قوعام • 25 اقپان، 2021

ەسەپ كوميتەتى جۇرتشىلىقپەن ءوزارا ءىس-قيمىلدى كۇشەيتۋگە نيەتتى

35 رەت كورسەتىلدى

بۇگىن تاراپتاردىڭ باستاماسى بويىنشا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆتىڭ جانە رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتورايىمى ناتاليا گودۋنوۆانىڭ «ەسەپ كوميتەتى – ادالدىق الاڭى» جوبالىق كەڭسەسىن اشۋ بويىنشا ەكى جاقتى كەزدەسۋى ءوتتى، دەپ حابارلايدى Egemen.kz.

ءىس-شارا ەسەپ كوميتەتى مۇشەلەرىنىڭ، اپپاراتىنىڭ جانە ۆەدومستۆولىق باعىنىستى ۇيىمىنىڭ، نۇر-سۇلتان، الماتى، شىمكەنت قالالارى جانە وبلىستار بويىنشا تەكسەرۋ كوميسسيالارى توراعالارىنىڭ، سىبايلاس جەمقورلىققا قارسى قىزمەتتىڭ اۋماقتىق ورگاندارى باسشىلارىنىڭ، سونداي-اق جۇرتشىلىق وكىلدەرىنىڭ قاتىسۋىمەن ءوتتى.

جوبالىق كەڭسە ەكى ۆەدومستۆونىڭ مەملەكەت باسشىسىنىڭ ەسەپ كوميتەتى مەن تەكسەرۋ كوميسسيالارىنىڭ فۋنكتسيونالىن كۇشەيتۋ جونىندەگى تاپسىرماسىن ىسكە اسىرۋ شەڭبەرىندە سىبايلاس جەمقورلىقتىڭ الدىن الۋ جانە پاراساتتىلىق قاعيداتتارىن ىلگەرىلەتۋ بويىنشا جەدەل جۇمىس قاجەتتىگى تۋرالى ءوزارا تۇسىنىستىگىنىڭ ناتيجەسى بولىپ تابىلادى.

ءىس-شارانى اشا وتىرىپ، ن. گودۋنوۆا سىبايلاس جەمقورلىق كورىنىستەرىنىڭ ۋاقتىلى الدىن الۋدىڭ ماڭىزدىلىعىن اتاپ ءوتتى، ەسەپ كوميتەتىنىڭ وتكەن جىلعى قىزمەتىنىڭ قىسقاشا قورىتىندىلارى، سىبايلاس جەمقورلىققا قارسى ءىس-قيمىل بويىنشا قابىلدانىپ جاتقان شارالار ايتىلدى، سونداي-اق سىبايلاس جەمقورلىققا قارسى ءىس-قيمىلدا ەكى ۆەدومستۆونىڭ كۇش-جىگەرىن بىرىكتىرۋ، بارلىق مەملەكەتتىك ورگانداردىڭ اقپاراتتىق جۇيەلەرىن ينتەگراتسيالاۋ، تۇپكى الۋشى دەيىن بيۋدجەت قاراجاتى مەن ۇلتتىق قور اكتيۆتەرىن بىرلەسىپ قاداعالاۋ بويىنشا شارالار قابىلداۋ ۇسىنىلدى.

اگەنتتىك توراعاسى ا. شپەكباەۆ سىبايلاس جەمقورلىق تاۋەكەلدەرىن جويۋدان باستاپ پاراساتتىلىق قاعيداتتارىن بولىسپەيتىن قىزمەتكەرلەردەن تازارتۋعا دەيىنگى سىبايلاس جەمقورلىققا قارسى ينفراقۇرىلىمدى قۇرۋداعى ەسەپ كوميتەتى مۇشەلەرىنىڭ رولىنە نازار اۋداردى.

«مەملەكەتتىك اۋديت ورگاندارىنا قوسىمشا فۋنكتسيالار بەرە وتىرىپ، ەسەپ كوميتەتى مەن تەكسەرۋ كوميسسيالارى قىزمەتكەرلەرىنىڭ، ەڭ الدىمەن، ولاردىڭ باسشىلارىنىڭ پاراساتتىلىعى مەن ادالدىعىن ارتتىرۋ تۋرالى ۇمىتپاۋ ماڭىزدى. جەمقورلىق زاڭعا قۇرمەت كورسەتپەۋدەن باستالادى»، - دەپ اتاپ ءوتتى سىبايلاس جەمقورلىققا قارسى ۆەدومستۆو باسشىسى.

قاتىسۋشىلاردىڭ پىكىرىنشە، بۇعان قوعامدىق كومەكشىلەر – ساراپشىلار، كەڭەسشىلەر جانە جاي قامقور ازاماتتار كومەكتەسە الادى.

وسىعان بايلانىستى، جوبالىق كەڭسە شەڭبەرىندە جۇرتشىلىق پەن باق وكىلدەرى قاتارىنان ساراپتامالىق كەڭەس قۇرىلاتىن بولادى.

«ەسەپ كوميتەتى – ادالدىق الاڭى» جوبالىق كەڭسەسى جوعارى مەملەكەتتىك اۋديت جانە قارجىلىق باقىلاۋ ورگانىنىڭ اشىقتىعىن جانە قولجەتىمدىلىگىن قامتاماسىز ەتۋگە جاڭا سەرپىن بەرەدى.

وسىلايشا، ەسەپ كوميتەتى تۇراقتى ديالوگ ارقىلى جۇرتشىلىقتى ءوز قىزمەتىنە تارتۋعا دايىن.

كەڭەس قورىتىندىسى بويىنشا اۋديتورلىق ءىس-شارالاردى وتكىزۋ كەزىندە، ونىڭ ىشىندە سىبايلاس جەمقورلىققا قارسى قىزمەتكە بەرىلگەن اۋديت ماتەريالدارى بويىنشا ءوزارا ءىس-قيمىلدى كۇشەيتۋ تۋرالى ۋاعدالاستىققا قول جەتكىزىلدى.

وڭىرلىك تەكسەرۋ كوميسسيالارىنا وسىنداي جوبانى ازىرلەۋ جانە ىسكە اسىرۋ ۇسىنىلدى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار