قوعام • 02 ناۋرىز، 2021

ەلگە العىستارىن جەتكىزدى

14 رەت كورسەتىلدى

العىس ايتۋ كۇنىنە وراي قازاقستان رەسپۋبليكاسىنىڭ تۇڭعىش پرەزيدەنتى – ەل باسى كىتاپحاناسىندا «مىڭ العىس ساعان، ۇلى دالام!» حالىقارالىق دوڭگەلەك ۇستەل ءوتتى.

ءىس-شاراعا قاتى­سۋ­شى­لاردى مەرەكەمەن قۇتتىقتاعان ەلباسى كى­تاپ­حاناسىنىڭ ديرەكتورى با­قىتجان تەمىربولات ىشكى ساياسات ستراتەگياسىنىڭ نەگىزگى باعى­تىنا اي­نالعان قوعامداعى تۇراق­تى­لىقتىڭ ساق­تالۋىنا تۇڭعىش پرەزيدەنتىمىز ن.ءا.نازار­باەۆتىڭ قوسقان ۇلەسىن ايتىپ ءوتتى.

– «قازاقتى قاسيەتتى قارا شاڭى­راققا بالاساق، ەلىمىزدەگى بارشا ەتنوس – سول شاڭىراققا شانشىلعان ۋىقتار»، دەيدى ەلباسى. قازاقستان حالقى قوناقجايلىق پەن دارقان مىنەزدىڭ، بىرلىك پەن بەرەكەنىڭ، تۇراقتىلىقتىڭ، ەتنوسارالىق جانە كونفەسسياارالىق تاتۋلىقتىڭ شىنايى ۇلگىسىن كورسەتتى. سوندىقتان دا قحا-نىڭ 2016 جىلعى سەسسيا­سىندا ن.نازارباەۆ العىس ايتۋ كۇنىن ەنگىزۋدى ۇسىنىپ، بۇل كۇننىڭ «بارلىق قازاقستاندىقتىڭ ءبىر-بىرىنە دەگەن مەيىرىمى مەن دوس­تىعىنىڭ، سۇيىسپەنشىلىگىنىڭ جار­قىن مەرەكەسى» بولاتىنىن العا تارتقان ەدى، – دەدى ب.تەمىر­بولات.

قازاقستاندىقتاردى مەرەكەمەن قۇت­تىقتاعان ينگۋشە­تيانىڭ ءبىرىنشى پرە­زي­دەنتى، مەملەكەت جانە قوعام قاي­راتكەرى رۋسلان اۋشەۆ ءىس-شاراعا قا­تىسۋشىلارعا جىلى لەبىزىن ءبىلدىردى. 

– وسىدان 77 جىل بۇرىن ستا­لين­دىك قۋعىن-سۇرگىن سالدارىنان چەشەندەر مەن ينگۋشتار تۋعان جەرلەرىنەن قازاقستان مەن ورتا­لىق ازياعا ءماجبۇرلى تۇردە كوشى­رىلدى. وسى ءبىر قيىن-قىستاۋ كەزەڭدە قازاقتار وزدەرى ءىلىنىپ-سالىنىپ ارەڭ جۇرسە دە ءبىزدىڭ حالقىمىزعا تىرەك بولىپ، ونداعان مىڭ چەشەن-ينگۋش وتباسىن قۇتقاردى»، دەدى ول.

ءىس-شارا بارىسىندا قازاقستاننىڭ مەملەكەت جانە قوعام قايراتكەرى، قحا كەڭەسىنىڭ مۇشەسى، دۇنيەجۇزىلىك چەشەندەر كون­گرەسىنىڭ ۆيتسە-پرەزيدەنتى احمەد مۋرادوۆ، الجير تۇتقىن­دارىنىڭ نەمە­رەلەرى، كينورەجيسسەر – داريا ۆيولينا مەن ناتاليا گريگورەۆا، سونداي-اق پولشانىڭ گدانسك قالاسىنداعى ەكىنشى دۇ­نيەجۇزىلىك سوعىس مۋزەيىنىڭ باس مامانى دميتري پانتو ءسوز سويلەدى.

ءىس-شاراعا وتاندىق جانە شەتەل­دىك عالىمدار، ۇلتارالىق قاتى­ناستار سالا­سىن­داعى زەرتتەۋ­شىلەر، ساراپشىلار، ەت­نو­مادەني بىرلەستىكتەردىڭ وكىلدەرى قاتىستى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار