تۇركىستان وبلىسىندا اقپان ايىنىڭ 15-ءسى مەن 19-ى كۇندەرى ارالىعىندا “ميگرانت” جەدەل-پروفيلاكتيكالىق ءىس-شاراسى وتكىزىلۋدە. نەگىزگى ماقسات – قازاقستان رەسپۋبليكاسىنا كەلۋ, بولۋ جانە قازاقستان رەسپۋبليكاسىنان كەتۋ ەرەجەلەرىنىڭ ساقتالۋىن قاداعالاۋ, تۇركىستان وبلىسى اۋماعىندا بولۋ مەرزىمى ءوتىپ كەتكەن شەتەلدىكتەردىڭ قۇقىقتىق مارتەبەسىن رەتتەۋ, ۆيزالار, جۇمىسقا رۇقسات بەرۋ, سونداي-اق اكىمشىلىك زاڭنامانى بۇزۋشىلاردى انىقتاۋ بولىپ تابىلادى.
اتالعان ءىس-شارانىڭ ەكى تاۋلىگىندە وبلىس اۋماعىندا بارلىعى – 242 شەتەلدىك پەن قر-سى ازاماتتارى انىقتالىپ, اكىمشىلىك جاۋاپكەرشىلىككە تارتىلدى. ونىڭ ىشىندە: 141-ءى شەتەلدىك, 87-ءسى قر ازاماتتارى. اتالعان قۇقىق بۇزۋشىلاردىڭ 45-ىنە اكىمشىلىك ايىپپۇلدار سالىنىپ, 87-سىنە ەسكەرتۋ بەرىلگەن. وزگە ەلدىڭ 27 ازاماتى سوت شەشىمىمەن ەل اۋماعىنان شىعارىلدى.
شەتەل ازاماتىن زاڭسىز تۇرعىن ۇيمەن قامتاماسىز ەتكەن – 87 ادام, سونداي-اق شەتەل جۇمىس كۇشىن زاڭسىز پايدالانعان – 14 قازاقستان رەسپۋبليكاسىنىڭ ازاماتتارى انىقتالىپ, ولارعا قاتىستى قر اقبتك-ءنىڭ 518 جانە 519-باپتارىنىڭ تالاپتارىن بۇزعاندارى ءۇشىن اكىمشىلىك جاۋاپكەرشىلىك قارالدى.
سونىمەن بىرگە “ميگرانت” پروفيلاكتيكالىق ءىس-شاراسى بارىسىندا زاڭسىز كوشى-قوندى ۇيىمداستىرۋدىڭ ەكى دايەگى انىقتالىپ (قر قك-ءنىڭ 394-بابى), قازىرگى تاڭدا سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە.
ەستەرىڭىزگە سالا كەتسەك, “ميگرانت” جەدەل-پروفيلاكتيكالىق ءىس-شاراسى اقپان ايىنىڭ 19-ىنا دەيىن جالعاسىن تابادى.
