مۇحامەدجان تىنىشپاەۆ اتىنداعى اقتوبە كولىك جانە كوممۋنيكاتسيا كوللەدجىندە «انا – وتباسىنىڭ التىن دىڭگەگى» اتتى جاس انالار بايقاۋى وتكىزىلدى.
مۇحامەدجان تىنىشپاەۆ اتىنداعى اقتوبە كولىك جانە كوممۋنيكاتسيا كوللەدجىندە «انا – وتباسىنىڭ التىن دىڭگەگى» اتتى جاس انالار بايقاۋى وتكىزىلدى. بايقاۋدى اقتوبە قالالىق ىشكى ساياسات ءبولىمىنىڭ تاپسىرىسىمەن «كونتاكت» زەرتتەۋلەر مەن جوبالار ورتالىعى ۇيىمداستىردى. شارانىڭ ماقساتى وتباسىنىڭ تاتۋلىعى مەن بىرلىگىن ساقتاي بىلەتىن جاس انالاردى ۇلگى تۇتۋ, ۇلتتىق سالت-ءداستۇردى, ادەت-عۇرىپتى ناسيحاتتاۋ بولىپ تابىلادى.
بۇعان دەيىن دە بۇل ورتالىق وتباسى قۇندىلىعىن ارتتىرۋعا باعىتتالعان شارالاردى ءجيى ۇيىمداستىرىپ كەلگەن ەكەن. ءاسىرەسە, ولاردىڭ ىشىنەن «جاس وتاۋ» بايقاۋىن ايرىقشا اتاۋعا بولادى. بيىل بۇل بايقاۋعا ءسال وزگەرىستەر ەنگىزىلىپ, وعان ءبىر جانە ودان دا كوپبالالى جاس انالاردى قاتىستىرۋ تالابى قويىلعان. تىلەك بىلدىرۋشىلەردىڭ اراسىنان ون جاس انا عانا بايقاۋعا قاتىسۋعا جولداما العان.
قاتىسۋشىلار بەس شارت بويىنشا سىنعا ءتۇستى. «تانىستىرۋ» شارتى بويىنشا قاتىسۋشىلار وتباسىمەن بىرگە تۇسكەن قىزىقتى سۋرەتتەردى ۇسىنىپ, ءان جانە ولەڭ ارقىلى ءوزىن تانىستىردى. «اتا ءداستۇر – اسىل قازىنامىز» اتتى شارت بويىنشا جاس انالار سالت-ءداستۇر بويىنشا ساحنالىق كورىنىس قويسا, «وتباسىما جايعان داستارقان» شارتىندا ءتۇرلى تاعام ازىرلەدى. جاس انالار بايقاۋى قىزعىلىقتى دا تارتىستى ءوتتى.
بايقاۋ قورىتىندىسىندا اقتوبە پوليتەحنيكالىق كوللەدجىنىڭ وقىتۋشىسى ماحاببات تولەنعاليەۆا ءبىرىنشى ورىندى يەلەندى. ەكىنشى ورىن مۇحامەدجان تىنىشپاەۆ اتىنداعى اقتوبە كولىك جانە كوممۋنيكاتسيا كوللەدجىنىڭ وقىتۋشىسى گۇلباقىت جانداربەكوۆاعا بەرىلدى, ال ءاليا مولداعۇلوۆا اتىنداعى اقتوبە گۋمانيتارلىق كوللەدجىنىڭ وقىتۋشىسى نۇرگۇل بيجانعا ءۇشىنشى ورىن بۇيىردى.
جەڭىمپازدارعا ارنايى ديپلومدار مەن باعالى سىيلىقتار تاپسىرىلدى.
ساتىبالدى ءساۋىرباي,
«ەگەمەن قازاقستان».
اقتوبە.
