ونلاين فورماتتا وتكەن باسقوسۋعا حالىقارالىق تۇركى اكادەمياسىنىڭ پرەزيدەنتى دارحان قىدىرالى, تۇركيا رەسپۋبليكاسى سىرتقى ىستەر ءمينيسترىنىڭ ورىنباسارى ياۆۋز سەليم قىران, تۇركيا رەسپۋبليكاسى سىرتقى ىستەر مينيسترلىگىنىڭ ستراتەگيالىق زەرتتەۋلەر ورتالىعىنىڭ ديرەكتورى ۋفۋك ۋلۋتاش,تۇركيا رەسپۋبليكاسىنىڭ پرەزيدەنتى جانىنداعى قاۋىپسىزدىك جانە سىرتقى ساياسات كەڭەسىنىڭ مۇشەسى ايگۇن اتتار, تۇركى كەڭەسى باس حاتشىسىنىڭ ورىنباسارى سۇلتان راەۆ, تۇركپا باس حاتشىسىنىڭ ورىنباسارى الي يىلدىز, تيۋركسوي باس حاتشىسى دۇيسەن قاسەيىنوۆ, تۇركى مادەنيەتى جانە ميراسى قورىنىڭ پرەزيدەنتى گۇناي ەفەنديەۆا, تۇركى كەنەسىنىڭ تۇڭعىش باس حاتشىسى حاليل اكىدجى, يۋنەسكو ىستەرى بويىنشا تۇركيا ۇلتتىق كوميسسيانىڭ توراعاسى, پروفەسسور ءوجال وعۇز, كاپپادوكيا ۋنيۆەرسيتەتىنىڭ رەكتورى حاسان الي كاراسار, تاياۋ شىعىس تەحنيكالىق ۋنيۆەرسيتەتىنىڭ حالىقارالىق بايلانىستار ءبولىمىنىڭ باسشىسى وكتاي تانرىسەۆەر, سونىمەن قاتار تۇركى تىلدەس سىرتقى ىستەر مينيسترلىكتەرىنىڭ وكىلدەرى, مەملەكەت جانە قوعام قايراتكەرلەرى, تانىمال عالىمدارى مەن زيالى قاۋىم وكىلدەرى قاتىستى.
اتالعان جيىندا تۇركى اكادەمياسىنىڭ باسشىسى دارحان قىدىرالى مودەراتورلىق ەتتى. كەلەلى كەڭەسكە قاتىسۋشىلار تۇركى تىلدەس مەملەكەتتەردىڭ تاۋەلسىزدىك جىلدارى قول جەتكىزگەن جەتىستىكتەرى تۋرالى باياندامالار جاسادى. سونىمەن قاتار, وسى باۋىرلاس ەلدەردىڭ اراسىنداعى ينتەگراتسيانى ودان ءارى نىعايتۋ جونىندە ءسوز بولدى.
