2013 جىلعى 29 قاراشا, استانا, ۇكىمەت ءۇيى
جاڭارتىلاتىن ەنەرگيا كوزدەرىن قولداۋ جونىندەگى ەسەپ ايىرىسۋ-قارجى ورتالىعىن ايقىنداۋ تۋرالى
«جاڭارتىلاتىن ەنەرگيا كوزدەرىن پايدالانۋدى قولداۋ تۋرالى» 2009 جىلعى 4 شىلدەدەگى قازاقستان رەسپۋبليكاسىنىڭ زاڭى 5-بابىنىڭ 7-3) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. «جاڭارتىلاتىن ەنەرگيا كوزدەرىن قولداۋ جونىندەگى ەسەپ ايىرىسۋ-قارجى ورتالىعى» جاۋاپكەرشىلىگى شەكتەۋلى سەرىكتەستىگى جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرگەن جانە قازاقستان رەسپۋبليكاسىنىڭ بىرىڭگاي ەلەكتر ەنەرگەتيكاسى جۇيەسىنىڭ ەلەكتر جەلىلەرىنە بەرىلگەن ەلەكتر ەنەرگياسىن ورتالىقتاندىرىلعان ساتىپ الۋدى جانە ساتۋدى جۇزەگە اسىراتىن جاڭارتىلاتىن ەنەرگيا كوزدەرىن قولداۋ جونىندەگى ەسەپ ايىرىسۋ-قارجى ورتالىعى بولىپ ايقىندالسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
