ىشكى ىستەر ءمينيسترى ەرلان تۇرعىمباەۆ 2021 جىلدى قۇقىق بۇزۋشىلىقتاردىڭ الدىن الۋ جانە «قادامدىق قولجەتىمدىلىكتەگى پوليتسيا» قاعيداتىن جۇزەگە اسىرۋ جىلى دەپ جاريالادى. شىمكەنتتە قابىلدانىپ جاتقان جەدەل الدىن الۋ شارالارى قوعامدىق ورىنداردا جاسالعان قىلمىستاردى تومەندەتۋگە ىقپال ەتۋدە.
ماسەلەن, جەدەل باسقارۋ ورتىلىعى بەينەباقىلاۋ توبىنىڭ ينسپەكتولارىمەن 15-21 اقپان ارالىعىندا سىرتقى بەينەكامەرالارى ارقىلى جەتى قىلمىس اشىلدى. ولار: ۇرلىق – ءۇش, بۇزاقىلىق – ءۇش, باسقا دا ء–بىر. بەينەباقىلاۋ كامەرالارى زاڭ بۇزۋشىلىقتىڭ الدىن-الۋعا, قىلمىستىڭ ءىزىن سۋىتپاي اشىلۋىنا ۇلكەن كومەگىن تيگىزۋدە. ال 102 ارناسىنا ءار ءتۇرلى سيپاتتاعى 6294 قوڭىراۋ شالىندى. ونىڭ 2 648-ءى تىركەۋگە الىنىپ, قازىرگى تاڭدا تەرگەۋ امالدارى جۇرگىزىلۋدە.
سونداي-اق, نولدىك توزىمدىلىك قاعيداسى جانە اكىمشىلىك قۇقىق بۇزۋشىلىق بويىنشا 923 جايت انىقتالىپ, حاتتامالار تولتىرىلدى.
ونىڭ ىشىندە: قر اقبتك-ءنىڭ 434-بابى (قوعامدىق ورىنداردا قوقىس تاستاۋ) بويىنشا – ون ءبىر جايت; قر اقبتك-ءنىڭ 440-بابى (قوعامدىق ورىنداردا ماس حالدە ءجۇرۋ) بويىنشا – 24; قر اقبتك-ءنىڭ 449-بابى (قوعامدىق ورىنداردا قايىرشىلىق جاساۋ) بويىنشا – 20, جول ەرەجەسىن بۇزعاندار – 768 , ودان باسقا دا 100 جايت انىقتالدى.
