بىرجولعى زەينەتاقى تولەمدەرى ەسەبىنەن تولەنەتىن مەديتسينالىق قىزمەتتەر تىزبەسىنە كەلەسىلەر ەنگىزىلدى:
- دارىلىك قامتاماسىز ەتۋدى قوسا العاندا, ورفاندىق سىرقاتتاردى ەمدەۋ. سونداي-اق ەمدەۋ تاكتيكاسىن انىقتاۋ ءۇشىن دياگنوستيكالىق زەرتتەۋ;
- قازاقستان رەپسۋبليكاسىنىڭ اۋماعىندا ورنالاسقان مەديتسينا مەكەمەلەرى كورسەتەتىن ستوماتولوگيالىق قىزمەتتەر ء(تىستى پروتەزدەۋ, يمپلانتاتسيا);
- وپەراتسيادان كەيىنگى تىرتىقتار مەن تۋا بىتكەن اقاۋلاردى, سونداي-اق ماستەكتوميادان كەيىن تۇزەتۋ ماقساتىندا رەكونسترۋكتيۆتى جانە قالپىنا كەلتىرۋ وپەراتسيالارى (پلاستيكالىق)
- راديونۋكليدتىك جانە راديويودتەراپيا
- راديوحيرۋرگيالىق ەمدەۋ
- پروتون تەراپياسى
- وفتالمولوگيالىق قىزمەتتەر.
مەديتسينالىق قىزمەتتەردىڭ وسى تىزبەسى حالىقتىڭ قاجەتتىلىگىن ەسكەرە وتىرىپ قايتا قارالۋى مۇمكىن. ەمدەلۋگە بەرىلەتىن بىرجولعى زەينەتاقى تولەمدەرىن پايدالانۋ ءۇشىن ءوتىنىش بەرۋشى بجزق-دان بىرجولعى زەينەتاقى تولەمىنىڭ قولجەتىمدى سوماسى تۋرالى اقپاراتتى, ونىڭ ىشىندە بجزق-نىڭ ينتەرنەت-رەسۋرسى ارقىلى ءوز بەتىنشە الۋى قاجەت. سودان كەيىن جوعارىدا كورسەتىلگەن تىزبەگە سايكەس جەكە باسىن كۋالاندىراتىن قۇجاتتىڭ كوشىرمەسىن جانە بەيىندى ماماننىڭ قورىتىندىسىن قوسا بەرە وتىرىپ, بىرجولعى زەينەتاقى تولەمدەرى ەسەبىنەن ەمدەلۋگە جىبەرۋ تۋرالى قورىتىندىنى الۋ ءۇشىن تىركەلگەن جەرى بويىنشا ەمحانانىڭ دارىگەرلىك-كونسۋلتاتسيالىق كوميسسياسىنا جۇگىنەدى.
دارىگەرلىك-كونسۋلتاتيۆتىك كوميسسيا شەشىمدى ازامات ءوتىنىش بەرگەن كۇننەن باستاپ بەس جۇمىس كۇنىنەن كەشىكتىرمەي قابىلدايدى. قورىتىندىنى العاننان كەيىن ءوتىنىش بەرۋشى شەتەلدىك ۇيىمدى (ستوماتولوگيالىق قىزمەتتەردى قوسپاعاندا) قوسا العاندا, مەديتسينالىق ۇيىمدى تاڭداۋى ءتيىس, ونىمەن شارتتىڭ سكانەرلەنگەن نۇسقاسىن ءارى قاراي تىركەي وتىرىپ جانە ۋاكىلەتتى وپەراتوردىڭ ينتەرنەت-رەسۋرسىنداعى (وتباسى بانك) ءوزىنىڭ جەكە كابينەتىندە دارىگەرلىك كوميسسيا جاساسۋمەن مەديتسينالىق قىزمەتتەر كورسەتۋ تۋرالى شارت جاساسادى.
ۋاكىلەتتى وپەراتور (وتباسى بانك) الۋشى ۇسىنعان قۇجاتتار بىرجولعى زەينەتاقى تولەمدەرىنىڭ نىسانالى ماقساتىنا سايكەس كەلگەن كەزدە الۋشىدان قۇجاتتاردى العان كۇننەن باستاپ بەس جۇمىس كۇنى ىشىندە بىرجولعى زەينەتاقى تولەمدەرىن ولاردىڭ نىسانالى ماقساتى بويىنشا اۋدارادى.
