2013 جىلعى 12 قاراشا, استانا, ۇكىمەت ءۇيى
«تەمىر جول كولىگىن تەحنيكالىق پايدالانۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 5 اقپانداعى №87 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «تەمىر جول كولىگىن تەحنيكالىق پايدالانۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 5 اقپانداعى №87 قاۋلىسىنا (قازاقستان رەسپۋبليكاسىنىڭ ءپۇاج-ى, 2013 ج., №14, 254-قۇجات) مىناداي وزگەرىستەر ەنگىزىلسىن:
كورسەتىلگەن قاۋلىمەن بەكىتىلگەن تەمىر جول كولىگىن تەحنيكالىق پايدالانۋ قاعيدالارىندا:
35-تارماق مىناداي رەداكتسيادا جازىلسىن:
«35. قالپىنا كەلتىرۋ پويىزى ۇلتتىق ينفراقۇرىلىم وپەراتورىنىڭ ارنايى قۇرىلىمى بولىپ تابىلادى جانە جىلجىمالى قۇرامنىڭ رەلستەردەن شىعىپ كەتۋى مەن سوقتىعىسۋىنىڭ سالدارلارىن جويۋعا ارنالادى.»;
36-تارماقتىڭ ءبىرىنشى بولىگى مىناداي رەداكتسيادا جازىلسىن:
«36. ءورت پويىزى ۇلتتىق ينفراقۇرىلىم وپەراتورىنىڭ ارنايى قۇرىلىمى بولىپ تابىلادى جانە وبەكتىلەر مەن جىلجىمالى قۇرامدا ءورت ءسوندىرۋ-پروفيلاكتيكا جۇمىستارىن وتكىزۋگە جانە ورتتەردى سوندىرۋگە ارنالادى.»;
40 جانە 41-تارماقتار مىناداي رەداكتسيادا جازىلسىن:
«40. جىلجىمالى قۇرامنىڭ رەلستەردەن شىعىپ كەتۋىنىڭ سالدارىن جويۋ, اۆاريالاردىڭ, وبەكتىلەردەگى جانە قۇرامداعى ورتتەردى ءسوندىرۋ, سونداي-اق اجق جەتىسپەگەن كەزدە جۇمىستا قيىندىقتاردىڭ تۋىنداۋىن, پويىزدار قوزعالىسىنداعى ىركىلىستەردىڭ الدىن الۋ ءۇشىن ۇلتتىق ينفراقۇرىلىم وپەراتورى بولىمشە بويىنشا بۇيرىقپەن وپەراتيۆتىك رەزەرۆتەگى, جوندەۋدىڭ جوسپارلى تۇرىنەن وتكەن اجق-نى پايدالانۋگا تارتادى.»;
«41. ۇلتتىق ينفراقۇرىلىم وپەراتورى جانە كونتسەسسيا شارتتار بويىنشا تەمىرجول يەسى تيىسىنشە پويىزداردىڭ ءۇزىلىسسىز قوزعالىسىن ۇيىمداستىرۋعا ارنالعان جاعدايلاردى قامتاماسىز ەتەدى.»;
42-تارماقتىڭ ءبىرىنشى بولىگى مىناداي رەداكتسيادا جازىلسىن:
«42. قار جيناعىش جانە قار تازالاعىش تەحنيكا (قار جيناعىش پويىزدار, سوقالى قار تازالاعىشتار, قار تازالاعىش جوڭعىلار, روتورلى قار تازالاعىشتار) قىسقى كەزەڭدەگى جۇمىسقا ۇلتتىق ينفراقۇرىلىم وپەراتورى بەلگىلەگەن مەرزىمدەردە دايىندالادى. قار جيناعىش جانە قار تازالاعىش تەحنيكانىڭ قىسقى كەزەڭدەگى جۇمىسقا ازىرلىگىن ۇلتتىق ينفراقۇرىلىم وپەراتورى بەلگىلەيدى.»;
43, 48, 88, 90 جانە 115-تارماقتار مىناداي رەداكتسيادا جازىلسىن:
«43. قار جيناعىش جانە قار تازالاعىش تەحنيكانى ورنالاستىرۋ جوسپارىن, قارمەن كۇرەسۋدىڭ جەدەل جوسپارىن تيىسىنشە ۇلتتىق ينفراقۇرىلىم وپەراتورى جانە كونتسەسسيا شارتتارى بويىنشا تەمىرجول يەسى بەكىتەدى.»;
«48. كۇردەلى مەتەورولوگيالىق جاعداي كەزەڭىندە, قار جيناعىش جانە قار تازالاعىش تەحنيكا جەتىسپەگەن كەزدە پويىزدار قوزعالىسىنداعى ىركىلىستەر مەن قيىندىقتاردى بولعىزباۋ ءۇشىن ۇلتتىق ينفراقۇرىلىم وپەراتورى قار جيناۋ جونىندەگى جۇمىسقا دەپولىق جانە/نەمەسە كۇردەلى جوندەۋدەن وتكەن جەدەل رەزەرۆتەگى قار جيناعىش جانە قار تازالاعىش تەحنيكانى جۇمىسقا تارتادى.»;
«88. ماگيسترالدىق جانە ستانتسيالىق جولداردىڭ, سونداي-اق ۇلتتىق ينفراقۇرىلىم وپەراتورىنا جانە كونتسەسسيا شارتتارى بويىنشا تەمىرجول يەسىنە تيەسىلى تەمىرجول كىرمە جولدارىنىڭ جوسپارى مەن بەيىنى كەزەڭ-كەزەڭىمەن اسپاپ ارقىلى تەكسەرىلىپ وتىرادى.
جولداردىڭ جوسپارى مەن بەيىنىن اسپاپ ارقىلى تەكسەرۋ, ءتيىستى تەحنيكالىق قۇجاتتامانى دايىنداۋ جونىندەگى جۇمىستاردى ۇيىمداستىرۋ, سونداي-اق ستانتسيالاردىڭ ماسشتابتىق جانە سحەمالىق جوسپارلارىن جاساۋ تيىسىنشە ۇلتتىق ينفراقۇرىلىم وپەراتورىنا جانە كونتسەسسيا شارتتارى بويىنشا تەمىرجول يەسىنە جۇكتەلەدى.»;
«90. سۇرىپتاۋ, ۋچاسكەلىك جانە جۇك ستانتسيالارىنداعى سۇرىپتاۋ دوڭەستەرىنىڭ, دوڭەساستى جانە پىشىندەلگەن تارتىمدىق جولداردىڭ بويلىق بەيىندەرىن ءۇش جىلدا كەمىندە ءبىر رەت تيىسىنشە ۇلتتىق ينفراقۇرىلىم وپەراتورى جانە كونتسەسسيا شارتتارى بويىنشا تەمىرجول يەسى تەكسەرەدى. بارلىق ستانتسيالاردىڭ ستانتسيالىق جولدارىنىڭ قالعان ۇزىندىعىندا بەيىن ون جىلدا كەمىندە ءبىر رەت تەكسەرىلەدى.
باستى جولداردىڭ بويلىق بەيىن اسپاپ ارقىلى تەكسەرۋ جولداردى كۇردەلى جانە ورتاشا جوندەۋ كەزەڭىندە جۇرگىزىلەدى. جولدىڭ جوسپارى مەن بەيىنىنىڭ وزگەرۋىنە الىپ كەلەتىن قايتا قۇرۋ جۇرگىزىلەتىن ماگيسترالدىق جانە ستانتسيالىق جولداردىڭ ۋچاسكەلەرىن جۇمىستى ورىنداۋشىلار جۇمىستى اياقتاعان سوڭ تيىسىنشە ۇلتتىق ينفراقۇرىلىم وپەراتورىنا نەمەسە كونتسەسسيا شارتتارى بويىنشا تەمىرجول يەسىنە ءتيىستى قۇجاتتامانى ۇسىنا وتىرىپ, تەكسەرەدى.
ستانتسيا اۋماعىندا جاڭا وبەكتىلەر سالعان, قولدا بارلارىن كەڭەيتكەن نەمەسە باسقا ورىنعا اۋىستىرعان كەزدە وسىنداي جۇمىستاردى ورىندايتىن كەز كەلگەن ۇيىم قولدانىستاعى ستانتسيانىڭ دامۋىنا وبەكتىنىڭ بايلانىستىرىلۋىن بەلگىلەيتىن ورىنداۋشىلىق قۇجاتتامانى دەرەۋ تيىسىنشە ۇلتتىق ينفراقۇرىلىم وپەراتورىنا نەمەسە كونتسەسسيا شارتتارى بويىنشا تەمىرجول يەسىنە بەرۋى ءتيىس»;
«115. ينجەنەرلىك كوممۋنيكاتسيا, قۇبىرجولدار, وتپە, بايلانىس جەلىسى, ەلەكتر بەرۋدى, مۇناي قۇبىرجولدارى, گاز قۇبىرجولدارىن, سونداي-اق ولاردىڭ تەمىرجولمەن قيىلىساتىن وبەكتىلەردى نەمەسە ولاردىڭ وتە جاقىن ورنالاسقان جولاق بۇراماسىنىڭ شەگىندە ورنالاسقان قۇرىلىستاردى ورنالاستىرۋ, سالۋ جانە پايدالانۋ شارتتارى وعان تاپسىرىس بەرۋشى مەن تيىسىنشە ۇلتتىق ينفراقۇرىلىمنىڭ وپەراتورى نەمەسە كونتسەسسيا شارتتارى بويىنشا تەمىرجول يەسى اراسىنداعى شارت بويىنشا انىقتالادى.»;
«116-تارماقتىڭ ءبىرىنشى بولىگى مىناداي رەداكتسيادا جازىلسىن:
«116. كىرمە جولداردىڭ ماگيسترالدىق جانە ستانتسيالىق جولدارعا جالعاسۋى تيىسىنشە ۇلتتىق ينفراقۇرىلىم وپەراتورىنىڭ نەمەسە كونتسەسسيونەردىڭ كەلىسىمىمەن جۇزەگە اسىرىلادى.»;
187 جانە 213-تارماقتار مىناداي رەداكتسيادا جازىلسىن:
«187. ۇلتتىق ينفراقۇرىلىم وپەراتورى بەلگىلەيتىن تىزبەگە سايكەس ستانتسيالار مەن ديسپەتچەرلىك ۋچاسكەلەردەگى پويىزدىق جانە ستانتسيالىق راديوبايلانىس قۇرىلعىلارى سويلەسۋدى قۇجاتتالعان تىركەۋ جۇيەسىمەن جابدىقتالادى.
سويلەسۋدى قۇجاتتالعان تىركەۋ جۇيەسىن پايدالانۋ ءتارتىبىن ۇلتتىق ينفراقۇرىلىم وپەراتورى بەلگىلەيدى.»;
«213. قاجەت بولعاندا, جەكەلەگەن وتپە جولداردا جۇردەك جولاۋشىلار پويىزىن وتكىزۋ كەزىندە قوسىمشا قاۋىپسىزدىك شاراسى رەتىندە وتپە جولدار بويىنشا كەزەكشى قوسىنىنا قاراما-قارسى ورنالاسقان كولدەنەڭ بۇرىلاتىن قوسالقى توسپالار جابىلىپ, ق ۇلىپقا بەكىتىلۋى ءتيىس. مۇنداي وتپە جولداردىڭ تىزبەسىن ۇلتتىق ينفراقۇرىلىم وپەراتورى بەلگىلەيدى.»;
215-تارماقتىڭ ەكىنشى بولىگى مىناداي رەداكتسيادا جازىلسىن:
«اۆتوماتيكا جانە تەلەمەحانيكا قۇرىلعىلارى بويىنشا ۇلگىلىك تەحنيكالىق شەشىمدەردى تيىسىنشە ۇلتتىق ينفراقۇرىلىم وپەراتورى نەمەسە كونتسەسسيا شارتتارى بويىنشا تەمىر جول يەسى بەكىتەدى. اۆتوماتيكا جانە تەلەمەحانيكا قۇرىلعىلارىندا ۇلگىلىك ەمەس تەحنيكالىق شەشىمدەردى قولدانۋعا رۇقسات ەتىلمەيدى.»;
229-تارماقتىڭ ەكىنشى بولىگى مىناداي رەداكتسيادا جازىلسىن:
«قولدانىستاعى جاساندى قۇرىلىستاردا كورسەتىلگەن قاشىقتىقتاردى ازايتۋگا تيىسىنشە ۇلتتىق ينفراقۇرىلىم وپەراتورىنىڭ نەمەسە كونتسەسسيا شارتتارى بويىنشا تەمىرجول يەسىنىڭ تەحنيكالىق شەشىمدەرىنىڭ نەگىزىندە ۋاكىلەتتى ورگاننىڭ كەلىسىمى بويىنشا رۇقسات ەتىلەدى.»;
230-تارماقتىڭ ءتورتىنشى بولىگى مىناداي رەداكتسيادا جازىلسىن:
«مۇنداي جەرلەردىڭ تىزبەسىن تيىسىنشە ۇلتتىق ينفراقۇرىلىم وپەراتورى نەمەسە كونتسەسسيا شارتتارى بويىنشا تەمىرجول يەسى بەلگىلەيدى.»;
234-تارماقتىڭ ەكىنشى بولىگى مىناداي رەداكتسيادا جازىلسىن: «ماگيسترالدىق جانە ستانتسيالىق جولداردا ايىرعىشتاردى, اجىراتقىشتاردى اۋىستىرىپ قوسۋ تيىسىنشە ۇلتتىق ينفراقۇرىلىم وپەراتورىنىڭ (ەنەرگوديسپەتچەردىڭ) نەمەسە كونتسەسسيا شارتتارى بويىنشا تەمىرجول يەسىنىڭ جاۋاپتى قىزمەتكەرىنىڭ بۇيرىعى نەگىزىندە عانا جۇرگىزىلەدى.»;
236 جانە 262-تارماقتار مىناداي رەداكتسيادا جازىلسىن:
«236. تۇيىسپەلى توراپتىڭ, اۆتوبۇعاتتاۋ جانە بويلىق ەلەكترمەن جابدىقتاۋدىڭ ەلەكتر قورەكتەنۋ جانە سەكتسيالاۋ سحەماسىن تيىسىنشە ۇلتتىق ينفراقۇرىلىمدىق وپەراتورى نەمەسە كونتسەسسيا بويىنشا تەمىرجول يەسى بەكىتەدى.»;
«262. ءبىر جولدى ۋچاسكەدە جۇمىس جۇرگىزۋ ءۇشىن ارالىقتى, ال قوس جولدى نەمەسە كوپ جولدى ۋچاسكەدە ءبىر نەمەسە بىرنەشە جولدى جابۋ ەگەر ول كورشىلەس تەمىرجول ۇيىمدارىمەن بەلگىلەنگەن قوزعالىس مولشەرلەرىنىڭ وزگەرۋىنە الىپ كەلمەسە, تيىسىنشە ۇلتتىق ينفراقۇرىلىم وپەراتورىنىڭ نەمەسە كونتسەسسيا بويىنشا تەمىرجول يەسىنىڭ رۇقساتىمەن جۇرگىزىلەدى. ەگەر مۇنداي جابۋ تمد ەلدەرىنىڭ كورشىلەس تەمىر جولدارىنا بەلگىلەنگەن پويىزدار قوزعالىسى مولشەرلەرىنىڭ وزگەرۋىنە الىپ كەلسە, وعان باسقا تەمىر جول اكىمشىلىكتەرىمەن كەلىسۋ رۇقسات بەرىلەدى.»;
263-تارماقتىڭ ەكىنشى بولىگى مىناداي رەداكتسيادا جازىلسىن:
«جۇمىس باسشىسى ارالىقتىڭ نەمەسە جولداردىڭ جابىلعانى تۋرالى جاۋاپتى قىزمەتكەردىڭ (پويىز ديسپەتچەرىنىڭ) تيىسىنشە ۇلتتىق ينفراقۇرىلىم وپەراتورىنىڭ نەمەسە كونتسەسسيا بويىنشا تەمىرجول يەسىنىڭ بۇيرىعىن (جازباشا حابارلاما, تەلەفونحات نەمەسە جەدەلحات نىسانىندا) العانعا دەيىن جانە جۇمىس ورىندارى سيگنالمەن قورشالعانعا دەيىن جۇمىسقا كىرىسۋگە رۇقسات ەتىلمەيدى.»;
264-تارماقتىڭ ەكىنشى ءبولىمى مىناداي رەداكتسيادا جازىلسىن:
«قولدانىستاعى اۆتوماتيكا, تەلەمەحانيكا جانە تەلەكوممۋنيكاتسيا نەمەسە ەلەكترمەن جابدىقتاۋدىڭ قۇرىلعىلارىنىڭ جۇمىسىن قالپىنا كەلتىرۋ تيىسىنشە جاۋاپتى قىزمەتكەردەن (اۆتوماتيكانىڭ, تەلەمەحانيكانىڭ جانە تەلەكوممۋنيكاتسيانىڭ اعا ەلەكتر مەحانيگىنەن نەمەسە ەنەرگوديسپەتچەردەن), ۇلتتىق ينفراقۇرىلىم وپەراتورىنان نەمەسە كونتسەسسيا شارتتارى بويىنشا تەمىرجول يەسىنەن حابارلاما العاننان كەيىن جۇرگىزىلەدى.».
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
