، وڭىرلەردە جاڭا ۋچاسكەلەر اشۋ، جەكە سەكتوردى دامىتۋ جانە تارتۋ ارقىلى مساك دارىگەرلەرىنىڭ جۇكتەمەسىن ازايتۋدى قامتاماسىز ەتۋ، سونداي-اق جاس مەديتسينا قىزمەتكەرلەرىن، اسىرەسە اۋىلعا جۇمىسقا كەلگەن جاس مامانداردى ماتەريالدىق ىنتالاندىرۋ شارالارىن قابىلداۋ تاپسىرىلدى.

سوڭعى جاڭالىقتار

ۇقساس جاڭالىقتار