ونەر • 25 اقپان، 2021

بالالار كوركەمسۋرەت مەكتەبى وقىتۋشىلارىنىڭ «شىعارماشىلىق: قابىلەت، اۋەستىك» كورمەسى اشىلدى

27 رەت كورسەتىلدى

بۇگىن قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى مۋزەيىندە «تۋعان ولكەم» بالالار شىعارماشىلىعىن قولداۋ بويىنشا رەسپۋبليكالىق باعدارلاماسى اياسىندا ۇيىمداستىرىلعان نۇر-سۇلتان قالاسىنىڭ بالالار كوركەمسۋرەت مەكتەبى يۋنەسكو كلۋبى وقىتۋشىلارىنىڭ تۋىندىلارىنان قۇرالعان «شىعارماشىلىق: قابىلەت، اۋەستىك»  كورمەسىنىڭ اشىلۋى ءوتتى، دەپ حابارلايدى ەgemen.kz

ءىس-شارانى ەلباسى كىتاپحاناسىنىڭ مۋزەي قۇندىلىقتارىن ەسەپكە الۋ جانە ساقتاۋ قىزمەتىنىڭ باسشىسى كۇلايشا اقتاەۆا اشىپ، مەكتەپ وقۋشىلارىنىڭ رەسپۋبليكالىق جانە حالىقارالىق بايقاۋلارداعى جەتىستىگى بكم يۋنەسكو كلۋبىنىڭ دارىندى پەداگوگتەر كومانداسىنىڭ، ونىڭ ىشىندە قر سۋرەتشىلەر وداعى مەن حالىقارالىق سۋرەتشىلەر وداعىنىڭ مۇشەلەرىنىڭ كوپجىلدىق قاجىرلى ەڭبەگىنىڭ ناتيجەسى ەكەنىن اتاپ ءوتتى.

19

«جاھاندانۋ جاعدايىندا ءبىز سانامىزدىڭ نەگىزىن جوعالتپاۋ ءۇشىن كىم ەكەنىمىزدى، رۋحاني تامىرىمىز بەن تۇرمىسىمىزدىڭ قۇرامداس بولىكتەرى قانداي ەكەنىن ءتۇسىنۋىمىز كەرەك. ءبىر تاڭداناتىنى، پاندەميا جاعدايىندا الەۋمەتتىك قاشىقتىقتى ساقتاي وتىرىپ، ءبىز ءبىر-بىرىمىزگە جاقىن بولۋ قاجەتتىلىگىن سەزىنەمىز. ادامدار قارىم-قاتىناستى اڭسايدى، وزدەرىنىڭ جاڭا قىرلارىنىڭ اشىلۋىن كۇتەدى. «تۋعان ولكەم» باعدارلاماسى ۇيدەن تىس جەردە قالىپتاساتىن ورتاعا باعىتتالعان. بۇل وتە ماڭىزدى، ويتكەنى وتباسىندا بالا ءوزىنىڭ جەكە تۇلعا رەتىندە قالىپتاسۋىن تەك ءبىلىم مەن پايدالى داعدىلارمەن تولتىرا المايدى. سوندىقتان پەداگوگ-سۋرەتشىلەر – ەرەكشە ساڭلاقتار»، دەپ اتاپ ءوتتى ك.اقتاەۆا.

كورمەدە تابيعات قۇجانباەۆ، نۇربولات اسقار، گۇلبارام اسقاروۆا، ايزادا امانجولوۆا، گۇلفارا تۋكينا، ايناگۇل تۋعانبەكوۆا، ساۋلە جاندۋللاەۆا، ولجاس بەكەنوۆ، بينازير جۇمابەكوۆا، دانا قامالوۆا سىندى سۋرەتشى-وقىتۋشىلاردىڭ شىعارماشىلىق ىزدەنىستەرىنىڭ ناتيجەسىندە ءتۇرلى جانرلار مەن باعىتتاردى قامتىعان 60-تان استام تۋىندى ۇسىنىلدى. اۆتورلار ءوز ەڭبەكتەرىندە قورشاعان الەمگە دەگەن ءوز كوزقاراستارىن كورسەتىپ، وتباسىنا، ەلگە، ءوز حالقىنىڭ مادەنيەتىنە دەگەن ماحابباتىن سۋرەتتەي بىلگەن.

64

«سۋرەتشى – بارلىق ادەمىلىكتى كورە بىلەتىن ءارى ونى جەتكىزە الاتىن ادام. الەمنىڭ كوركەم بەينەسىن، اتموسفەراسىن ساقتاۋ وتە ماڭىزدى. قازىرگى تەحنولوگيالار مەن تەحنيكالار ادامدار اراسىنداعى قارىم-قاتىناسقا كەدەرگى كەلتىرىپ جاتقاندىقتان، ءوزىمىزدى تانىپ-بىلۋگە، جان-جاعىمىزدى باعالاۋعا، قورشاعان ورتامىزدى ايالاۋعا جاسالىپ جاتقان كەرەمەت دۇنيە. بۇل باسقوسۋ وسى كورمەنىڭ ماڭىزدى مىندەتتەرىنىڭ ءبىرى دەپ ويلايمىن»، – دەپ وي ءبولىستى بالالار كوركەمسۋرەت مەكتەبىنىڭ مۇعالىمى، سۋرەتشى نۇربولات اسقار. 

ءىس-شارا سوڭىندا ەلباسى كىتاپحاناسىنىڭ اتىنان ۇستازداردى بەينەلەۋ ونەرىندەگى جوعارى كاسىبي بىلىكتىلىگى جانە بالالار شىعارماشىلىعىن دامىتۋعا قوسقان ەلەۋلى ۇلەسى ءۇشىن ارنايى سەرتيفيكاتىمەن ماراپاتتاۋ ءراسىمى ءوتتى.

كورمە قوناقتارى سۋرەتشىنىڭ يمپروۆيزاتسيالانعان شەبەرحاناسىندا شىعارماشىلىق اتموسفەرانى سەزىندى. شەبەرلىك-سىنىپ بارىسىندا تاجىريبەلى تالىمگەردىڭ جەتەكشىلىگىمەن اركىم ءوز كوركەم تۋىندىسىن جاسادى.

نۇر-سۇلتان قالاسىنداعى بالالار كوركەمسۋرەت مەكتەبى يۋنەسكو كلۋبى ەلباسى كىتاپحاناسىنىڭ بايىرعى سەرىكتەسى رەتىندە 2005 جىلدان بەرى كوپتەگەن كورمەلەر، فەستيۆالدەر، شەبەرلىك-سىنىپتار، شىعارماشىلىق كەزدەسۋلەر جانە باسقا دا ءىس-شارالار وتكىزىپ كەلەدى. ىنتىماقتاستىقتىڭ باستى ناتيجەلەرىنىڭ ءبىرى مۋزەي عيماراتىنداعى (نۇر-سۇلتان قالاسىنداعى بكم يۋنەسكو كلۋبىنىڭ فيليالى) بالالار بەينەلەۋ ستۋدياسىنىڭ جۇمىسى بولىپ تابىلادى.

«شىعارماشىلىق: قابىلەت، اۋەستىك»  كورمەسى قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى مۋزەيىندە (بەيبىتشىلىك ك-ءسى، 11) وسى جىلدىڭ 31 ناۋرىزىنا دەيىن جالعاسادى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار