ب. ساعىنتاەۆ ءوزىنىڭ Instagram-داعى اككاۋنتىندا ەسكەرتكىش مەديتسينا قىزمەتكەرلەرىنە دەگەن العىستىڭ سيمۆولىنا اينالاتىنىن اتاپ ءوتتى.
«بۇگىن الماتىنىڭ مەديتسينا مەن جازۋشىلار قاۋىمداستىعىنىڭ وكىلدەرىمەن دارىگەرلەرگە ارنالعان ەسكەرتكىشتىڭ ىرگەتاسىن ورناتتىق. ەسكەرتكىش كۆي پاندەمياسىمەن كۇرەسكەن بارلىق مەديتسينا قىزمەتكەرلەرىنە كورسەتىلگەن قۇرمەت پەن العىستىڭ بەلگىسى. سونداي-اق ولاردىڭ قۇرمەتىنە قاراعاي اللەياسى وتىرعىزىلدى», - دەپ جازدى الماتى اكىمى ب. ساعىنتاەۆ.
ەسكەرتكىش س. د. اسفەندياروۆ اتىنداعى قازۇمۋ جانىنداعى اللەيادا اشىلادى. مۇندا 20 قاراعاي كوشەتتەرى وتىرعىزىلدى.
قازاقستان جازۋشىلار وداعىنىڭ توراعاسى ۇ. ەسداۋلەت, الماتىداعى قحا-سى قوعامدىق كەلىسىم كەڭەسىنىڭ توراعاسى ا. شاردينوۆ, اقىن ا. ەلگەزەك, №7 قالالىق كلينيكالىق اۋرۋحانانىڭ دارىگەرى ج. شەريازدان ەسكەرتكىشتىڭ اشىلۋىن قولداپ ءسوز سويلەدى.
