اپامىز تىلدا ەڭبەك ەتىپ, سوعىستان كەيىنگى جىلدارى ەلدىڭ دامۋىنا حالىقپەن بىرگە ۇلەس قوستى. وبلىستاعى ستالين جانە سۇلۋتوبە كانالدارىن قازۋ جۇمىستارىنا بەلسەنە اتسالىستى.
قانداي جۇمىستا بولماسىن جانىن سالىپ, ەل يگىلىگى جولىندا ايانبادى. ەگىن شارۋاشىلىعىنىندا دا ەڭبەك ەتىپ, ماساق تەردى.
اتقارىلعان جۇمىس, توگىلگەن ماڭداي تەرى ەلەنىپ, 1958 جىلى III دارەجەلى «انا داڭقى» وردەنىمەن, 1964 جىلى II دارەجەلى «انا داڭقى» وردەنىمەن ماراپاتتالدى.
ابدىشۇكىر ەسەنگەلديەۆپەن وتاۋ قۇرىپ, كوپكە ونەگە كورسەتكەن ۇلگىلى وتباسىنا اينالدى.
سونىمەن قاتار, كسرو جوعارعى كەڭەسى پرەزيدۋىمىنىڭ «باتىر انا» وردەنىنە يە بولدى.
ارداقتى انا ۇل-قىزدارىنا جاقسى تاربيە بەردى. سونىڭ ناتيجەسىندە بۇگىندە ەسەنگەلديەۆتەر وتباسى كوپكە ۇلگى.
ال, ومىرلىك جولداسى ابدىشۇكىر ەسەنگەلديەۆتىڭ ورنى وسى وتباسىندا ەرەكشە. ارقا سۇيەر اكە, ابزال جان بولا ءبىلدى.
ول ەڭبەك جولىندا ۇلكەن جەتىستىكتەرگە جەتكەن ازامات. اۋىلداعى شارۋاشىلىقتىڭ دامۋىنا ارالاسىپ, ەگىن جۇمىستارىن كەمەلىنە كەلتىرىپ ورىندادى.
وتباسىنان شىققان ءار بالا جۇمىس ىستەپ جاتقان سالادا تابىستارعا جەتكەن كاسىبي ماماندار.
قىزى ۇلكەن قىزى امانگۇل كۇرىش زاۋىتىندا لابورانت بولسا, ودان كەيىنگى قىزى ۇمىتكۇل قازالى اۋدانىنىڭ ءوسىپ-وركەندەۋىنە وزىندىك ۇلەس قوسقان, قازىرگى قۇرمەتتى زەينەتكەر. ەسەنگەلديەۆا اقبالتاش ءوسىپ-ونگەن اۋىلىن دامىتىپ, جۇمىسشى بولعان. ۇلى مەرگەنتاي ەسەنگەلديەۆ كيروۆ سوۆحوزىندا بريگادير, مال تۇقىمىن اسىلداندرۋ زووتەحنيك مامانى, باس زووتەحنيك قىزمەتتەرىن ابىرويمەن اتقارعان. ۇلى اقبولداش ەسەنگەلديەۆ پەن قىزى كۇلاش ەسەنگەلديەۆا ونەردى سەرىك ەتىپ, قىزىلوردا قالاسىنداعى تىگىن فابريكاسىندا قىزمەتتەر اتقارىپ, قازىردە قۇرمەتتى زەينەتكەرلىككە شىقتى. ۇلى ەرگەن دە تۋعان جەردىڭ دامۋىنا بارىنشا اتسالىسىپ, اۋىلدىڭ كوركەيتۋ جولىندا ەڭبەك ەتسە, قىزى كۇلان ەسەنگەلديەۆا اق حالاتتى ابزال جان اتانىپ, ەلىنە ەلەۋلى, حالقىنا قالاۋلى بولىپ, دەنساۋلىق ساقتاۋ سالاسىندا ايانباي ەڭبەك ەتىپ, قۇرمەتتى زەينەتكەرلىككە شىقتى. قىزى كۇنىماي ەسەنگەلديەۆا وبلىستاعى تىگىن فابريكاسىندا جۇمىس ىستەپ, قازىرگى ۋاقىتتا وبلىستىق مەديتسينالىق قالپىنا كەلتىرۋ ورتالىعىندا قىزمەت اتقارۋدا.
ۇلى ماقسۋت ەسەنگەلديەۆ تۋعان ولكەسىندەگى ءبىلىم بەرۋ وشاعىندا جۇمىس ىستەپ, 30 جىلدان اسا ۇستازدىق جولدا ءجۇرىپ, مارتەبەلى مۇعالىم اتاندى. قازىرگى تاڭدا مەكتەپ ديرەكتورى, ديرەكتور ورىنباسارى قىزمەتتەرىن اتقارىپ كەلەدى.
ۇلى ماحمۇد ەسەنگەلديەۆ بولسا, اۋىلدى, اۋداننىڭ دامۋىنا اعان ەمەس, تۇتاس ءبىر وبلىستىڭ وركەندەۋىنە سۇبەلى ۇلەس قوسۋدا. دارىگەر دەگەن ۇلى ماماندىقتىڭ يەگەرى اتانىپ, سونىمەن قوسا كاسىپكەرلىك قىزمەتتتى دە قوسا اتقارۋدا.
ءجاميلا ميزامقۇلقىزىنىڭ ۇل-قىزدارىنان تاراعان بالالارى دا ەلىمىزدىڭ قارقىندى دامۋىنا ايتارلىقتاي ۇلەس قوسىپ, وزدەرىنىڭ ەڭبەك سالاسىندا تابىستى قىزمەت اتقارىپ كەلەدى.
ءجاميلا اپامىزدىڭ زامانداستارىنىڭ ايتۋىنشا, كوپ جاعدايدا اپامىزدىڭ پىكىرى ەرەكشە بولعان, ءارى ول پىكىرىن بايىپپەن دالەلدەپ ايتقان. ونىڭ بىلىمدىلىگى مەن بىلىكتىلىگىن باعالاي بىلگەن قۇربى-قۇداستارى ونىڭ توڭىرەگىندە توپتاسىپ, اقىل-كەڭەسىنە قۇلاق تۇرگەن.
ارداقتى انا, اسىل اجە نە نارسەگە بولسا دا بايىپپەن, سابىرمەن قارايتىن. ءتوزىمدى دە بولاتىن. ەلدىڭ, وزىنەن باسقا ادامنىڭ پىكىرىنە ايرىقشا زەيىن قوياتىن. ءوزى دە كوپ ىزدەنەتىن. Cول قاسيەتى بىزگە ءاردايىم ۇلگى ەدى...
اقسۇلۋ ساڭعالي
