مەديتسينا • 02 ناۋرىز، 2021

تۇركىستان وبلىسىنىڭ دەنساۋلىق ساقتاۋ سالاسى كوش باسىندا

227 رەت كورسەتىلدى

تۇركىستان وبلىسىنىڭ دەنساۋلىق ساقتاۋ سالاسى مەملەكەتتىك باعدارلامالار كورسەتكىشى بويىنشا كوش باسىندا. وتكەن جىلدىڭ قورىتىندىسى بويىنشا 20 كورسەتكىشتىڭ ەكەۋىنە عانا قول جەتكىزىلمەگەن.

بۇل جونىندە پرەمەر-ءمينيستردىڭ ورىنباسارى ەرالى توعجانوۆتىڭ قاتىسۋىمەن وتكەن دەنساۋلىق ساقتاۋ مينيسترلىگىنىڭ وتكەن جىلعى قىزمەتىنىڭ قورىتىندىلارى مەن بيىلعا ارنالعان مىندەتتەرى بويىنشا كەڭەيتىلگەن القا وتىرىسىندا ءمالىم بولدى. دەنساۋلىق ساقتاۋ ءمينيسترىنىڭ ءبىرىنشى ورىنباسارى مارات شورانوۆ وڭىرلەردەگى دەنساۋلىق ساقتاۋ باسقارماسىنىڭ  باسشىلارىنان ازاماتتاردىڭ دەنساۋلىعىن جاقسارتۋ  بويىنشا  شارا قابىلداۋدى سۇرادى. 2020 جىلعا ارنالعان مەملەكەتتىك باعدارلاما 4 نىسانالى ينديكاتورعا باعىتتالعان. بۇل: ازاماتتاردىڭ ورتاشا ءومىر ءسۇرۋ ۇزاقتىعىن 73،21 جاسقا دەيىن ارتتىرۋ، جۇرەك-قان تامىرى، ونكولوگيالىق، سوزىلمالى رەسپيراتورلىق اۋرۋلاردان جانە قانت ديابەتىنەن مەزگىلسىز قايتىس بولعاندار سانىن 18،86%  دەيىن تومەندەتۋ، انا ءولىمىن 17،1-گە دەيىن ازايتۋ، 1 مىڭ ءتىرى تۋعانعا  شاققانداعى نارەستە ءولىمىن 10،1-گە دەيىن تومەندەتۋ.

758

ايتا كەتەلىك، وتكەن جىلى ءوڭىردىڭ دەنساۋلىق ساقتاۋ سالاسىنا 13،7 ملرد تەڭگە باعىتتالدى. وبلىستىق قوعامدىق دەنساۋلىق باسقارماسى باسشىسىنىڭ مارات پاشيموۆتىڭ ايتۋىنشا، ءبىرىنشى كەزەكتە انا مەن بالا، جانساقتاۋ، وتا جاساۋ جانە جەدەل جاردەم قىزمەتىن كۇشەيتۋگە ماقسات قويىلعان. مەديتسينالىق ۇيىمداردىڭ ماتەريالدىق-تەحنيكالىق بازاسىن جابدىقتاۋ ماقساتىندا 2،5 ملرد تەڭگەگە  205 دانا مەديتسينالىق تەحنيكا ساتىپ الىندى. مەملەكەتتىك-جەكەشەلىك ارىپتەستىك تەتىگى ارقىلى 9 فەلدشەرلىك امبۋلاتوريانىڭ قۇرىلىسى جۇرگىزىلىپ، ونىڭ 5-ءى  پايدالانۋعا بەرىلسە، بيىل تورتەۋى اشىلادى.

 

تۇركىستان وبلىسى

 

سوڭعى جاڭالىقتار

ۇقساس جاڭالىقتار