قوعام • 26 اقپان، 2021

ەرىكتىلەردىڭ ەلەۋلى ءىسى

6 رەت كورسەتىلدى

ءتورت قۇبىلاعا تەگىس شاراپات شۋاعىن شاشاتىن ىزگى ءىستىڭ ءبىرى – قايىرىمدىلىق مارافونى. اقمولا وڭىرىندە بۇل شارۋا مىقتاپ قولعا الىنۋدا. پرەزيدەنت قاسىم-جومارت توقاەۆ ۆولونتەرلىك قىزمەتتىڭ مەملەكەتتىڭ الدىنا قويعان ماقساتتارىمەن ۇندەستىگىن ايتا كەلىپ، بۇل رۋحتى كوتەرەتىن، حالىقتىڭ مۇڭ-مۇقتاجىن بولىسەتىن قوزعالىس ەكەندىگىن اتاپ وتكەن بولاتىن.

شىنىندا دا سولاي، وزدەرىنىڭ از دا بولسا سەپتىگى تيگەنىنە مەرەيلەنگەن جاستار يگى باستامانى ءىلىپ اكەتىپ، قوماقتى ۇلەس قوسۋدا. قايىرىمدىلىق شارالارىنىڭ ەلگە پايدالى بولعانى جاقسى بولسا، ەكىنشى جاعىنان سوڭعى ۋاقىتتا جاستار تاراپىنان جاناشىرلىق جاساۋعا ۇمتىلىس مولايىپ كەلە جاتقاندىعىن كورىپ، كوڭىل جادىرايدى. ەرىكتىلەردىڭ ەلەۋلى ءىسى – شىن مانىندە ءتالىم-تاربيە بەرەتىن ونەگە.

قايىرىمدى ىستەر مارافونى ەڭ باستى جەتى باعىتتان تۇرادى. وسىعان وراي نەگىزگى ءىس-شارالار جوسپارى ءتۇزىلدى. مارافوننىڭ باستى ماقساتى – بارشا ادامداردىڭ باسىن بىرىكتىرەتىن قايىرىمدىلىق قوزعالىسىن دامىتۋ، ادامداردى جاقسىلىق جاساۋعا ىنتالاندىرۋ. وڭىردە بۇل مارافون «30 يگى ءىس» اتتى اكتسيامەن باستاۋ الدى. وبلىستىق جاستار رەسۋرستىق ورتالىعى ەرىكتىلەر قولداۋ ورتالىعىمەن بىرلەسە وتىرىپ، وبلىس ورتالىعىنداعى №1 ارنايى مەكتەپ-ينتەرناتقا بارىپ، ءبىلىم وشاعىنىڭ اۋلاسىن قاردان تازارتىپ بەردى. ىزگى ىستەن قۇلاقتانعان ىزەتتى جاستار باستامانى قولداپ، جاقسىلىق جاساۋعا جۇمىلا ءتۇستى. ءسويتىپ، ەرىكتى جاستاردىڭ ارقاسىندا 50-دەن استام جالعىزىلىكتى، مۇمكىندىگى شەكتەۋلى ادامداردىڭ اۋلالارى قاردان تازارىپ قالدى. قار باسقان قالا كوشەلەرى دە جاستاردىڭ جىگەرىمەن تازالانىپ، اياقجولدار اق قاردان ارشىلىپ، جاياۋ جۇرگىنشىلەرگە قولايلى جاعداي تۋعىزىلدى.

قازىر جاستار جاساعان كومەك-جار­دەمد­ەرىن ءبىر-بىرىنە ايتاتىن بولدى. ماق­تانىش ءۇشىن ەمەس، قۇربىلارىن قاتارعا تارتۋ ءۇشىن. نەسى بار، جاقسىلىقتىڭ جۇ­عىستى بولعانى عاجاپ ەمەس پە؟!

 

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار