ايماقتار • 17 اقپان، 2021

قازۇۋ-عا تيەسىلى جەر ساتىلعانى راس پا؟ الماتى اكىمى جاۋاپ بەردى

575 رەت كورسەتىلدى

الماتى قالاسىنىڭ اكىمى باقىتجان ساعىنتاەۆ حالىققا ەسەپ بەرۋ كەزدەسۋىندە ءال-فارابي اتىنداعى قازاق ۇلتتىق ۋنيۆەرسيتەتىنىڭ اۋماعىندا جەر ساتۋ تۋرالى پىكىرتالاستارعا قاتىستى داۋعا جاۋاپ بەردى، دەپ حابارلايدى Egemen.kz

كەزدەسۋ بارىسىندا بوستاندىق اۋدانىنىڭ تۇرعىنى ءانيپا سۇراپبەرگەنوۆا قازۇۋ تۇلەگى ەكەنىن جانە ول ۋنيۆەرسيتەت جەرىن جەكەمەنشىككە بەرۋ تۋرالى قاۋەسەت ەستىگەنىن ايتتى. سونداي-اق ول قالا اكىمىنەن بۇل اقپاراتتىڭ قانشالىق راس ەكەنىن سۇرادى.

باقىتجان ساعىنتاەۆ جوعارى وقۋ ورنىنىڭ اۋماعىن ەشكىم جەكەمەنشىككە بەرمەيتىنىن باسا ايتتى.

ەسكە سالا كەتەيىك، بۇعان دەيىن جەلىدە قازۇۋ-عا تيەسىلى الماتىداعى جەر ۋچاسكەسى جەكە تۇلعاعا بەرىلدى دەگەن اقپارات پايدا بولدى. كەيىن جوعارى وقۋ ورنىنا ۋنيۆەرسيتەتتىڭ جەر تەلىمدەرىن ساتقانى ءۇشىن ايىپ تا تاعىنعان ەدى.

«ۋنيۆەرسيتەت اينالاسىنداعى بارلىق اۋماق ۋنيۆەرسيتەتكە تيەسىلى. ەگەر جوو بۇل جەردى باسقا بىرەۋگە بەرگىسى كەلسە، وندا ول اكىمدىككە «جەر ماعان كەرەك ەمەس، ونى كەرى قايتارىپ ال» دەگەن ۇسىنىس ايتۋ كەرەك. قازىر ۋنيۆەرسيتەتكە جاڭا رەكتور تاعايىندالدى. ءبىز ونىمەن كەزدەسىپ، وسى تاقىرىپ تۋرالى سويلەستىك. ول جەردى بەرۋ مۇمكىن ەمەس، بۇل دۇرىس ەمەس جانە بۇل ۋنيۆەرسيتەتتى دامىتۋ ءۇشىن قاجەت دەپ نىق ايتتى. بۇل − ونىڭ ۇسىنىسى. سوندىقتان بۇگىندە جوعارى وقۋ ورنىنىڭ تەرريتورياسىن باسقا بىرەۋگە بەرۋ تۋرالى اڭگىمە جوق ەكەنىن تاعى ايتقىم كەلەدى»، دەپ ءتۇسىندىردى قالا اكىمى.

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار