وسىعان وراي سەنات دەپۋتاتتارى ەلىمىزدىڭ پرەمەر-مينيسترىنە احمەت بايتۇرسىن ۇلىنىڭ 150 جىلدىعىن يۋنەسكو دەڭگەيىندە اتاپ ءوتۋ, سونداي-اق ءىس-شارالار باعدارلاماسىن تەرەڭ يدەيالىق مازمۇنمەن بايىتۋ تۋرالى ۇسىنىستار جولدادى.
ء«بىز احمەت بايتۇرسىنوۆتىڭ ءومىرى مەن شىعارماشىلىعىن زەرتتەۋگە ارنالعان عىلىمي كونفەرەنتسيالار مەن دوڭگەلەك ۇستەلدەر وتكىزۋ, وعان ەلوردادا جانە ءوزى قىزمەت ەتكەن قىزىلوردا, سەمەي, الماتى قالالارىندا ەسكەرتكىشتەر قويۋ قاجەت دەپ سانايمىز. سونداي-اق, سىزدەن قوستاناي وبلىسى اكىمدىگىنىڭ الدىنا احمەت بايتۇرسىن ۇلىنىڭ اۋىلىن اباتتاندىرۋ, وعان اپاراتىن جولداردى جوندەۋ تۋرالى تاپسىرما بەرۋىڭىزدى سۇرايمىز», دەدى التىنبەك نۋح ۇلى.
سەناتورلار سونىمەن قاتار ۇلت ۇستازىنا ارناپ دەرەكتى جانە كوركەم فيلمدەردى كوبىرەك ءتۇسىرۋ تۋرالى ۇسىنىس ايتتى. دەپۋتات ساۋالىن ناۋرىز ايىنا جوسپارلانعان «ۇلت قۇندىلىقتارىن ساقتاۋ مەن نىعايتۋ – تاۋەلسىز ەلدىڭ كەمەل بولاشاعى» تاقىرىبىنداعى پارلامەنتتىك تىڭداۋلارعا دايىندىق بارىسىندا التىنبەك نۋح ۇلى, نۇرلان ءابدىروۆ, جانە وزگە دە سەناتورلار جولدادى.
