قۇرامى 18 بالۋاننان تۇراتىن ۇجىم تولىققاندى جاتتىعۋ ءۇشىن بۇل جەردە بارلىق جاعداي قاراستىرىلعان. مىسالى, مۇندا كوكپارشىلار جايلى جاتىن ورىنمەن, ءدامدى تاعاممەن قامتاماسىز ەتىلگەن. كوكپار اتتارىنىڭ كۇتىمى دە جەتكىلىكتى دەڭگەيدە شەشىمىن تاپقان.
ءوڭىر سپورتىنىڭ باسشىسى تەمىرحان ابىلاەۆتىڭ ايتۋىنشا, كوكپارشىلار بۇدان كەيىن تاراز قالاسىندا 10-28 ناۋرىز ارالىعىندا وتەتىن وقۋ-جاتتىعۋ جيىنىنا اتتانادى. «وبلىس باسشىلىعى تاراپىنان ۇلتتىق سپورت تۇرلەرىنە, ونىڭ ىشىندە كوكپار ويىنىنا مىقتى قولداۋ بار. سونىڭ ارقاسىندا ءبىز كوكپارشىلار كومانداسىنىڭ الاڭسىز جاتتىعۋىنا جان-جاقتى جاعداي جاساۋعا مۇمكىندىك الدىق. ۇلتتىق سپورتقا دەمەۋشىلىك كورسەتىپ وتىرعان نامىستى ازاماتتارعا, ونىڭ ىشىندە «بايتەرەك» قوناقجايىنىڭ يەلەرىنە ايتار العىسىمىز مول», دەيدى ت.ابىلاەۆ.
ەسكە سالار بولساق, كوكپاردان قازاقستاننىڭ چەمپيوناتى 28 ناۋرىز بەن 8 ءساۋىر ارالىعىندا تاراز قالاسىندا وتەدى. قاراعاندىلىق بالۋاندار وسى سىندا لايىقتى ونەر كورسەتىپ, ارقا كوكپار مەكتەبىنىڭ ابىرويىن اسىرۋدى الدارىنا ماقسات ەتىپ قويىپ وتىر.
قاراعاندى
