سپورت • 24 اقپان، 2021

تەننيسشى پۋتينتسەۆا ادەلايدا ءتۋرنيرىنىڭ ەكىنشى اينالىمىنا شىقتى

9 رەت كورسەتىلدى

قازاقستاندىق، الەمنىڭ 28-راكەتكاسى يۋليا پۋتينتسەۆا ادەلايدا ءتۋرنيرىنىڭ ەكىنشى اينالىمىنا شىقتى، دەپ حابارلايدى Egemen.kz ۇلتتىق وليمپيادا كوميتەتىنىڭ سايتىنا سىلتەمە جاساپ.

وسى جارىستىڭ 7-راكەتكاسى بولىپ تىركەلگەن قازاقستاندىق تەننيسشى العاشقى اينالىمدا دۇنيەجۇزىلىك رەيتينگتە 54-ورىندا تۇرعان گەرمانيالىق لاۋرا زيگەمۋندپەن كەزدەستى.

ءبىرىنشى پارتيادا يۋ. پۋتينتسەۆا برەيك جاساپ، جەڭىسكە جەتە الدى. ەسەپ 6:4 بولدى. ەكىنشى سەتتە ەسەپ 2:1 بولعان مەزەتتە قازاقستاندىق تەننيسشى برەيككە قول جەتكىزدى. الايدا ل. زيگەمۋند سول بويدا قارىمتا قايىرىپ، تارازى باسىن تەڭەستىردى – 3:3.

دەگەنمەن يۋ. پۋتينتسەۆا ماتچتى تاعى ءبىر برەيكپەن ءبىتىردى – 6:4. ءبىرشاما تارتىستى وتكەن باسەكە 1 ساعات 49 مينۋتقا سوزىلدى. يۋليا شيرەك فينالعا شىعۋ ءۇشىن رەيتينگتە 292-ساتىداعى اۋستراليالىق ستورم سەندەرسپەن تالاسادى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار