الماتىدا ارميالىق قويان-قولتىق ۇرىسىنان قارۋلى كۇشتەردىڭ چەمپيوناتى اياقتالدى

سپورت • 26 اقپان، 2021

الماتىدا ارميالىق قويان-قولتىق ۇرىسىنان قارۋلى كۇشتەردىڭ چەمپيوناتى اياقتالدى

10 رەت كورسەتىلدى

قارۋلى كۇشتەردىڭ XVIII سپارتاكياداسى اياسىندا اسكەري قىزمەتشىلەر اراسىندا الماتىداعى ورتالىق سپورت كلۋبىنىڭ بازاسىندا ارميالىق قويان-قولتىق كۇرەسىنەن چەمپيونات ءوتتى، دەپ حابارلايدى Egemen.kz.

Marzhan Tileubekova

كىل مىقتىنىڭ قاتارىنان كورىنۋ ءۇشىن اسكەر تەكتەرىنىڭ، وڭىرلىك قولباسشىلىقتاردىڭ، سونداي-اق اسكەري وقۋ ورىنداردىڭ اتىنان 15 كوماندانىڭ 132 سپورتشىسى قاتىستى.

ەپيدەميولوگيالىق احۋالعا بايلانىستى چەمپيونات كورەرمەنسىز ءوتتى، ال جەكپە-جەكتى باقىلاۋعا نيەتتىلەر Facebook پەن Instagram الەۋمەتتىك جەلىلەرىندەگى وسك-نىڭ رەسمي اككاۋنتتارى ارقىلى ونلاين-ترانسلياتسيا رەجيمىندە تاماشالادى.

بيىلعى 25 اقپاندا بىرىڭعاي سپورت كۇنىندە اقتىق جەكپە-جەك ءوتتى. قورعانىس ءمينيسترىنىڭ ورىنباسارى دارىن تۇياقوۆ چەمپيوناتقا قاتىسۋشىلاردى قارسى الدى، ول ارميالىق قويان-قولتىق ۇرىستىڭ دامىپ كەلە جاتقانىن جانە ونىڭ جاۋىنگەرلەردى دايارلاۋداعى ماڭىزىن اتاپ ءوتتى.

تۋرنير قورىتىندىسى بويىنشا ءوز سالماق دارەجەسىندە كاپيتان امان شاكىرتوۆ (55 كەلىگە دەيىن)، اعا لەيتەنانت ارحات باياحمەتوۆ (60 كەلىگە دەيىن)، ەفرەيتور وتار نۇربەك (65 كەلىگە دەيىن)، ەفرەيتور ەرجان ولجاس (70 كەلىگە دەيىن)، قاتارداعى جاۋىنگەر ەركىنعالي بۇركىتالين (75 كەلىگە دەيىن)، اعا لەيتەنانت باقتيار قوجاحمەتوۆ (80 كەلىگە دەيىن)، سەرجانت جانبولات راعشا ۇلى (85 كەلىگە دەيىن)، اعا سەرجانت ارمان ەرمەنبەت (90 كەلىگە دەيىن)، كاپيتان جاسۇلان مۇسىركەنوۆ (90 كەلىدەن جوعارى) جەڭىمپاز اتاندى.

جالپى كوماندالىق ەسەپتە ءبىرىنشى ورىندى 14776 اسكەري ءبولىمى، ەكىنشى ورىندى «باتىس» وڭىرلىك قولباسشىلىعى، ال ءۇشىنشى ورىندى – «شىعىس» وڭىرلىك قولباسشىلىعى الدى.

قورعانىس ءمينيسترى، بۇكىل قازاقستاندىق قويان-قولتىق ۇرىس قاۋىمداستىعىنىڭ توراعاسى، گەنەرال-لەيتەنانت نۇرلان ەرمەكباەۆ چەمپيوناتتىڭ جەڭىمپازدارى مەن قاتىسۋشىلارىنا قۇتتىقتاۋ جولدادى.

ارميالىق جەكپە-جەك ۇرىسى قارۋلى كۇشتەردەگى ەڭ تانىمال سپورت ءتۇرى عانا ەمەس، سونداي-اق اسكەري قىزمەتشىلەردىڭ جاۋىنگەرلىك داعدىلارىن ارتتىرۋدىڭ، دەنە دايىندىعىن جەتىلدىرۋدىڭ، مورالدىق-پسيحولوگيالىق تۇراقتىلىقتى نىعايتۋدىڭ ءتيىمدى قۇرالى ەكەنىن اتاپ ءوتتى.

قورعانىس ۆەدومستۆوسىنىڭ باسشىسى قاتىسۋشىلاردىڭ بارلىعى جوعارى شەبەرلىك پەن جەڭىسكە جەتۋگە دەگەن كۇش-جىگەردى تانىتقانىن، قاتىسۋشىلار جەتىستىككە جەتۋ ءۇشىن بار كۇشىن-جىگەرىن سالعانىن، الايدا سپورت بولعان سوڭ جەڭىمپازدار مەن جەڭىلگەندەر بولاتىنىن ايتا كەتتى.

قورعانىس ءمينيسترى جەڭىمپازدار مەن جۇلدەگەرلەردى وسى جەتىستىگىمەن توقتاماي، ءارى قاراي شەبەرلىكتەرىن جەتىلدىرەتىنىنە سەنەتىنىن، ال بۇگىن ءساتسىز ناتيجە كورسەتكەندەر بولاشاقتا تابىسقا جەتۋ جولىندا كۇش-قايراتىن اياماي، جەڭىس تۇعىرىنان كورىنۋگە تىلەكتەستىگىن جەتكىزدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز