كەزدەسۋگە قاتىسۋشىلارعا وبلىستىڭ سانيتارلىق دارىگەرلەرىنە قاتىستى قىلمىستىق ءىس شەڭبەرىندە قر قىلمىستىق-پروتسەستىك كودەكسىنىڭ 200-بابى نەگىزىندە ەنگىزىلگەن ۇسىنۋ بويىنشا اقپارات جەتكىزىلدى.
جوعارى تۇرعان باسشىلىق تاراپىنان ءتيىستى باقىلاۋدىڭ بولماۋى, سانيتاريالىق-ەپيدەميولوگيالىق باقىلاۋ سالاسىنداعى زاڭناما جانە باسقا دا بىرقاتار نورماتيۆتىك اكتىلەر تالاپتارىنىڭ ساقتالماۋى وسى سىبايلاس جەمقورلىق قۇقىق بۇزۋشىلىق جاساۋعا ىقپال ەتتى.
كەزدەسۋ بارىسىندا سىبايلاس جەمقورلىققا قارسى ءىس-قيمىل اۋماقتىق دەپارتامەنتىنىڭ باسشىلىعى مەملەكەتتىك قىزمەتشىلەرگە سىبايلاس جەمقورلىققا قارسى ءىس-قيمىل ماسەلەلەرى بويىنشا تۇزەتۋلەردى ءتۇسىندىردى.
«قوعامدىق دەنساۋلىقتى ساقتاۋ جانە حالىقتىڭ سانيتارلىق-ەپيدەميولوگيالىق سالاۋاتتىلىعى سانەپيدقىزمەت ماماندارى ءۇشىن, اسىرەسە كوروناۆيرۋستىق پاندەميا كەزىندە ماڭىزدى بولۋى كەرەك. سوندىقتان, مەن ارقايسىسىن سىبايلاس جەمقورلىققا قارسى زاڭنامانى مۇلتىكسىز ساقتاۋعا جانە سىبايلاس جەمقورلىق كورىنىستەرىنە توزبەۋشىلىك تانىتۋعا شاقىرامىن», - دەپ اتاپ ءوتتى ءوز سوزىندە ءوڭىردىڭ سىبايلاس جەمقورلىققا قارسى ۆەدومستۆوسىنىڭ باسشىسى مۇرات تولەۋباەۆ.
ءوز كەزەگىندە وبلىستىڭ باس سانيتارلىق دارىگەرى الداعى ۋاقىتتا وسىنداي قۇقىق بۇزۋشىلىقتارعا جول بەرمەۋ بويىنشا قابىلدانىپ جاتقان شارالار تۋرالى ەسەپ بەردى.
