قوعام • 25 اقپان، 2021

ۇلتتىق قۇندىلىق تەلەۆيزيالىق رەيتينگتەن جوعارى بولۋى كەرەك – سەناتور

18 رەت كورسەتىلدى

سەنات دەپۋتاتى دانا نۇرجىگىت وتاندىق تەلەۆيزياداعى كەيبىر باعدارلامالار ۇلتتىق ۇستانىمدارىمىزعا قايشى دەپ ەسەپتەيدى. بۇل تۋرالى پارلامەنت وكىلى ۇكىمەت باسشىسىنا جولداعان ساۋالىندا ايتتى، دەپ حابارلايدى Egemen.kz.

دەپۋتاتتىڭ ايتۋىنشا، بۇگىنگى تەلەۆيزيالىق كونتەنتتىڭ كورەرمەن ەڭ كوپ قارايتىن ۋاقىتى – پرايم تايمدا (18:00 – 24:00) ۇلتتىق ساناعا سوققى بولاتىن، حالىقتىڭ ار نامىسىنا تيەتىن تاقىرىپتارعا ارنالىپ وتىر. دەپۋتات رەيتينگ كوتەرۋگە باعىتتالعان سەنساتسيالىق تاقىرىپتارعا ارنالعان  توك-شوۋلار يدەولوگيانى ناسيحاتتاۋ ءۇشىن جۇمسىس ىستەمەيدى دەگەن پىكىردە.

«قازاقستاننىڭ اقپارات سالاسىنداعى زاڭناماسىندا تەلەارنالاردىڭ باستى قاعيداتى بولۋعا ءتيىستى «ۇلتتىق قۇندىلىقتاردى ساقتاۋ»، «دارىپتەۋ»، «ناسيحاتتاۋ» دەگەن ۇعىم-تۇسىنىك جوق. ءبىز وتاندىق ارنالاردىڭ بارلىق يەلەرىنەن ەفيردە كورسەتىلەتىن كەز-كەلگەن كونتەنتتىڭ ۇلتتىق قۇندىلىقتار قاعيداسىنا نەگىزدەلۋىن تالاپ ەتپەيىنشە قوعامداعى رۋحانيات دەڭگەيى كوتەرىلمەيدى. حالىقارالىق تاجىريبەنى زەردەلەي وتىرىپ، قازاقستان رەسپۋبليكاسىنىڭ ۇكىمەتىنەن زاڭنامادا جوعارىدا اتالعان تالاپتى كوزدەيتىن نورمالاردى قاراستىرۋدى جانە ءتيىستى زاڭنامالىق اكتىلەرگە قاجەتتى وزگەرىستەر مەن تولىقتىرۋلار ەنگىزۋ ماسەلەسىن قاراستىرۋدى سۇرايمىن»، دەيدى سەناتور. 

 

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار