20-قاڭتاردان باستاپ ەلىمىزدە اكىمدەردىڭ حالىق الدىنداعى ەسەپ بەرۋى باستالدى, وعان سايكەس 2021-2022 جىلدارعا ارنالعان بيۋدجەتتەر قالىپتاستىرىلاتىن بولادى. ADAL پارتياسى اكىمدىكتەرگە حالىق وتىنىشتەرىنە قۇلاق اسىپ, بيۋدجەتتەردى ولارعا جىبەرىلگەن وزەكتى پروبلەمالارعا سايكەس قۇرۋدى ۇسىنادى.
جاڭارتىلعان ADAL پارتياسى باستاپقىدان تۇراقتى وسۋگە باعىتتالعان ەۆوليۋتسيالىق دامۋ جولىن بەلگىلەدى. باستى ماقسات – قازاقستاندىقتاردىڭ ءومىر ءسۇرۋ ساپاسىن ارتتىرۋ, ەل تۇرعىندارىنىڭ پروبلەمالارىن شەشۋ.
پارتيا كانديداتتارى رەسپۋبليكا پارلامەنتىنە ەنبەسە دە, ءوز قىزمەتتەرىن بەلگىلەنگەن ماقسات شەڭبەرىندە جالعاستىرۋدا. بەلسەندى ۇگىت-ناسيحات كەزەڭى اياقتالا سالىسىمەن, پارتيا مۇشەلەرى سايلاۋالدى ناۋقانى كەزىندە جۇرگىزىلگەن 5161 كەزدەسۋ, سونىمەن قاتار 7ملن حالىقتى قامتىعان الەۋمەتتىك ساۋالناما بارىسىندا جينالعان وتىنىشتەر بويىنشا جۇمىس باستادى.
اۋقىمدى تالداۋ جۇمىسىنىڭ قورىتىندىسى بويىنشا ADAL پارتياسى 2021 جىلدىڭ 15-اقپانىندا 148 اۋدان مەن 34 قالا اكىمدىكتەرىنە رەسمي حاتتار جولدادى, وندا ءار ەلدى مەكەندەگى پروبلەمالار تۋرالى اقپارات بار, ولاردىڭ ارقايسىسى بويىنشا دەرەكتەر ناقتى كورسەتىلگەن (مىسالى, كوشەلەر, ۇيلەردىڭ نومىرلەرى جانە ت.ب.).
ء«بىز ناقتى دەرەكتەردى كورسەتە وتىرىپ, حالىقتىڭ قازىرگى پروبلەمالارى بويىنشا اقپاراتتى قامتيتىن بارلىق دەرەكتەردى جينادىق. ولاردى تالداپ, اكىمدىكتەرگە CD–تاسىعىشتاردا تارتتىق, ويتكەنى دەرەكدەر جۇزدەگەن پاراقتان تۇرادى. بۇل قۇجاتتىڭ ءار بەتى, بيۋدجەتتى قالىپتاستىرۋ كەزىندە اكىمدىكتەر تىڭداۋى ءتيىس اۋدان تۇرعىندارىنىڭ پروبلەمالارى. بيۋدجەتتى ۇيلەستىرۋ يەرارحياسى باسقاشا بولۋى كەرەك. اكىمدىكتەردىڭ بيۋدجەتتەرى حالىقپەن كەلىسىلۋى ءتيىس», - دەدى پارتيا حاتشىسى ەلدار جۇماعازيەۆ.
پارتيانىڭ نەگىزگى ماقساتى – 2021-2022 جىلدارعا ارنالعان بيۋدجەتتەردى, كورسەتىلگەن مالىمەتتەگە سايكەس تۇزەتۋ مۇمكىندىگىنە قول جەتكىزۋ. جينالعان اقپارات اكىمدىكتەرگە حالىقتى تولعاندىرىپ وتىرعان پروبلەمالاردى جەدەل ءارى ءتيىمدى شەشۋ ءۇشىن ناقتى شارالار قابىلداۋعا مۇمكىندىك بەرەدى.
«ۋادە بەرۋ» ۋاقىتى 10-قاڭتاردا ءوتتى, سول ساتتەن باستاپ ناقتى ۇسىنىستار ۋاقىتى كەلدى. قازىرگى تاڭدا بارلىق باعىت بويىنشا جۇمىس جاسالىپ, بەلسەندى جۇزەگە اسىرىلۋدا. پارتيانىڭ ۇگىت-ناسيحات كەزەڭىندەگى باستى ماقساتى حالىقتىڭ مۇڭ-مۇقتاجىن تىڭداۋ بولدى. سول سەبەپتى 5161 كەزدەسۋ وتكىزىلىپ, 4000-نان استام ءوتىنىش جينادىق. سونىمەن قاتار ءبىز ۇگىت-ناسيحات كەزەڭى باستالماي تۇرىپ ەل اراسىندا الەۋمەتتىك ساۋالناما جۇرگىزدىك. وعان 2 ملن-نان استام وتباسى قاتىستى, بۇل شامامەن 7 ملن ادام. اقپاراتتى تالداۋعا ءبىر ايعا جۋىق ۋاقىت كەتتى. بۇل, ارينە, جۇيەلى ءارى تىنىمسىز جۇمىس. پارتيا 182 اكىمدىككە ءوز بيۋدجەتتەرىن حالىقتىڭ ءوتىنىش-تىلەكتەرىن ەسكەرە وتىرىپ قالىپتاستىرۋ تۋرالى ناقتى ۇسىنىس جاسادى», دەپ اتاپ ءوتتى ەلدار جۇماعازيەۆ.
مىسالى, پارتيا ساراپشىلارى جاساعان تالداۋ ناتيجەسىندە, تۇركىستان وبلىسىنا قاراستى, سارىاعاش اۋدانى تۇرعىندارىنىڭ 24%-ى (5816 ادام) ساپاسىز جولدارعا شاعىمداندى, اۋداننىڭ ەكىنشى ماسەلەسى – اۋىز سۋ ساپاسى مەن قامتاماسىز ەتۋ ماسەلەسى. بۇل تۋرالى ساۋالناماعا قاتىسقان حالىقتىڭ 23%-ى (5596 ادام) ايتتى. ءۇشىنشىسى گازبەن جابدىقتاۋ – 8,5 % (2073 ادام).
ال سولت. قازاقستان وبلىسى, ۋاليحانوۆ اۋدانىنداعى جول جاعدايى 1887 (57,6%) ادامدى الاڭداتۋدا. اۋداندا ينتەرنەتتىڭ دە ساپاسى ناشار, بۇل تۋرالى حالىقتىڭ 6,7%-ى (220 ادام) ايتتى, ۇيالى بايلانىستىڭ جوقتىعى دا وزەكتى - 5,8% (191ادام).
باتىس قازاقستان وبلىسى, اقجايىق اۋدانىنىڭ تۇرعىندارىن الاڭداتىپ وتىرعان پروبلەمالار: ساپاسىز جولدار - 15,3% (3174 ادام); ورتالىق سۋمەن جابدىقتالماۋ - 5,6% (1156 ادام); جۇمىسسىزدىق ماسەلەسى - 3,5% (730 ادام).
اقتوبە وبلىسى, ايتەكەبي اۋدانىنىڭ تۇرڭىندارىن تولعاندىرعان وزەكتى ماسەلەلەر مىناداي: گازبەن جابدىقتالۋدىڭ بولماۋى - 39,2% (3964 ادام.), ساپاسىز جولدار - 17,4% (1713 ادام.), ساپاسىز ينتەرنەت - 9,2 % (986 ادام.).
قازاقستاندىقتاردى تولعاندىراتىن باسقا دا پروبلەمالاردىڭ اراسىندا – جەدەل جاردەمنىڭ ۋاقتىلى كەلمەۋى, تروتۋارلاردىڭ, ءدارىحانالاردىڭ, مەشىتتەردىڭ بولماۋى سەكىلدى ماسەلەلەر بار.
