قوعام • 02 ناۋرىز، 2021

قازاقستاندىقتار قولما-قول اقشامەن ەسەپتەسۋدى كۇرت ازايتتى

8 رەت كورسەتىلدى

وتاندىق نارىقتا تولەم كارتالارىن قولدانۋ بەلسەندىلىگى ارتتى. 2020 جىلى ەل تۇرعىندارى جالپى سوماسى 52 ترلن تەڭگەگە 3،2 ملرد وپەراتسيا جۇرگىزگەن. بۇل 2019 جىلمەن سالىستىرعاندا 1،7 ەسە جوعارى كورسەتكىش، دەپ حابارلايدى Egemen.kz.

ۇلتتىق بانكتىڭ حابارلاۋىنشا، تولەم كارتالارىمەن جاسالعان ون ترانزاكتسيانىڭ توعىزى قولما-قول اقشاسىز جاسالعان. 2020 جىلى قازاقستاندىق ەميتەنتتەردىڭ تولەم كارتالارىن قولدانا وتىرىپ، 35،3 ترلن تەڭگەنىڭ 2،9 ميلليارد قولما-قول اقشاسىز وپەراتسياسى جۇزەگە اسىرىلعان. بۇل 2019 جىلعى كورسەتكىشتەن، سايكەسىنشە، 2،4 جانە 2،5 ەسە اسىپ تۇسەدى.

پاندەميا قولما-قول ترانزاكتسيالاردىڭ ازايىپ، ونلاين-دۇكەندەردىڭ كۇرت كوبەيۋىنە الىپ كەلدى. ەلدەگى قولما-قول ەسەپتەسۋ كولەمىنىڭ كەنەتتەن ازايىپ كەتۋى دە وسىنى دالەلدەي تۇسەدى. قولما-قول اقشامەن ەسەپتەسەۋ بىلتىر 21 پايىزعا ازايعان (297 ملن وپەراتسيا). تولەم كارتاسىن قولدانۋشىلار 16،6 ترلن تەڭگەنى قولما-قول اقشاعا اينالدىرىپتى.

وسى جىلدىڭ 1 اقپانىنداعى جاعداي بويىنشا 49،3 ميلليون تولەم كارتاسى اينالىمدا بولدى، 26،5 ميلليون كارتانى (53،8 پايىز) ۇستاۋشىلار بەلسەندى پايدالانادى. تولەم كارتالارى ارقىلى تاۋارلار مەن قىزمەتتەرگە اقى تولەۋ ينفراقۇرىلىمى دا كەڭەيىپ كەلەدى. تولەم كارتالارىن قابىلدايتىن كاسىپكەرلەر سانى ارتتى. كارتا ارقىلى تولەم قابىلدايتىن كاسىپكەرلەر سانى – 108 مىڭنان، ال ساۋدا نۇكتەلەرى – 169 مىڭنان اسىپتى. قازاقستاندا بارلىعى 203 مىڭ POS-تەرمينال جۇمىس ىستەيدى.

2019 جىلمەن سالىستىرعاندا، كارتا ارقىلى تولەم قابىلدايتىن بولشەك ساۋدا ورىندارى (26 پايىزعا) مەن POS-تەرمينالداردىڭ (26 پايىزعا) كوبەيگەنى بايقالادى. 2020 جىلدىڭ سوڭىنا قاراي POS-تەرمينالداردىڭ 86 پايىزى كونتاكتسىز تولەم فۋنكتسياسىن قولدانعان.

سوڭعى جاڭالىقتار

Amazon قانداي مۇمكىندىك سىيلايدى؟

تەحنولوگيا • بۇگىن، 21:47

ۇقساس جاڭالىقتار