«قور اتىنان قازا تاپقان بالالاردىڭ اتا-اناسى مەن جاقىندارىنا كوڭىل ايتامىز. بۇل بالالاردىڭ اتا-اناسىنا دا, ءبارىمىز ءۇشىن دە ورنى تولماس قايعى. ابدىمالىكوۆتەر وتباسىنىڭ قايعىسىنا ورتاقتاسا وتىرىپ, ءبىز ماتەريالدىق كومەك كورسەتۋگە شەشىم قابىلدادىق», - دەپ اتاپ ءوتتى قور توراعاسى رۋسلان ساكەەۆ.
ەستەرىڭىزگە سالا كەتەيىك, «Birgemiz» قورى وتكەن جىلدىڭ ناۋرىز ايىندا ەلباسى, «Nur Otan» پارتياسىنىڭ ليدەرى نۇرسۇلتان نازارباەۆتىڭ باستاماسىمەن كوروناۆيرۋسپەن كۇرەس جاعدايىندا حالىقتىڭ الەۋمەتتىك وسال توپتارىن قولداۋ ءۇشىن قۇرىلعان بولاتىن. قور جۇمىسى بارىسىندا 655 مىڭنان استام مۇقتاج وتباسىعا (2,2 ملن ادام), 2 مىڭنان استام مەديتسينا قىزمەتكەرىنە بىرجولعى تولەم تۇرىندە كومەك كورسەتىلدى. حالىقتىڭ قورعالماعان توبىنا جاتاتىن 100 مىڭ وتباسىنا 5 ملن مەديتسينالىق ماسكا تەگىن تاراتىلدى.
سونداي-اق, قور قاراجاتىنا تۇركىستان وبلىسىنىڭ ماقتاارال اۋدانىندا سۋ تاسقىنىنان زارداپ شەككەندەرگە ارناپ 32 ءۇي سالىندى.
