مەملەكەت باسشىسىنىڭ 2020 جىلعى 1 قىركۇيەكتەگى «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ 52-تارماعىن ورىنداۋ شەڭبەرىندە, «بايتەرەك» حولدينگى «قازاگرو» حولدينگىن قوسىپ الۋ جولىمەن بىرىڭعاي دامۋ ينستيتۋتىن قۇرۋ جۇمىسىن جۇرگىزۋدە. سونداي-اق پورتفەلدىك كومپانيالار سانى 14-تەن 7-ەۋگە دەيىن قىسقارتىلىپ, شتات سانى تيىسىنشە تۇزەتىلەتىن بولادى.
– «بايتەرەك» جاڭا فۋنكتسيالارمەن تولىققان قۋاتتى مەملەكەتتىك حولدينگ رەتىندە ءوز جۇمىسىن جالعاستىرادى. الدىمىزدا ۇلكەن مىندەتتەر تۇر. حولدينگ ىسكە اسىراتىن مەملەكەتتىك باعدارلامالاردىڭ سانى ارتۋدا. الدىڭعى كەزەكتە – اگروونەركاسىپتىك كەشەندى دامىتۋدىڭ مەملەكەتتىك باعدارلاماسى. ءبىزدىڭ مىندەتىمىز – قوسىلۋ پروتسەسىن فەرمەرلەرىمىز اسا سەزىنبەيتىندەي ەتىپ, بارىنشا اۋىرتپالىقسىز وتكىزۋ. «قازاگرونىڭ» الدىندا تۇرعان بارلىق مىندەت, ونىڭ ىشىندە كوكتەمگى ەگىس جۇمىستارى, مال شارۋاشىلىعىن, وسىمدىك شارۋاشىلىعىن قولداۋ جانە تاعى باسقا مىندەتتەر بىزگە ءوتىپ, نازاردان تىس قالمايدى. جۇمىس ءتيىمدى ءارى ساپالى بولۋ ءۇشىن بار كۇشىمىزدى سالامىز, – دەدى «بايتەرەك» ۇبح» اق باسقارما توراعاسى ايدار ءارىپحانوۆ.
قازىرگى ۋاقىتتا قايتا ۇيىمداستىرۋ بويىنشا بارلىق قاجەتتى كورپوراتيۆتىك شەشىمدەر قابىلدانىپ, «قازاگرو» حولدينگىنىڭ اكتيۆتەرىن تۇگەندەۋ جۇمىسى اياقتالدى.
