قوعام • 24 اقپان، 2021

قازاقستاندا زەينەتكە شىعۋ جاسى تومەندەي مە؟

1108 رەت كورسەتىلدى

پرەمەر-مينيستر اسقار مامين ءماجىلىس دەپۋتاتتارىنىڭ الەۋمەتتىك كودەكس تۇجىرىمداماسىنىڭ جوباسىنا قاتىستى ساۋالىنا جاۋاپ بەردى، دەپ حابارلايدى Egemen.kz.

«قازىرگى ۋاقىتتا زەينەتاقىمەن قامسىزداندىرۋدىڭ بارلىق ءۇش دەڭگەيى ەڭبەك وتىلىنە بايلانىستى. بۇل رەتتە ىنتىماقتى زەينەتاقىنىڭ مولشەرى بىرتىندەپ تومەندەيدى. ويتكەنى، ونى تاعايىنداۋ بارىسىندا تەك 1998 جىلدىڭ 1 قاڭتارىنا، ياعني جيناقتاۋشى جۇيە ەنگىزىلگەنگە دەيىنگى ەڭبەك ءوتىلى ەسەپكە الىنادى. ىنتىماقتى زەينەتاقىنىڭ تومەندەيتىن مولشەرى مىندەتتى زەينەتاقى جارناسىن اۋدارۋ كەزەڭىنىڭ ارتۋى ەسەبىنەن زەينەتاقىنىڭ جيناقتاۋشى بولىگىنىڭ ارتۋى ەسەبىنەن وتەلۋى ءتيىس»، دەدى اسقار مامين.

ونىڭ ايتۋىنشا، بازالىق زەينەتاقى زەينەت جاسىنا جەتكەن بارلىق تۇلعاعا زەينەتاقى جۇيەسىنە قاتىسۋ وتىلىنە بايلانىستى ەڭ تومەنگى كۇنكورىستىڭ 54-تەن 100 پايىزىنا دەيىنگى مولشەرىندە بەرىلەدى. ۇزاق جۇمىس ىستەگەن سايىن بازالىق زەينەتاقى مولشەرى دە جوعارى بولماق. زەينەتكەرلىككە ەرتە شىعۋ زەينەتاقى جارنالارىن اۋدارۋ كەزەڭىنىڭ ۇزاق بولماۋىنا بايلانىستى قارتايعاندا جەتكىلىكتى زەينەتاقى تولەمىن الۋ ءۇشىن زەينەتاقى جيناعىنىڭ جەتكىلىكتى كولەمىن جيناۋعا مۇمكىندىك بەرمەيدى. سونىمەن قاتار بۇل بازالىق زەينەتاقىنىڭ دا مولشەرىنە اسەر ەتەدى.



سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار