بۇكىل عىلىمي ەڭبەك جولىن قازاق ءتىلى بىلىمىنە سارپ ەتكەن كورنەكتى عالىم, مەملەكەتتىك سىيلىقتىڭ لاۋرەاتى, فيلولوگيا عىلىمدارىنىڭ دوكتورى, پروفەسسور اسەت بولعانباەۆتىڭ تۋعانىنا 85 جىل تولۋىنا ارنالىپ اكادەميك ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە «ءتىل تانۋداعى ءىرى تۇلعا» اتتى رەسپۋبليكالىق عىلىمي-تاجىريبەلىك كونفەرەنتسيا ءوتتى.
بۇكىل عىلىمي ەڭبەك جولىن قازاق ءتىلى بىلىمىنە سارپ ەتكەن كورنەكتى عالىم, مەملەكەتتىك سىيلىقتىڭ لاۋرەاتى, فيلولوگيا عىلىمدارىنىڭ دوكتورى, پروفەسسور اسەت بولعانباەۆتىڭ تۋعانىنا 85 جىل تولۋىنا ارنالىپ اكادەميك ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە «ءتىل تانۋداعى ءىرى تۇلعا» اتتى رەسپۋبليكالىق عىلىمي-تاجىريبەلىك كونفەرەنتسيا ءوتتى. بىلىكتى لينگۆيست تۇرعىسىندا ەلىمىزدەن دە سىرتقارى جەرلەرگە تانىمال بولعان ءتىلىمىزدىڭ قايسار قايراتكەرى قازاق لەكسيكوگرافياسىنا ايتۋلى ۇلەس قوسۋىمەن ەرەكشەلەنەدى. وسى ءىلىم سالاسىنداعى العاشقى زەرتتەۋلەرى تۇراقتى ىزدەنىسكە ۇلاسىپ, عىلىمي ەڭبەكتەرى تولىقتىرىلىپ, جيناقتالىپ 1962, 1975 جانە 1998 جىلدارى «قازاق ءتىلىنىڭ سينونيمدەر سوزدىگى» دەگەن اتپەن جارىق كوردى. العاشقى نۇسقاسىندا 4 مىڭ ءسوز بولسا, سوڭعىسىندا 9 مىڭ ءسوز قامتىلىپ, سينونيمدىك قاتارعا ورتاق سيپاتتاما بەرىلدى. انا ءتىلىمىزدىڭ ءسوز بايلىعىنىڭ ناقتى ايعاعى رەتىندە بۇل ەڭبەكتەر قۇندى مۇرا سانالادى.
ءا.بولعانباەۆ, سونىمەن بىرگە, قازاق ءتىلىنىڭ تۇڭعىش تۇسىندىرمە سوزدىكتەرىن 2, ودان سوڭ 10 توم ەتىپ شىعارۋعا قاتىسقان بەدەلدى اۆتورلاردىڭ ءبىرى بولۋىمەن بەلگىلى. ول, سونداي-اق, 12 تومدىق «قازاق سوۆەت ەنتسيكلوپەدياسى», قىسقاشا 5 تومدىق «قازاق كسر ەنتسيكلوپەدياسى», 1 تومدىق «قازاق ءتىلى ەنتسيكلوپەدياسى» ءتارىزدى بەلدى باسىلىمدارداعى سوزدىك ۇيالارىن جاساۋعا سۇبەلى ۇلەس قوستى.
اتالعان كونفەرەنتسياعا قاتىسۋشىلار الدىندا عالىمنىڭ ءتىل عىلىمىنداعى وسىندايلىق سان قىرلى ەڭبەگى جان-جاقتى زەردەلەنىپ, ورتاعا سالىندى. بۇل تۋرالى فيلولوگيا عىلىمدارىنىڭ دوكتورلارى الماگۇل ءادىلوۆا, شولپان توقسانباەۆا, شاپاعات جالماحانوۆ, بەرىك راحيموۆ جانە باسقالارى باياندامالارىندا كەڭىنەن ءسوز قوزعادى. سەكتسيالىق ماجىلىستەردە ايماق مەكتەپتەرى مۇعالىمدەرى مەن ءتىل بىلىمىنە تالاپكەر وقۋشىلار دا عالىم ەڭبەكتەرىنە توقتالىپ, قۇندىلىعىن جويمايتىن عىلىمي نەگىزدەرىن تالداپ, اتاپ كورسەتتى. «تىلدەردى وقىتۋدىڭ ينتەنسيۆتىك-ينتەراكتيۆتىك تەحنولوگيالارى» شەبەرلىك ساباعى كونفەرەنتسيا ءمانىن ارتتىردى.
قاراعاندى وڭىرىندەگى اقتوعاي اۋدانىنان قاناتتانىپ, ۇلكەن عالىم اتانعان ازامات ەسىمى تۋعان توپىراعىنا قاستەرلى. ءۇشارال اۋىلىنداعى نەگىزگى مەكتەپ اسەت بولعانباەۆ اتىمەن اتالادى. اقتوعاي اۋدانىنىڭ قۇرمەتتى ازاماتى اتاعى بەرىلگەن.
انا ءتىلىمىزدىڭ ءار ءسوزىن قىزعىش قۇسشا قورعاعان عالىمنىڭ ەڭبەكتەرى ۇمىتىلماۋىن, ۇلتتىق مۇرامىزعا قاسيەتتى ءىستى العا اپارۋشى شاكىرتتەرى از ەمەستىگى وسىناۋ القالى جيىندا تاعى ءبىر تانىلدى.
ايقىن نەسىپباي,
«ەگەمەن قازاقستان».
قاراعاندى.
