ايماقتار • 17 اقپان، 2021

قىزىلورداداعى ءمودۋلدى اۋرۋحانا ءساۋىر ايىندا پايدالانۋعا بەرىلەدى

69 رەت كورسەتىلدى

ايماقتا 200 ورىندىق ءمودۋلدى جۇقپالى اۋرۋحانانىڭ قۇرىلىسى وتكەن جىلى اياقتالدى. قۇرال-جابدىقتارى ورناتىلىپ، ءساۋىر ايىندا پايدالانۋعا بەرىلەدى. بۇل تۋرالى بۇگىن حالىق الدىنداعى ەسەبىندە وبلىس اكىمى گۇلشارا ابدىقالىقوۆا ايتتى، دەپ حابارلايدى Egemen.kz.

ىندەتپەن كۇرەس شارالارى ءالى جالعاسۋدا. ويتكەنى، كوروناۆيرۋس تولىقتاۋ اۋىزدىقتالعان جوق. قازىر وبلىس «جاسىل ايماقتا». ەگەر جاعداي كۇردەلەنسە قوسىمشا 3200 توسەك-ورىن مەن 3500 مەديتسينا قىزمەتكەرىنەن تۇراتىن كادرلىق رەزەرۆ دايىن تۇر.ەكى ايعا جەتەتىن ءدارى-دارمەكتىڭ قورى بار. وعان بيۋدجەتتەن  488 ملن تەڭگە قارجى ءبولىندى.

"الەمدى شارپىعان ىندەت ءبىزدىڭ ايماعىمىز ءۇشىن دە ۇلكەن سىناق بولدى. دەگەنمەن بارشا حالىقتىڭ بەرەكەلى بىرلىگىنىڭ، تىنىمدى تىرلىگىنىڭ ارقاسىندا بۇل قيىندىقتى دا ەڭسەرە بىلدىك.سىر حالقى ەشقاشان قيىندىققا مويىعان ەمەس. بۇل جولى دا ءبىز بىرلىگىمىزدى كورسەتىپ، قيىن ساتتە ءبىر-بىرىمىزگە قولداۋ بىلدىردىك. قازىرگى تاڭدا جاپپاي ۆاكتسيناتسيالاۋ جۇمىستارى جۇرگىزىلۋدە. ۆاكتسينا سالدىرۋ – ءار ادامنىڭ جەكە قالاۋى. ماجبۇرلەۋ جوق. ەڭ ماڭىزدىسى، ءار ادام ءوزىنىڭ، تۋىستارى مەن جاقىن ادامدارىنىڭ دەنساۋلىعىنا مۇقيات بولۋى كەرەك. بۇل – بۇگىنگى كۇننىڭ تالابى"،-دەدى وبلىس اكىمى.

وبلىستا توعىز پتسر اپپاراتى جۇمىس جاساۋدا. تۇرعىنداردان تاۋلىگىنە 1000-1500 سىناما الىنۋدا. جالپى، وبلىستاعى مەديتسينالىق ۇيىمدار قاجەتتى جابدىقتارمەن تولىق قامتىلدى. كوپبەيىندى وبلىستىق جانە قازالى اۋدانارالىق اۋرۋحانالارىندا وتتەگى ستانسالارى ىسكە قوسىلدى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار