ءماجىلىس توراعاسى نۇرلان نىعماتۋلين بەلارۋس رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى اناتولي نيچكاسوۆتى قابىلدادى, دەپ حابارلادى وسى پالاتانىڭ ءباسپاسوز قىزمەتى.
ءماجىلىس توراعاسى نۇرلان نىعماتۋلين بەلارۋس رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى اناتولي نيچكاسوۆتى قابىلدادى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋ بارىسىندا تاراپتار ىنتىماقتاستىقتىڭ اۋقىمدى ماسەلەلەرىن تالقىلاي كەلىپ, قازاقستان مەن بەلارۋس, اسىرەسە, كەدەن وداعى اياسىندا ەتەنە ىنتىماق ورناتقان سەنىمدى ساياسي جانە ەكونوميكالىق ءارىپتەس ەلدەر ەكەنىن ءسوز ەتتى. سۇحباتتاستاردىڭ پىكىرىنشە, ەكى مەملەكەت پرەزيدەنتتەرى نۇرسۇلتان نازارباەۆ پەن الەكساندر لۋكاشەنكونىڭ ماڭىزدى كەزدەسۋلەرى ەكىجاقتى بايلانىستاردى ودان ءارى نىعايتۋعا ايرىقشا ىقپال ەتەدى.
ءماجىلىس قىزمەتىنە توقتالعان ن.نىعماتۋلين ەلباسىنىڭ «قازاقستان-2050» ستراتەگياسىن, سونداي-اق, ەكى ەل پرەزيدەنتتەرىنىڭ ينتەگراتسيالىق ۇدەرىستەر مەن ستراتەگيالىق كەلىسىمدەرىن زاڭنامالىق قامتاماسىز ەتۋ جۇمىستارىنا باسا نازار اۋداردى.
ا.نيچكاسوۆ قازاقستان پرەزيدەنتىنىڭ ەۋرازيالىق ەكونوميكالىق وداق قۇرۋ جونىندەگى اۋقىمدى باستاماسى بارلىق ينتەگراتسيالىق ۇدەرىستەردىڭ دامۋىنا سەرپىن بەرەتىنىن جانە قازاقستاننىڭ بارلىق سالادا قارقىندى دامىپ كەلە جاتقانىن, ال ەلباسىنىڭ G-Global سياقتى, باسقا دا ءىرى جوبالارىنىڭ حالىقارالىق جوعارى بەدەلگە يە ەكەنىن تىلگە تيەك ەتتى.
ءوز كەزەگىندە ءماجىلىس سپيكەرى ەلشىنى بەلورۋسسيانىڭ 2013 جىلى تمد-عا تابىستى توراعالىق ەتۋىمەن قۇتتىقتادى.
جۇزدەسۋدە قازاقستان مەن بەلارۋس اراسىنداعى پارلامەنتارالىق ءوزارا ءىس-قيمىلدى ەكىجاقتى دەڭگەيدە جانە تمد, ەۋرازەق, ۇقشۇ پارلامەنتارالىق اسسامبلەيالارى اياسىندا ودان ءارى نىعايتۋعا ءجىتى كوڭىل ءبولىندى.
