بقو سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى مۇحامعالي ارىسپاەۆ وڭىرلىك كوممۋنيكاتسيالار الاڭىندا وتكەن بريفينگىدە ءمالىم ەتكەندەي, مونيتورينگ توپتارى قر جانە وبلىستىڭ باس مەملەكەتتىك سانيتار دارىگەرلەرىنىڭ قاۋلىسىنا سايكەس سانيتارلىق-دەزينفەكتسيالىق رەجيم تالاپتارىن بۇزۋدىڭ جولىن كەسۋ باعىتىندا جۇمىسىن جالعاستىرۋدا. مونيتورينگ توپتارى 916 رەيد جۇرگىزىپ, 7925 نىسان قامتىلدى.
سونىڭ ناتيجەسىندە 25 نىساندا كارانتين ءتارتىبىن بۇزۋشىلىق انىقتالدى. 79 حاتتاما تولتىرىلىپ, 5 ملن 90,165 مىڭ تەڭگە ايىپپۇل سالىندى. مۇحامعالي قايىرجان ۇلىنىڭ سوزىنە قاراعاندا, 1 قاڭتار – 18 اقپان ارالىعىندا 3191 ادامنىڭ كوروناۆيرۋس جۇقتىرعانى تىركەلدى. وسى ايدا 1354 ادامنان COVID-19 انىقتالدى.
ناۋقاستارمەن قارىم-قاتىناستا بولعان 1990 ادام مەديتسينالىق باقىلاۋعا الىندى. سوڭعى اپتادا (12-18 اقپان) وتكەن اپتامەن (5-11 اقپان) سالىستىرعاندا, ىندەت جۇقتىرۋ كورسەتكىشىنىڭ 15,7 پايىزعا (552-دەن 465-كە) تومەندەگەنى بايقالادى.
سىرقاتتانعانداردىڭ 433-ءى (31,9 پايىزى) جۇمىس ىستەيتىندەر بولسا, 364-ءى (26,8 پايىزى) – زەينەتكەرلەر, 313-ءى (23,1 پايىزى) – جۇمىسسىزدار, 98-ءى (7,2 پايىزى) – وقۋشىلار, 41-ءى (3 پايىزى) – مۇعالىمدەر, 34-ءى (2,5 پايىزى) – مەديتسينا قىزمەتكەرلەرى, 26-سى (1,9 پايىزى) – ستۋدەنتتەر.
«وبلىستا وقۋ جىلى باستالعاننان بەرى مەكتەپتە ءداستۇرلى تۇردە وقيتىن 212, قاشىقتان ءبىلىم الاتىن 209, بارلىعى 421 وقۋشىدان كوۆيد تابىلدى. ءۇشىنشى توقساندا 11 قاڭتاردان باستاپ 207 وقۋشى (114-ءى ءداستۇرلى تۇردە, 93-ءى قاشىقتان ءبىلىم الادى) كوروناۆيرۋس جۇقتىردى. 12-18 اقپان ارالىعىندا قالا مەن اۋدانداردىڭ باس مەملەكەتتىك سانيتار دارىگەرلەرىنىڭ قاۋلىسىنا سايكەس 4 مەكتەپ كارانتينگە جابىلدى», دەدى م.ارىسپاەۆ.
ىندەتتىڭ تارالۋىنا توسقاۋىل قويۋ ماقساتىندا شىڭعىرلاۋ اۋدانىندا 16 اقپان – 1 ناۋرىز, جانىبەكتە 19 اقپان – 5 ناۋرىز ارالىعىندا قوسىمشا شەكتەۋ شارالارى ەنگىزىلدى. ەسكە سالا كەتەيىك, بۇدان بۇرىن باتىس قازاقستاندا 35 مۇعالىمنەن كوروناۆيرۋس انىقتالعانىن, ورالدا ءبىر كۇندە 50 ادامنان ىندەت تابىلعانىن جازعان بولاتىنبىز.
