اتالعان تۋرنير قاتەرلى ىندەتكە بايلانىستى ەلىمىزدە جاريالانعان توتەنشە جاعداي كەزىندە ءوزىنىڭ قىزمەتتىك مىندەتىن لايىقتى ورىنداپ, ازاماتتاردىڭ تىنىشتىعى مەن قاۋىپسىزدىگىن قامتاماسىز ەتۋ جولىندا قازا تاپقان پوليتسيا قىزمەتكەرى, ءىىى دارەجەلى «ايبىن» وردەنىنىڭ يەگەرى داستان ماراتجان ۇلى ابدىقانوۆتىڭ ەرلىگىن جاس ۇرپاققا ناسيحاتتاۋ جانە ەسكە الۋ ماقساتىندا ۇيىمداستىرىلىپ وتىر.
باتىر ەسىمىن ۇلىقتاعان اشىق بىرىنشىلىك playok.com پلاتفورماسىندا شىمىلدىعىن تۇرگەن بولاتىن. دوداعا ەلىمىزدىڭ تۇكپىر-تۇكپىرىنەن 247 سپورتشى قاتىستى. جارىستىڭ سايتتاعى ناتيجەسىنە سايكەس 1 مەن 5-ورىن العان سپورتشىلار دەمەۋشىلەر تاعايىنداعان قارجىلاي سىياقىمەن ماراپاتتالدى.
زياتكەرلەردىڭ شەبەرلىگىن شىڭداعان باسەكەدە قىزىلوردالىق دامير احمەتوۆ 1-ورىندى جەڭىپ السا, اقتوبەلىك مەدەت حۋساينوۆ 2-ورىنعا يە بولدى. ال جۇلدەلى 3-ورىنعا پاۆلودارلىق باۋىرجان ابىلايحانوۆ تابان تىرەدى. تاعى ءبىر قىزىلوردالىق ءبىرجان ەلەۋسىنوۆ 4-ورىننان كورىنسە, ۇزدىك بەستىكتى اقتوبەلىك گۇلجانات الدابەرگەنوۆا تۇيىندەدى.
تاۋەلسىزدىك العان جىلداردان بەرى ءبىر عانا الماتىنىڭ وزىندە 70-تەن استام پوليتسيا قىزمەتكەرى جۇمىس بابىندا قازا تاۋىپتى. ولاردىڭ ەرەن ەرلىگى مەن انتىنا ادالدىعى ۇرپاققا ۇلگى بولىپ قالا بەرمەك. اۋىر جەلدىڭ وتىندە ءجۇرىپ ارمانىنان الىستاپ قالعان داستان ابدىقانوۆتىڭ دا ەسىمى ەل ەسىندە.
الماتى
