«ارينە, قازاق حالقى ءۇشىن, قازاق جەرىن مەكەندەگەن باسقا ەتنوس وكىلدەرى ءۇشىن اشارشىلىق ۇلكەن تراگەديا بولدى. بىراق ماسەلەنى وبەكتيۆتى تۇرعىدان زەرتتەۋ ءۇشىن ەموتسيانى قالدىرىپ, اشارشىلىقتى عىلىمي فەنومەن رەتىندە زەرتتەۋ قاجەت», - دەدى عالىم.
ەركىن ءابىل اشارشىلىق اقيقاتى تۋرالى ناقتى دەرەكتەرگە نەگىزدەلگەن عىلىمي جانە عىلىمي-كوپشىلىك ماتەريالداردىڭ جارىق كورگەنى ءجون ەكەنىن تىلگە تيەك ەتتى. سوندا عانا كەلەشەك ۇرپاق تاۋەلسىزدىكتىڭ ءبىزدىڭ حالىققا وڭاي جەتپەگەنىن, سول جولدا قانشاما حالىقتىڭ شەيىت بولعانىن سەزىنەر ەدى دەدى تاريحشى-عالىم.
سەنات توراعاسى ماۋلەن اشىمباەۆ, ءوز كەزەگىندە, اشارشىلىق تاقىرىبىن كوتەرۋ – قاستەرلى تاۋەلسىزدىگىمىزدى نىعايتۋ, ءتول تاريحىمىزدى جانە ونىڭ شەشۋشى كەزەڭدەرىن تەرەڭ تانۋ, تاريحتان تاعىلىم الۋ ءۇشىن كەرەك ەكەنىن جەتكىزدى.
