ايماقتار • 23 اقپان، 2021

الماتى اكىمى توعىز قاباتتى جاتاقحانانىڭ قۇرىلىسىن توقتاتتى

106 رەت كورسەتىلدى

الماتى اكىمى باقىتجان ساعىنتاەۆ قالا تۇرعىنداردىڭ شاعىمىنان كەيىن توعىز قاباتتى جاتاقحانانىڭ قۇرىلىسىن توقتاتۋ تۋرالى شەشىم قابىلدادى، دەپ حابارلايدى Egemen.kz

الماتى قالاسىنىڭ اۋەزوۆ اۋدانىنداعى «التىن بەسىك» ىقشاماۋدانىنىڭ تۇرعىندارى 17 اقپاندا وتكەن اكىمنىڭ ەسەپتىك كەزدەسۋىندە جاتاقحانا سالۋ جوسپارىن قايتا قاراۋ تۋرالى ءوتىنىش ايتىپ، قۇرىلىس الاڭىنا شاقىرعان بولاتىن.

«اتالعان جەرگە بارىپ، الماتى تەحنولوگيالىق ۋنيۆەرسيتەتىنىڭ ستۋدەنتتەرىنە ارنالعان جاتاقحانا عيماراتىنا جەر تەلىمىن بەرۋ تۋرالى قاۋلىنىڭ كۇشىن جويۋ تۋرالى شەشىم قابىلدادىم. جۋىردا ستۋدەنتتىك ءۇي ءۇشىن باسقا قولايلى جەر قاراستىرامىز»، دەپ جازدى Instagram-داعى پاراقشاسىندا ب.ساعىنتاەۆ.

قالا اكىمى ەندى بۇل جەرگە 120 ورىندىق بالاباقشا، سپورت جانە ۆوركاۋت الاڭدارى سالىناتىنىن جەتكىزدى.

«اتا-انالار بالالارعا ارنالعان قوسىمشا وقىتۋ مەن دامىتۋ ورتالىقتارىن قۇرۋ قاجەتتىگىن ايتتى. بۇل رەتتە «شىڭعا ورلەۋ» الەۋمەتتىك كلۋبتارىنىڭ تاجىريبەسى نەگىزىندە تەگىن ۇيىرمەلەر مەن سپورت سەكتسيالارىن اشامىز»، دەپ اتاپ ءوتتى الماتى اكىمى.

اۋەزوۆ اۋدانىنا جۇمىس ساپارى بارىسىندا قالا اكىمى ىقشاماۋداننىڭ قۇرىلىس سالۋعا تىيىم سالىنعان ايماقتاردا ورنالاسقان بوس جەرلەرىن دە قاراپ شىقتى. مۇندا جايلى جاسىل قوعامدىق ورىنداردى قۇرۋ جوسپارلانىپ وتىر.

بۇعان دەيىن حابارلاعانىمىزداي، ن.نازارباەۆ داڭعىلىندا تۇراتىن تۇرعىنداردىڭ وتىنىشتەرى بويىنشا ب.ساعىنتاەۆتىڭ شەشىمىمەن تۇرعىن ءۇي كەشەنىنىڭ قۇرىلىسى توقتاتىلعان ەدى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار