پوليتسيا دەپارتامەنتى جانە جامبىل اۋدانى پوليتسيا ءبولىمىنىڭ تابيعاتتى قورعاۋ پوليتسەيلەرى اۋىلداردىڭ بىرىندە ءۇيدىڭ ماڭىنان جىلىكتەپ بولىنگەن ءسىبىر ەلىگىنىڭ ەتىن انىقتادى. اڭنىڭ تەرىسىندە وق ىزدەرى بولعان. جانۋاردى زاڭسىز اتىپ العانى ءۇشىن اۋداننىڭ 46 جاستاعى تۇرعىنى ۇستالدى.
اتالعان فاكتى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قر قىلمىستىق كودەكسىنىڭ 337-بابى (زاڭسىز اڭشىلىق) بويىنشا ەنگىزىلدى. كۇدىكتىگە قاتىستى مىندەتتى كەلۋ تۇرىندەگى ماجبۇرلەۋ شاراسى تاعايىندالدى. جانۋاردىڭ قالعان مۇشەلەرى, “رىس” قاردا جۇرگىشى, 12 كاليبرلى “يج-43ە” جانە “توز-87” اڭشى مىلتىقتارى, وق-دارىلەر, باسقا دا قۇرال-جابدىقتار الىندى. كۇدىكتىمەن بىرگە تاعى ەكى اۋىل تۇرعىنى بولعان.
قازىرگى ۋاقىتتا بولعان وقيعانىڭ ءمان-جايىن تولىق جانە وبەكتيۆتى انىقتاۋعا باعىتتالعان سوتقا دەيىنگى تەرگەۋ جۇرگىزىلۋدە.
– تابيعاتتى قورعاۋ پوليتسياسىنىڭ رەيدتەرى ورمان جانە اڭشىلىق شارۋاشىلىقتارىنىڭ قىزمەتكەرلەرىمەن بىرلەسە تۇراقتى نەگىزدە جۇرگىزىلەدى, – دەدى سقو پوليتسيا دەپارتامەنتى جەرگىلىكتى پوليتسيا قىزمەتى باسقارماسى تابيعاتتى قورعاۋ پوليتسياسى توبىنىڭ ينسپەكتورى اسحات قوجاباەۆ.
اتالعان قىلمىس جىل باسىنان بەرگى سولتۇستىك قازاقستان وبلىسىندا تىركەلگەن زاڭسىز اڭ اۋلاۋدىڭ العاشقى فاكتىسى.
