سونىمەن قاتار مەديتسينالىق قىزمەتكەرلەر دەنساۋلىق ساقتاۋ مينيسترلىگىنىڭ ۇيىمداستىرۋىمەن قىتاي, رەسەي ماماندارىنان ونلاين فورماتتا تاجىريبە الماسقان.
تۇركىستان وبلىستىق قوعامدىق دەنساۋلىق باسقارماسىنىڭ باسشىسى مارات پاشيموۆتىڭ ايتۋىنشا, رەسەيدىڭ سانكت-پەتەربۋرگ, نوۆوسيبيرسك قالالارىنداعى جوعارعى وقۋ ورىندارىمەن ۇزدىكسىز ءبىلىم بەرۋ جونىندە ارىپتەستىك بايلانىس ورناتىلعان. دارىگەرلەرگە سوڭعى تەحنولوگيالاردى مەڭگەرتىپ, ناۋقاستاردى ەمدەيتىن مامانداردى دايىنداۋ ماقساتىندا وبلىستىق بالالار اۋرۋحاناسىندا ارنايى ترەنينگ ورتالىقتارىندا 728 مەديتسينالىق قىزمەتكەر وقىتىلدى. پاندەميا تۇسىنداعى نەگىزگى اۋىرتپالىق مەديتسينا قىزمەتكەرلەرىنە تۇسكەنى بەلگىلى. ىندەت جۇقتىرعانداردى ەمدەپ, ءوز ءومىرىن قاتەرگە تىككەن اق حالاتتى ابزال جانداردىڭ ەڭبەگى ەرەن. وسىناۋ سىن ساعاتتا حالقى تىعىز قونىستانعان تۇركىستان وڭىرىندەگى مەديتسينا سالاسىنىڭ جۇمىسىن ۇيىمداستىرىپ, جاعدايدىڭ تۇراقتىلىعىن قامتاماسىز ەتە بىلگەن قوعامدىق دەنساۋلىق باسقارماسىنىڭ باسشىسى مارات پاشيموۆ ەلباسى نۇرسۇلتان نازارباەۆتىڭ العىس حاتىمەن ماراپاتتالدى.
ايتا كەتەلىك, جالپى وبلىستا 5300 دارىگەر جانە 18600-عا جۋىق مەيىربيكە بار. اقپان ايىنىڭ باسىنان بەرى 1200-گە جۋىق مەديتسينا قىزمەتكەرى COVID-19-عا قارسى ەكپە سالدىردى.
