جامبىل وبلىستىق پروكۋراتۋراسى جۇرگىزگەن تەكسەرۋلەردىڭ ناتيجەسىندە ۇستىمىزدەگى جىلى ەكونوميكالىق كونترابانداعا قاتىستى 52 قىلمىستىق ءىس قوزعالىپ, بۇگىنگى كۇنگە دەيىن ونىڭ 26-سى سوتقا جولدانعان. ونىڭ ىشىندە «12 جۇك كولىگى» تۋرالى اتى-شۋلى قىلمىستىق ءىس بار. وبلىس پروكۋراتۋراسىنىڭ ارنايى پروكۋرورىنىڭ جەتەكشىلىگىندەگى تەرگەۋ توبى اياقتاعان بۇل ىسكە كەدەن قىزمەتكەرلەرى دجۋلسايتوۆ (جولسەيتوۆ بولۋى دا مۇمكىن) پەن كوپباەۆ «كرىشا» بولعان. تۇسىنىكتى تىلمەن ايتساق, كەدەندەگى وسى قىزمەتكەرلەر قىلمىستىق ىسكە تىكەلەي كومەكتەسكەن. سونداي-اق, «ون ەكى مۇشەسى» ءتۇپ-تۇگەل 12 جۇك كولىگىن «قوسالقى بولشەك» (زاپچاست) رەتىندە جالعان راسىمدەپ, كونتراباندانىڭ تىڭ ايلا-شارعىسىن ويلاپ تاپقان ا.نادىروۆ پەن ي.كراسمان دەگەننىڭ دە «ەڭبەگىن» جوققا شىعارۋعا بولمايدى. ءسويتىپ, ولار وسى قىلمىستارى ارقىلى مەملەكەتكە 96 842 745 تەڭگە زالال كەلتىرگەن. ارنايى پروكۋروردىڭ دەر كەزىندە شارا قولدانۋىنىڭ ناتيجەسىندە, ونىڭ ىشىندە م ۇلىككە توقتام سالۋ ارقىلى, قازىر بۇل شىعىننىڭ ورنى قايتا تولتىرىلۋدا. ويتكەنى, قورداي اۋداندىق سوتىنىڭ ۇكىمىمەن ا.نادىروۆ, ي.كراسمان جانە «قورداي» كەدەن بەكەتىنىڭ قىزمەتكەرلەرى دجۋلسايتوۆ, كوپباەۆ پەن احمەتوۆ ءتيىستى جازالارىن الىپ, «ەكونوميكالىق كونتراباندا» دەپ تانىلعان 96 842 745 تەڭگەگە باعالانعان م ۇلىكتى مەملەكەت پايداسىنا ءوندىرۋ تۋرالى شەشىم قابىلدادى.
جامبىل وبلىستىق پروكۋراتۋراسى جۇرگىزگەن تەكسەرۋلەردىڭ ناتيجەسىندە ۇستىمىزدەگى جىلى ەكونوميكالىق كونترابانداعا قاتىستى 52 قىلمىستىق ءىس قوزعالىپ, بۇگىنگى كۇنگە دەيىن ونىڭ 26-سى سوتقا جولدانعان. ونىڭ ىشىندە «12 جۇك كولىگى» تۋرالى اتى-شۋلى قىلمىستىق ءىس بار. وبلىس پروكۋراتۋراسىنىڭ ارنايى پروكۋرورىنىڭ جەتەكشىلىگىندەگى تەرگەۋ توبى اياقتاعان بۇل ىسكە كەدەن قىزمەتكەرلەرى دجۋلسايتوۆ (جولسەيتوۆ بولۋى دا مۇمكىن) پەن كوپباەۆ «كرىشا» بولعان. تۇسىنىكتى تىلمەن ايتساق, كەدەندەگى وسى قىزمەتكەرلەر قىلمىستىق ىسكە تىكەلەي كومەكتەسكەن. سونداي-اق, «ون ەكى مۇشەسى» ءتۇپ-تۇگەل 12 جۇك كولىگىن «قوسالقى بولشەك» (زاپچاست) رەتىندە جالعان راسىمدەپ, كونتراباندانىڭ تىڭ ايلا-شارعىسىن ويلاپ تاپقان ا.نادىروۆ پەن ي.كراسمان دەگەننىڭ دە «ەڭبەگىن» جوققا شىعارۋعا بولمايدى. ءسويتىپ, ولار وسى قىلمىستارى ارقىلى مەملەكەتكە 96 842 745 تەڭگە زالال كەلتىرگەن. ارنايى پروكۋروردىڭ دەر كەزىندە شارا قولدانۋىنىڭ ناتيجەسىندە, ونىڭ ىشىندە م ۇلىككە توقتام سالۋ ارقىلى, قازىر بۇل شىعىننىڭ ورنى قايتا تولتىرىلۋدا. ويتكەنى, قورداي اۋداندىق سوتىنىڭ ۇكىمىمەن ا.نادىروۆ, ي.كراسمان جانە «قورداي» كەدەن بەكەتىنىڭ قىزمەتكەرلەرى دجۋلسايتوۆ, كوپباەۆ پەن احمەتوۆ ءتيىستى جازالارىن الىپ, «ەكونوميكالىق كونتراباندا» دەپ تانىلعان 96 842 745 تەڭگەگە باعالانعان م ۇلىكتى مەملەكەت پايداسىنا ءوندىرۋ تۋرالى شەشىم قابىلدادى.
مىسالى, وسى تەكتەس قىلمىس جاساعانى ءۇشىن وبلىستىق ءىىد-ءنىڭ جول پوليتسياسى باسقارماسىنىڭ اعا اۆتوينسپەكتورى س.ساعىنتاەۆتىڭ جىمىسقى ارەكەتتەرى وبلىستىق پروكۋراتۋرانىڭ تەكسەرۋى بارىسىندا اشكەرە بولعان. سوندا بۇل اعا ينسپەكتور قانداي قىلمىس جاساعان؟ ول «TOYOTA LAND CRUISER-200» جانە «TOYOTA LAND CRUISER PRADO» اۆتوكولىكتەرىن كەدەن وداعىنا كىرەتىن بەلارۋس رەسپۋبليكاسىنان اكەلىنگەن دەگەن جالعان قۇجاتتار قولدانۋ ارقىلى راسىمدەگەن. سونىڭ سالدارىنان 8 874 983 تەڭگە قارجىنى قۇرايتىن كەدەندىك تولەمدەر مەملەكەت پايداسىنا ەمەس, قىلمىستىق جولمەن بايىعىسى كەلگەندەردىڭ قالتاسىندا قالعان. «وسى «قىزمەتى» ءۇشىن اعا اۆتوينسپەكتور قانشا الدى؟» دەگەن سۇراقتىڭ ويعا ورالۋى دا زاڭدى. ال سول ساعىنتاەۆ تاراز قالاسىنىڭ №2 سوتىنىڭ ۇكىمىمەن, سىزگە وتىرىك, بىزگە شىن, «سالاقتىق جىبەرگەنى ءۇشىن» دەگەن جازامەن سوتتالىپتى. تۇيمەدەي زات ەمەس, تۇيەدەي اۆتوكولىكتى راسىمدەپ تۇرىپ بىلىكتى كادر قالاي سالاقتىق جىبەرەدى؟ كۇماندى, كۇدىكتى جانە تۇسىنىكسىز.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.
