Nur Otan جانىنداعى 14 قوعامدىق كەڭەس پارتيانىڭ سايلاۋالدى باعدارلامالارىنىڭ ورىندالۋ مونيتورينگىن قامتاماسىز ەتەدى

قوعام • 01 ناۋرىز، 2021

9 رەت كورسەتىلدى

«Nur Otan» پارتياسىنىڭ جانىنان 9 جاڭا قوعامدىق كەڭەس قۇرىلادى. وسىلايشا، ولاردىڭ جالپى سانى 14-كە جەتەدى، دەپ حابارلايدى Egemen.kz پارتيانىڭ ءباسپاسوز قىزمەتىنە سىلتەمە جاساپ.

Marzhan Tileubekova

«Nur Otan» پارتياسىنىڭ ليدەرى، ەلباسى ن.ءا.نازارباەۆتىڭ پارتيانىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن، سونداي-اق، وبلىستار، قالالار مەن اۋداندارعا ارنالعان 216 وڭىرلىك سايلاۋالدى باعدارلامانىڭ جۇزەگە اسىرىلۋىن جۇيەلى باقىلاۋدى قامتاماسىز ەتۋ جونىندەگى تاپسىرماسى اياسىندا پارتيا جانىندا 14 قوعامدىق كەڭەس جۇمىس ىستەيتىن بولادى. ءاربىر كەڭەس پارتيا سايلاۋالدى باعدارلاماسىنىڭ ناقتى ءبىر باعىتىمەن اينالىسادى.

جۇمىس ىستەپ تۇرعاندارى:

- پارتيالىق باقىلاۋ كوميتەتى

- سىبايلاس جەمقورلىققا قارسى كەڭەس

- مادەنيەت پەن ونەردى دامىتۋ ماسەلەلەرى جونىندەگى «ميراس» كەڭەسى

- قۇقىقتىق كەڭەس

- وتباسى، ايەلدەر جانە بالالاردىڭ قۇقىعىن قورعاۋ جونىندەگى كەڭەس

قۇرىلادى:

- ەكونوميكانى دامىتۋ جانە كاسىپكەرلىكتى قولداۋ جونىندەگى كەڭەس

- ءبىلىم مەن عىلىمدى دامىتۋ جونىندەگى كەڭەس

- ۇلت دەنساۋلىعى ماسەلەلەرى جونىندەگى كەڭەس

-جۇمىسپەن قامتۋدى جانە حالىقتىڭ الەۋمەتتىك ءالسىز توپتارىن قولداۋ جونىندەگى كەڭەس

- وڭىرلىك دامۋ جونىندەگى كەڭەس

- ازاماتتىق قوعام مەن مەملەكەتتىك باسقارۋدى دامىتۋ جونىندەگى كەڭەس

- جاستاردى قولداۋ جونىندەگى كەڭەس

- ەكولوگيالىق كەڭەس

- اگرارلىق سەكتوردى دامىتۋ جونىندەگى كەڭەس

قوعامدىق كەڭەستەردىڭ جاڭا قۇرىلىمىن، سونداي-اق ءتيىستى باسشىلاردىڭ كانديداتۋرالارىن پارتيا ساياسي كەڭەسىنىڭ بيۋروسى بەكىتەدى. ورتالىق جانە وڭىرلىك دەڭگەيدەگى كەڭەستەردىڭ قۇرامىنا پارتيالىق تىزىمدەردەن 2 مىڭعا جۋىق رەزەرۆشى، ساراپشىلار مەن ازاماتتىق قوعام وكىلدەرى تارتىلادى دەپ جوسپارلانۋدا.

ەسكە سالا كەتەيىك، سايلاۋالدى ۋادەلەردى ورىنداۋ جونىندەگى رەسپۋبليكالىق جول كارتاسى پرەمەر-مينيستر مەن ۇكىمەت مۇشەلەرىنىڭ قاتىسۋىمەن ماجىلىستەگى فراكتسيا وتىرىسىندا تالقىلانعان بولاتىن. وڭىرلەردە سايلاۋالدى باعدارلامالاردى ورىنداۋ بويىنشا 216 جول كارتاسى جاريا تالقىلاندى جانە بەكىتىلدى.

پارتيانىڭ ورتالىق اپپاراتى جۇمىستى جالپى ۇيلەستىرۋدى جۇزەگە اسىرادى. ال ۇكىمەت پەن اكىمدەر جانىنداعى رەسپۋبليكالىق جانە وڭىرلىك شتابتار تيىسىنشە رەسپۋبليكالىق دەڭگەيدە – 1،7 مىڭنان استام جانە وڭىرلىك دەڭگەيدە – 81 مىڭنان استام ينديكاتوردى ورىنداۋعا الادى. بيىلدىڭ وزىندە ينديكاتورلاردىڭ 24%-ءىن ورىنداۋ جوسپارلانىپ وتىر.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز