ولاردىڭ 15,4 مىڭنان استامى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتىك باعدارلاماسى شەڭبەرىندە جۇمىسقا ورنالاستىرىلدى, ونىڭ ىشىندە 7,2 مىڭى تۇراقتى جۇمىس ورىندارىنا, ال قالعاندارى الەۋمەتتىك جۇمىس ورىندارىنا, جاستار پراكتيكاسىنا جانە قوعامدىق جۇمىستارعا ورنالاستىرىلدى. بۇدان باسقا, 1,5 مىڭعا جۋىق ادام ميكروكرەديتتەر مەن گرانتتار الدى, ونىڭ ىشىندە «باستاۋ بيزنەس» جوباسى اياسىندا.
سونداي-اق, 2,2 مىڭ مۇگەدەكتىگى بار ادام جۇمىسپەن قامتۋدىڭ 2020-2021 جىلدارعا ارنالعان جول كارتاسى شەڭبەرىندە جۇمىسقا ورنالاستىرىلدى.
مۇگەدەكتىگى بار ادامدار ءۇشىن جۇمىس ورىندارىن كۆوتالاۋ قاعيدالارىنا سايكەس 2020 جىلى جۇمىس بەرۋشىلەر مۇگەدەكتىگى بار 6,4 مىڭ ادامدى جۇمىسقا قابىلدادى.
حالىقارالىق تاجىريبەنى ەسكەرە وتىرىپ, مۇگەدەكتىگى بار ادامداردى جۇمىسقا ورنالاستىرۋ ءۇشىن ارنايى جۇمىس ورنىن جاراقتاندىرۋعا بايلانىستى جۇمىس بەرۋشىلەردىڭ شىعىندارىن سۋبسيديالاۋ ءتارتىبى ەنگىزىلدى, ول بويىنشا وتكەن جىلى كورۋ, ەستۋ جانە تىرەك-قيمىل اپپاراتى بۇزىلعان ادامدار ءۇشىن 31 ارنايى جۇمىس ورنى قۇرىلدى.
