ساياسات • 18 اقپان، 2021

Nur Otan-نىڭ 2021-2025 جىلدارعا ارنالعان جول كارتاسى بەكىتىلدى

166 رەت كورسەتىلدى

2021 جىلعى 17 اقپاندا Nur Otan پارتياسى نۇر-سۇلتان قالالىق فيليالىنىڭ ساياسي كەڭەسى بيۋروسىنىڭ وتىرىسى ءوتتى. جيىندا نۇر-سۇلتان قالاسى بويىنشا پارتيانىڭ سايلاۋالدى باعدارلاماسىن ىسكە اسىرۋدىڭ 2021-2025 جىلدارعا ارنالعان جول كارتاسى بەكىتىلدى، دەپ حابارلايدى Egemen.kz

10 نەگىزگى سىن-تەگەۋرىن انىقتالدى. بۇل قولجەتىمدى تۇرعىن-ۇيمەن قامتاماسىز ەتۋ; ۇلەستىك قۇرىلىس; الەۋمەتتىك سالا; شەت ايماقتاردى، قوعامدىق كەڭىستىكتەر مەن اۋلالاردى دامىتۋ; گازداندىرۋ; جولدار مەن قوعامدىق كولىك; نوسەر كارىزى مەن تازارتۋ قۇرىلىستارى; ەكولوگيا; قوعامدىق قاۋىپسىزدىك; شاعىن جانە ورتا بيزنەستى دامىتۋ.

Nur Otan پارتياسى ءوزىنىڭ سايلاۋالدى باعدارلاماسىندا انىقتاعانداي، تۇرعىنداردى تولعاندىراتىن اتالعان ماسەلەلەر قالا دامۋىنىڭ باسىم باعىتتارىنا ەندى.

ونىڭ باستى ماقساتى – حالىقتىڭ ءومىر ءسۇرۋ ساپاسى مەن ءال-اۋقاتىن ۇزدىكسىز جاقسارتۋ ءۇشىن جاعداي جاساۋ.

الەۋمەتتىك سالاعا، ياعني ءبىلىم بەرۋ، دەنساۋلىق ساقتاۋ جانە حالىقتى الەۋمەتتىك قورعاۋعا ۇلكەن كوڭىل بولىنەدى. الداعى بەس جىلدا 30 دارىگەرلىك امبۋلاتوريا، جاڭا كوپبەيىندى اۋرۋحانا مەن پەرزەنتحانا سالىنادى. الداعى بەس جىلدا حالىق سانىنىڭ وسۋىنە قاراماستان، ءۇش اۋىسىمدى جانە تىعىزدالعان مەكتەپتەردەن تولىق ارىلۋ جوسپارلانىپ وتىر. ول ءۇشىن 50 جاڭا مەكتەپ سالۋدى كوزدەپ وتىر. ەلوردانىڭ كوپتەگەن تۇرعىندارىن الاڭداتىپ وتىرعان وزەكتى ماسەلە – قولجەتىمدى تۇرعىن-ۇيمەن قامتاماسىز ەتۋ. بۇل ماسەلەنى شەشۋ ءۇشىن جىل سايىن 10 مىڭ پاتەر سالۋ جوسپارلانۋدا.

ەلوردامىز «شەتسىز قالا» بولۋى ءتيىس. سوندىقتان تۇرعىن ءۇي الاپتارىندا جايلى جانە تولىققاندى ءومىر ءسۇرۋ ءۇشىن 130 كم سۋمەن جابدىقتاۋ جانە سۋ بۇرۋ جەلىلەرى، 85 كم نوسەر كارىزى، ءۇش نوسەر كارىزىن تازارتۋ قۇرىلىستارى كەشەنى، ءبىر قوسالقى ستانتسيا جانە 177 كم ەلەكترمەن جابدىقتاۋ جەلىلەرى سالىنادى. 500 اۋلانى جوندەۋ جانە اباتتاندىرۋ جوسپارلانۋدا.

ساپالى جولدار مەن قوعامدىق كولىكتىڭ ۇزدىكسىز جۇمىس ىستەۋى – ەلورداداعى جايلى ءومىردىڭ ماڭىزدى قۇرامداس بولىگى ىسپەتتەس. جەلىلەردەگى اۆتوبۋستار سانى ارتادى، مارشرۋتتىق جەلى جاڭعىرتىلادى، بۇل قالا تۇرعىندارىنىڭ كوپشىلىگىنە قوعامدىق كولىك قىزمەتتەرىن پايدالانۋعا مۇمكىندىك بەرەدى. 300 مىڭ اۆتواۋەسقويعا قولايلى جاعداي جاساۋ ءۇشىن 250-دەن استام كوشەگە جوندەۋ جۇرگىزىلدى.

قازىرگى ۋاقىتتا قالادا نوسەر كارىزى جەلىلەرى مەن قۇرىلىستارىنىڭ جۇمىستارى جۇرگىزىلۋدە. بۇل جۇمىستاردىڭ اياقتالۋى – ەلورداداعى ەكولوگيالىق جاعدايدى جاقسارتادى، عيماراتتار مەن ۇيلەردى سۋ باسۋ قاۋپىن ازايتادى، قالانى تازا ەتەدى.

«پاندەميا ەكونوميكانىڭ بارلىق سالالارىنا ايتارلىقتاي اسەر ەتتى، بيزنەستى جۇرگىزۋدىڭ ءالسىز جاقتارىن بەلگىلەپ، جاڭا شىندىقتاردى ەسكەرە وتىرىپ، ءوز قىزمەتىن قايتا فورماتتاۋدى مىندەتتەدى.  100 مىڭنان استام جاڭا جۇمىس ورىندارىن قۇرۋ جوسپارلانۋدا (جىل سايىن ورتا ەسەپپەن 27 مىڭ جاڭا جۇمىس ورىندارىن اشۋ، گرانتتار، جەڭىلدەتىلگەن نەسيەلەر، سۋبسيديالار ءبولۋ جانە ت.ب.).

جاستار – ءبىزدىڭ بولاشاعىمىز. ەلوردادا شامامەن 250 مىڭ  جاستار تۇرادى. ولارعا جان-جاقتى قولداۋ كورسەتىلەدى. بۇل جۇمىس ىستەيتىن جاستارعا ارنالعان «ەلوردا جاستارى» قالالىق تۇرعىن ءۇي باعدارلاماسىن ىسكە قوسۋ، بيزنەستى دامىتۋعا، وقۋعا جانە سپورتپەن شۇعىلدانۋعا قولداۋ كورسەتۋ

– Nur Otan پارتياسىنىڭ سايلاۋالدى باعدارلاماسى بۇل ءبىزدىڭ قالامىزدىڭ 5 جىلعا ارنالعان دامۋ جوسپارى. اتالعان جوسپارلار مەن ۋادەلەردىڭ بارلىعىن ورىنداپ، قول جەتكىزەمىز، – دەدى Nur Otan پارتياسى نۇر-سۇلتان قالالىق فيليالى توراعاسىنىڭ ءبىرىنشى ورىنباسارى داۋلەت كارىبەك.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

ۇقساس جاڭالىقتار