پاريجدەگى ەكونوميكالىق ىنتىماقتاستىق جانە دامۋ ۇيىمىنىڭ شتاب-پاتەرىندە قازاقستان رەسپۋبليكاسىنىڭ سالىق ماسەلەلەرى جونىندەگى ءوزارا اكىمشىلىك جاردەم كورسەتۋ كونۆەنتسياسىنا قوسىلۋ تۋرالى اكتىگە قول قويۋ ءراسىمى ءوتتى.
پاريجدەگى ەكونوميكالىق ىنتىماقتاستىق جانە دامۋ ۇيىمىنىڭ شتاب-پاتەرىندە قازاقستان رەسپۋبليكاسىنىڭ سالىق ماسەلەلەرى جونىندەگى ءوزارا اكىمشىلىك جاردەم كورسەتۋ كونۆەنتسياسىنا قوسىلۋ تۋرالى اكتىگە قول قويۋ ءراسىمى ءوتتى.
ەلىمىزدىڭ ۇكىمەتى اتىنان قۇجاتقا قازاقستاننىڭ فرانتسياداعى توتەنشە جانە وكىلەتتى ەلشىسى نۇرلان دانەنوۆ قول قويدى.
قازىرگى ۋاقىتتا اتالعان كونۆەنتسياعا 63 مەملەكەت قوسىلعان. ونىڭ نەگىزگى ماقساتى حالىقارالىق دەڭگەيدە سالىقتان جالتارۋعا قارسى كۇرەسۋ بولىپ تابىلادى. مۇشە مەملەكەتتەر ءبىر-بىرىنە اقپاراتپەن الماسۋ, سالىق باقىلاۋىن وتكىزۋ, سونداي-اق, سالىقتىق قارىزداردى قايتارۋ جانە ت.ب شارالار ارقىلى ءوزارا قولعابىس كورسەتىپ وتىرادى.
بەلگىلەنگەن تارتىپكە سايكەس, كونۆەنتسيا ماقۇلداۋدان وتكەننەن كەيىن ءۇش اي مەرزىم ىشىندە كۇشىنە ەنەدى. بۇل ەلىمىزدە جانە باسقا دا مەملەكەتتەردە قازاقستاندىق جەكە جانە زاڭدى تۇلعالارعا سالىقتىق باقىلاۋدى جۇيەلەندىرۋگە مۇمكىندىك بەرەدى, دەپ حابارلادى قر ءسىم-ءىنىڭ ءباسپاسوز قىزمەتى.
