*الماتى قالاسىنداعى 32 تۇرعىن ءۇيدىڭ جارامسىز ليفتىلەرى اۋىستىرىلادى. ول ءۇشىن رەسپۋبليكالىق بيۋدجەتتەن 312 ملن. 500 مىڭ تەڭگە بولىنگەن. وسى شاھاردا نەگىزىنەن 4 مىڭعا جۋىق ءليفتى جۇمىس ىستەيدى. سونىڭ ەڭ ەسكىلەرى بۇدان 35 جىل بۇرىن ورناتىلعان. پيك قىزمەتكەرلەرى قازىر تۇرعىندارمەن كەلىسىمشارتقا وتىرىپ, اتقارىلاتىن جۇمىستى پىسىقتاۋ ۇستىندە.
*الماتى قالاسىنداعى 32 تۇرعىن ءۇيدىڭ جارامسىز ليفتىلەرى اۋىستىرىلادى. ول ءۇشىن رەسپۋبليكالىق بيۋدجەتتەن 312 ملن. 500 مىڭ تەڭگە بولىنگەن. وسى شاھاردا نەگىزىنەن 4 مىڭعا جۋىق ءليفتى جۇمىس ىستەيدى. سونىڭ ەڭ ەسكىلەرى بۇدان 35 جىل بۇرىن ورناتىلعان. پيك قىزمەتكەرلەرى قازىر تۇرعىندارمەن كەلىسىمشارتقا وتىرىپ, اتقارىلاتىن جۇمىستى پىسىقتاۋ ۇستىندە.
*«بولاشاق» باعدارلاماسىنا جاڭا ساناتتار ەنگىزىلدى. وسىنىڭ نەگىزىندە بۇقارالىق اقپارات وكىلدەرى مەن مادەنيەت سالاسىنىڭ قىزمەتكەرلەرىنە ماگيستر اتانۋعا مۇمكىندىك جاسالدى. قازىرگى كەزدە ءبىزدىڭ جاستار بۇل باعدارلاما بويىنشا الەمنىڭ 33 ەلىندە ءبىلىم الۋدا.
*قاشاعان كەن ورنىندا مۇناي ءوندىرۋدى جاڭعىرتۋ ماسەلەسى كەلەر جىلدىڭ قاڭتار ايى ورتاسىنا قاراي شەشىلەدى. وسى جۇمىستى جۇيەلى جۇرگىزۋ ءۇشىن «سامۇرىق-قازىنا» ۇلتتىق ءال-اۋقات قورى» اق «نورت كاسپيان وپەرەيتينگ كومپاني» وكىلدەرىمەن كەلىسسوزدەر جۇرگىزۋدە.
*2014 جىلى «الماتى–تاشكەنت» حالىقارالىق جۇردەك پويىزى جولعا شىعادى. بۇدان بولەك, «استانا–زاششيتا», «الماتى–زاششيتا», «الماتى–تاشكەنت» جانە «الماتى–اقتوبە» جۇردەك پويىزدارىن قاتارعا قوسۋ مىندەتى تۇر. كولىك جانە كوممۋنيكاتسيا ءمينيسترى اسقار جۇماعاليەۆتىڭ مالىمدەۋىنشە, جىل سايىن ولاردىڭ سانى كوبەيتىلىپ وتىرادى.
*جوعارى دالدىكتەگى سپۋتنيكتىك ناۆيگاتسيا جۇيەسىنىڭ جەر ءۇستى ينفراقۇرىلىمىنىڭ ءبىرىنشى نىسانى اقتاۋ ايلاعىندا ىسكە قوسىلدى. بۇل قۇرىلعى ماماندار تاراپىنان وڭ باعالانىپ وتىر. ويتكەنى, ول كاسپي تەڭىزىنىڭ قازاقستاندىق سەكتورىنا عىلىمي-ىزدەستىرۋ جۇمىسىن جۇرگىزۋگە مۇمكىندىك بەرەدى.
*اقتوبە وبلىسىندا الداعى مەرزىمدە «قولجەتىمدى باسپانا-2020» باعدارلاماسى بويىنشا 100 مىڭ شارشى مەتر تۇرعىن ءۇي سالىنادى. سونداي-اق, بيىل 607 تۇرعىنعا پاتەر كىلتى تابىس ەتىلەدى. بۇل باعدارلاما جەرگىلىكتى وڭىردە وتكەن جىلدان باستاپ قولعا الىنعان.
*كەلەر جىلى «باتىس ەۋروپا–باتىس قىتاي» حالىقارالىق كولىك ءدالىزىنىڭ 180 شاقىرىمى پايدالانۋعا بەرىلەدى. 2015 جىلى ونى تولىق ىسكە قوسۋ جوسپارلانعان. جالپى, بيىل بۇل باعىت بويىنشا وبلىستار اۋماقتارىندا 1853 شاقىرىم جولعا جوندەۋ جۇمىستارى جۇرگىزىلگەن.
*قىزىلوردا قالاسىندا الداعى جىلى جاڭا اۆتوبۋس پاركى سالىنادى. سونىمەن بىرگە, 20 اۆتوبۋس ساتىپ الۋ كوزدەلۋدە. وسى ىستەردىڭ تياناقتى اتقارىلۋىنا 27 ملن. دوللار بولىنگەن.
«قازاقپارات», Egemen.kz حابارلارى بويىنشا دايىندالدى.
